દાઉદ ઇબ્રાહિમના ભાઈ ઇકબાલ કાસકરની મુંબઈથી ધરપકડ, મકોકા લગાવવાની તૈયારી

મુંબઈઃ અંડરવર્લ્ડ ડોન દાઉદ ઇબ્રાહિમના ભાઈ ઇકબાલ કાસકરની ધરપકડ કરવામાં આવી છે. ઇકબાલની ઠાણે ક્રાઈમ બ્રાન્ચે સોમવારે ધરપકડ કરી હતી. ઇકબાલ કાસકર પર એક બિલ્ડર સાથે ખંડણી માગવા અને ધમકી આપવાનો આરોપ છે. સૂત્રો અનુસાર ઇકબાલ કાસકર ગેંકના કેટલાક લોકોએ એક બિલ્ડરને ફોન કરીને ધમકી આપી હતી અને તેની પાસે ખંડણી માગી હતી. પોલીસ તેના પર મકોકા લગાવાવની તૈયારી કરી રહી છે.

આ ઘટના 2016ની છે. એક બિલ્ડરને ધમકી ભર્યો ફોન આવ્યો હતો અને તેની પાસે ચાર ફ્લેટની ખંડણી માંગવામાં આવી હતી. ડરના કારણે બિલ્ડરે પોલીસમાં કેસ નહોતો કર્યો. વસૂલીની વિરુદ્ધ કામ કરતા ઠાણે ક્રાઈમ પોલીસના ક્રાઈમ બ્રાન્ચ સેલને તપાસ દરમિયાન આ વાતની જાણકારી મળી. જે પછી ઈકબાલ કાસકરની વિરુદ્ધ કેસ નોંધવામાં આવ્યો હતો.