Coconut Oil: શું ચહેરા પર નારિયેલ તેલ લગાવવું યોગ્ય છે? જાણો સ્કિન પર શું થાય છે અસર

Coconut Oil: લોકો પોતાના ચહેરાને સુંદર રાખવા માટે ઘણા પ્રયાસો કરે છે, આવી સ્થિતિમાં કેટલાક લોકો ચહેરા પર નારિયેળ તેલનો ઉપયોગ કરે છે

પ્રતિકાત્મક તસવીર

Coconut Oil: લોકો પોતાના ચહેરાને સુંદર રાખવા માટે ઘણા પ્રયાસો કરે છે, આવી સ્થિતિમાં કેટલાક લોકો ચહેરા પર નારિયેળ તેલનો ઉપયોગ કરે છે. પરંતુ શું તમે જાણો છો કે દરરોજ નાળિયેર તેલનો ઉપયોગ ચામડી માટે ફાયદાકારક છે કે નહીં? જો તમે પણ નથી જાણતા તો આ સમાચાર તમારા માટે છે. આજે અમે તમને જણાવીશું કે ચામડી પર નારિયેળ તેલ લગાવવું યોગ્ય છે કે નહીં.

નાળિયેરનું તેલ લગાવવું યોગ્ય છે કે નહીં?

નારિયેળનું તેલ સ્વાસ્થ્ય અને સૌંદર્યના ઘણા ફાયદાઓ માટે જાણીતું છે. આનો ઉપયોગ કરીને લોકો તેમની ચામડીને હાઇડ્રેટ રાખી શકે છે. આટલું જ નહીં, નારિયેળનું તેલ પણ વાળ માટે ખૂબ જ ફાયદાકારક માનવામાં આવે છે. દરરોજ આ તેલથી વાળમાં માલિશ કરવાથી વાળ લાંબા, જાડા અને સુંદર લાગે છે. નાળિયેર તેલ વાળ ખરતા ઘટાડે છે અને શુષ્કતા દૂર કરવામાં મદદ કરે છે.

નાળિયેર તેલના ફાયદા

નાળિયેર તેલમાં હાજર એન્ટી ઇન્ફ્લેમેટરી ગુણ પિપલ્સ, ખરજવું અને ચામડીની બળતરા ઘટાડવામાં મદદ કરે છે. તેમાં હાજર એન્ટીઓક્સીડેન્ટ ચામડીને હાનિકારક કિરણોથી બચાવે છે અને કરચલીઓ ઓછી કરે છે. નાળિયેર તેલમાં એન્ટિ-માઇક્રોબાયલ ગુણ હોય છે, જે બેક્ટેરિયાના વિકાસને અટકાવે છે. તેનાથી પિમ્પલ્સ થવાનું જોખમ ઓછું થાય છે. પરંતુ કેટલાક લોકોને નારિયેળ તેલથી નુકસાન થઈ શકે છે.

નાળિયેર તેલના ગેરફાયદા

નાળિયેર તેલથી ચામડી પરના છિદ્રો બંધ થઇ શકે છે.  જેનાથી પિમ્પલ્સ પણ થઈ શકે છે. જો તમારી ચામડી ઓઇલી હોય તો તમારે નારિયેળ તેલ લગાવવાનું ટાળવું જોઈએ. આ સિવાય નારિયેળ તેલનો ઉપયોગ કરતા પહેલા પેચ ટેસ્ટ જરૂર કરો. કેટલાક લોકોને નાળિયેર તેલથી એલર્જી થઈ શકે છે, જેનાથી ચામડીમાં બળતરા, લાલાશ, સોજો અને ખંજવાળ આવવાની શક્યતા વધી શકે છે. જો તમારી સાથે આવું થાય તો નારિયેળ તેલનો ઉપયોગ બંધ કરો અને ડૉક્ટરની સલાહ લો.

વાળ માટે નાળિયેર તેલ

નાળિયેર તેલ વાળ માટે કોઇ વરદાનથી ઓછું નથી. આનો ઉપયોગ કરીને તમે તમારા વાળની ​​લંબાઈ વધારી શકો છો. જો તમારી ચામડી શુષ્ક હોય તો નારિયેળ તેલ મોઇશ્ચરાઇઝર તરીકે શ્રેષ્ઠ વિકલ્પ બની શકે છે. તમે નાળિયેર તેલનો ઉપયોગ ક્લીંઝર, મોઇશ્ચરાઇઝર અથવા માસ્ક તરીકે કરી શકો છો. વાળની ​​લંબાઈ વધારવા માટે તમે દરરોજ રાત્રે સૂતા પહેલા નાળિયેર તેલની મદદથી તમારા વાળમાં હળવા હાથે માલિશ કરી શકો છો અને સવારે ઉઠ્યા પછી તમારા વાળ ધોઈ શકો છો. આમ કરવાથી વાળ લાંબા થશે અને ચમકવા પણ લાગશે.