Jio નો ધમાકો, લૉન્ચ કરી 5.5G સર્વિસ, મળશે 1Gbps ની સુપરફાસ્ટ ઇન્ટરનેટ સ્પીડ
Jio 5.5G Project: 5G ના અદ્યતન સંસ્કરણને 5.5G કહેવામાં આવે છે, જે 5G ની તુલનામાં વધુ સારી ઇન્ટરનેટ સ્પીડ, ઓછી લેટન્સી અને સુધારેલ નેટવર્ક વિશ્વસનીયતા પ્રદાન કરે છે
Jio 5.5G Project: ટેલિકૉમ દિગ્ગજ જિઓએ નવી તૈયારીઓ શરૂ કરી દીધી છે. Jio એ 5.5G એટલે કે 5G એડવાન્સ સર્વિસ શરૂ કરી છે. દેશની સૌથી મોટી ટેલિકોમ સર્વિસની આ લેટેસ્ટ 5G ટેક્નોલોજી 1Gbpsની ઝડપે ઇન્ટરનેટ ઓફર કરશે. Jioની આ નવી 5.5G સર્વિસની ઝલક OnePlus 13 સીરીઝના લૉન્ચ દરમિયાન જોવા મળી હતી. OnePlusનો આ ફોન Jio 5.5G અથવા Jio 5GA સર્વિસને સપોર્ટ કરતો પહેલો સ્માર્ટફોન છે. આ ફોનને ભારતમાં Jioની નેટવર્ક ટેક્નોલોજીના સહયોગથી વિકસાવવામાં આવ્યો છે. લૉન્ચ દરમિયાન, કંપનીએ દાવો કર્યો છે કે આ ફોન ભારતમાં 5.5G ને સપોર્ટ કરતું પ્રથમ ડિવાઇસ છે.
5G થી કેટલી અલગ છે 5.5G ?
5G ના અદ્યતન સંસ્કરણને 5.5G કહેવામાં આવે છે, જે 5G ની તુલનામાં વધુ સારી ઇન્ટરનેટ સ્પીડ, ઓછી લેટન્સી અને સુધારેલ નેટવર્ક વિશ્વસનીયતા પ્રદાન કરે છે. આ ટેક્નોલોજી ઈન્ટિગ્રેટેડ ઈન્ટેલિજન્સ ફિચરને સપોર્ટ કરે છે. હાલમાં, Jio એ 5.5G એટલે કે 5G એડવાન્સ્ડ રિલીઝ 18 સાથે શરૂ કર્યું છે, જે પ્રારંભિક તબક્કો છે. આ અગાઉના રિલીઝ 15, 16 અને 17 કરતાં સુધારો છે. વળી, આ અદ્યતન 5G ટેક્નોલોજી રિલીઝ 21 સુધી વિકસિત થશે, જે 2028 સુધીમાં લૉન્ચ થઈ શકે છે.
Jio એ 2022 માં ટ્રુ 5G સર્વિસ શરૂ કરી, જેને સ્ટેન્ડ અલોન એટલે કે SA 5G સર્વિસ કહેવામાં આવે છે. વળી, એરટેલે NSA એટલે કે નૉન-સ્ટેન્ડ અલોન 5G સેવા શરૂ કરી હતી. જોકે, એરટેલ SA 5G અને એડવાન્સ્ડ 5G સેવાઓ પછીથી શરૂ કરશે. NSA માં, 5G સેવા ફક્ત હાલના 4G ઇન્ફ્રાસ્ટ્રક્ચર પર જ પ્રદાન કરવામાં આવે છે. NSA પાસે વધુ રેન્જ છે, પરંતુ SA ને ઝડપની દ્રષ્ટિએ વધુ સારી ગણવામાં આવે છે. 5.5G માં મલ્ટી કેરિયર એકત્રીકરણ સક્ષમ કરી શકાય છે, જેથી યૂઝર્સ સીમલેસ કનેક્ટિવિટી મેળવી શકે.
Jio 5.5G માં 1Gbps ની સ્પીડ -
OnePlus 13 ના લૉન્ચ દરમિયાન 5.5G સર્વિસનો ડેમો વીડિયો બતાવવામાં આવ્યો હતો, જેમાં ડાઉનલિંગ સ્પીડ 277.78 Mbps હતી અને નૉન-કૉમ્પોનન્ટ કેરિયર્સમાં (નોન-3CC), Jioના નેટવર્ક પર 1014.96 Mbpsની ડાઉનલિંગ સ્પીડ જોવા મળી હતી. Jioની વેબસાઈટ અનુસાર, ભારતમાં Jio True 5G યૂઝર્સને 1Gbpsની સ્પીડ પર ઈન્ટરનેટ એક્સેસ મળશે.
આ પણ વાંચો
Jio એ કરોડો યૂઝર્સને આપી રાહત, 70 દિવસવાળા સસ્તા પ્લાનની આગળ BSNL થયું 'ફેઇલ'
ટોપ સ્ટોરી
ટ્રેન્ડિંગ સમાચાર
