હરિયાણાના પૂર્વ મુખ્યમંત્રી હુડ્ડાના ઘરે CBI ના દરોડા

સીબીઆઈના દરોડા બાદ શહેરમાં રાજકીય ગરમાવો છે. આ દરોડા બાદ કૉંગ્રેસે મોદી સરકાર પર નિશાન સાધ્યું છે. કૉંગ્રેસના નેતા આનંદ શર્માએ કહ્યું, એકપણ એજન્સી કાયદા મુજબ કામ નથી કરી રહી. સીબીઆઈ દ્વારા જે દરોડા પાડવામાં આવ્યા તેની નિંદા કરીએ છીએ. ડરાવવા માટે આ સંદેશ આપવામાં આવી રહ્યા છે. પૂર્વ વિધાનસભા અધ્યક્ષ કુલદીપ શર્માએ આરોપ લગાવ્યો છે કે જીંદ પેટા પેટા ચૂંટણીને લઈને ભાજપ સરકારે આ દરોડા પડાવ્યા છે. આ મામલામાં પૂર્વ મુખ્યમંત્રીને કોઈ લેવડ-દેવડ નથી, માત્ર બદનામ કરવામાં આવી રહ્યા છે.

શુક્રવારે સવારે સીબીઆઈએ હુડ્ડાના રોહતક સ્થિત ડીપાર્ક નિવાસ સ્થાન પર દરોડા પાડ્યા હતા. કહેવામાં આવી રહ્યું છે કે આ દરમિયાન પૂર્વ મુખ્યમંત્રી હુડ્ડા તેમના ઘરે હાજર હતા. આ દરમિયાન કોઈને ઘરની અંદર પ્રવેશ કરવાની મંજૂરી નથી આપવામાં આવી.

નવી દિલ્હી: હરિયાણાના પૂર્વ મુખ્યમંત્રી અને કૉંગ્રેસના વરિષ્ઠ નેતા ભૂપેંદ્ર સિંહ હુડ્ડાના ઘરે શુક્રવારે સીબીઆઈએ દરોડા પાડ્યા છે. સીબીઆઈની ટીમ દિલ્હી અને હરિયાણામાં તેમના 30થી વધુ જગ્યાઓ પર દરોડા પાડ્યા છે. ન્યૂઝ એજન્સી એએનઆઈના મુજબ, તેમની વિરૂદ્ધ જમીન કૌભાંડના મામલામાં કાર્યવાહી કરવામાં આવી રહી છે.