1 નવેમ્બરથી યુ.એસ. વિઝાના નિયમોમાં થશે ફેરફાર, જાણો ફોટાને લઈને શું આવ્યો નવો નિયમ?

યુનિફોર્મ સાથેનો ફોટો અમાન્ય, સિવાય કે ધાર્મિક કપડાં જે રોજ પહેરતાં હોય તે ચાલે. વાળ કે પાંથી ઢંકાય તે પ્રકારે માથે કપડું બાંધેલું કે હેટ પહેરેલો ફોટો અમાન્ય. હેડફોન્સ, વાયરલેસ હેન્ડ્સફ્રી કે તે પ્રકારનાં ઉપકરણો સાથેનો ફોટો અમાન્ય. ઓફ વ્હાઈટ બેકગ્રાઉન્ડ ફરજિયાત. 6 મહિનામાં પાડેલો ફોટો ચાલે. બંને આંખ ખુલ્લી અને ચહેરાના સ્થિર હાવભાવ ફરજિયાત. રંગીન ફોટો ફરજિયાત.

નવી સૂચના મુજબ તો 1 નવેમ્બરથી જ વિઝા માટે ગ્લાસીસ માન્ય નહીં રહે. જે લોકોએ કાયમ ચશ્માં પહેરવાં જ પડે તેમના ફોટોગ્રાફ્સમાં પણ ટિન્ટેડ, ડાર્ક ગ્લાસીસ માન્ય નહીં રહે. ફ્લેશ સિવાય અથવા સહેજ ચહેરો નીચો રાખીને ગ્લાસીઝ સાથે પાડેલો નિશ્ચિત સ્પેસિફિકેશન્સનો ફોટોગ્રાફ્સની છૂટ અપાઈ છે. તેમ છતાં, કયો ફોટો માન્ય રાખવો કે નહીં તે વિઝા ઑફિસર નક્કી કરે તે આખરી ગણાશે.