દિલ્હીના કૉન્સટીટ્યૂશન ક્લબ બહાર JNU વિદ્યાર્થી ઉમર ખાલિદ પર ફાયરિંગ, હુમલાખોર ફરાર

એક સાક્ષીએ જણાવ્યું કે તેઓ ચાની કેન્ટીન પર ઉભા હતા ત્યારે સફેદ શર્ટમાં એક શખ્સ આવ્યો જેણે ઉમરને ધક્કો માર્યો અને ગોળીઓ ચલાવી. ઉમરનું બેલેન્સ બગડ્યું અને તેને કોઈ ગોળી ન લાગી.

સાક્ષીએ જણાવ્યું કે લોકોએ હુમલાખોરને પકડવાનો પ્રયાસ કર્યો તો તે હવામાં ફાયરિંગ કરતા ફરાર થઈ ગયો હતો. આ દરમિયાન હુમલાખોરની પિસ્તોલ ત્યાં જ પડી ગઈ હતી પરંતુ તે ફરાર થઈ ગયો હતો.

નવી દિલ્હી: જેએનયૂના વિદ્યાર્થી નેતા ઉમર ખાલિદ પર ફાયરિંગ કરવામાં આવ્યું હોવાના સમાચાર સામે આવ્યા છે. કોન્સટીટ્યૂશન ક્લબના ગેટ પર તેના પર હુમલો કરવામાં આવ્યો. આ હુમલામાં કોઈને નુકશાન નથી થયું. કોન્સટીટ્યૂશન ક્લબ દિલ્હીના રફી માર્ગ વિસ્તારમાં છે.