નવા વર્ષે મોદી સરકારની મોટી ભેટ, રાંધણ ગેસના બાટલામાં થયો મોટો ઘટાડો, જાણો વિગત

સબ્સિડીવાળા રસોઇ ગેસની કિંમત 500 રૂપિયાથી ઓછી થઇ ગઇ છે. સબ્સિડીવાળા ગેસ સિલિન્ડરના ભાવમાં 5.91 રૂપિયાનો ઘટાડો થવાથી ગ્રાહકોએ હવે 494.99 રૂપિયા ચુકવવા પડશે. પહેલા આ માટે 500.90 રૂપિયા ચુકવવા પડતા હતા.

દેશની સૌથી મોટી ઓઇલ રિફાઇનરી ઇન્ડિયન ઓઇલ કોર્પોરેશને જણાવ્યું કે, 1 જાન્યુઆરીથી દિલ્હીમાં સબ્સિડીવાળો અને સબ્સિડીવગરનો રસોઇ ગેસ સિલિન્ડર સસ્તો મળશે. સબ્સિડીવગરના એલપીજી સિલિન્ડર માટે હવે ગ્રાહકોએ 689 રૂપિયા ચૂકવવા પડશે. હાલ તેની કિંમત 809.50 રૂપિયા છે.

નવી દિલ્હી: સરકાર દ્વારા નવા વર્ષે લોકોને મોટી ભેટ આપવામાં આવી છે. સબ્સિડીવાળા અને સબ્સિડી વગરનાં સિલિન્ડરની કિંમતમાં ધરખમ ઘટાડો કરવામાં આવ્યો છે. ઇન્ડિયન ઓઇલ કોર્પોરેશનનાં જણાવ્યા અનુસાર, સબ્સિડીવાળા રસોઇ ગેસ સિલિન્ડરની કિંમતમાં 5.91 રૂપિયા જ્યારે સબ્સિડી વગરનાં રસોઇ ગેસ સિલિન્ડરનાં ભાવમાં 120.5 રૂપિયાનો ઘટાડો થયો છે. નવા ભાવ આજે મધરાતથી લાગુ થશે.