ALERT! નાની વયે હાર્ટ અટેકથી મોતના વધતાં કેસે વધારી ચિંતા,આ ઉપાયથી હાર્ટનું કરો રક્ષણ

ભારતમાં છેલ્લા ત્રણ વર્ષમાં હાર્ટ એટેકથી મૃત્યુ પામનારાઓની સંખ્યામાં નોંધપાત્ર વધારો થયો છે. નિષ્ણાતોના મતે, કોવિડ 19 પછી હૃદય રોગનું જોખમ અનેકગણું વધી ગયું છે.

પ્રતીકાત્મક તસવીર ( ગૂગલમાંથી)

ALERT!હાર્ટ એટેક અંગે જાહેર કરવામાં આવેલ સરકારી ડેટા ચેતવણી આપનારો છે. આજે ખરાબ જીવનશૈલી અને ખાનપાનને કારણે હાર્ટ એટેકનો ખતરો ઝડપથી વધી રહ્યો છે. ભારતમાં છેલ્લા ત્રણ વર્ષમાં હાર્ટ એટેકથી મૃત્યુ પામનારાઓની સંખ્યામાં નોંધપાત્ર વધારો થયો છે. નિષ્ણાતોના મતે, કોવિડ 19 પછી હૃદય રોગનું જોખમ અનેકગણું વધી ગયું છે. NCRB દ્વારા બહાર પાડવામાં આવેલા નવા ડેટા અનુસાર, માત્ર પાછલા વર્ષ 2022માં જ હાર્ટ એટેકના કેસોમાં 12.5% ​​નો વધારો થયો છે. આવો જાણીએ શું કહે છે સરકારી આંકડા અને હાર્ટ એટેકથી બચવા શું કરવું.

હાર્ટ એટેકથી મૃત્યુઆંક

સરકારી આંકડા અનુસાર, 2022માં હાર્ટ એટેકના કારણે 32,457 લોકોના મોત થયા હતા, જ્યારે 2021માં હાર્ટ એટેકના કારણે 28,413 લોકોના મોત થયા હતા. ઈન્ડિયા ટુડેના એક અહેવાલ મુજબ, 2022માં જ હાર્ટ એટેક અચાનક મૃત્યુનું ગંભીર કારણ બની ગયું છે. 2020 માં, 28,579 લોકો મૃત્યુ પામ્યા હતા પરંતુ 2021 માં આ સંખ્યા ઘટીને 28,413 પર પહોંચી હતી પરંતુ 2022 માં તે ફરી એક વાર વધી અને સંખ્યા વધીને 32,457 થઈ ગઈ.

હાર્ટ એટેકથી બચવાના ઉપાયો

1. જીવનશૈલીમાં ફેરફાર કરો.
2. માત્ર સ્વસ્થ આહાર અપનાવો. એકસ્ટ્રા ફેટ, ઓઇલ, મીટ ખાવાનું ટાળો, તમારા આહારમાં લીલા શાકભાજી, ફળો, બદામ, ફિશનો સમાવેશ કરો.
3. સિગારેટ અને આલ્કોહોલનું વધુ પડતું સેવન ટાળો.
4. બ્લડ પ્રેશર, બ્લડ શુગર અને કોલેસ્ટ્રોલ નોર્મલ રાખવાનો પ્રયાસ કરો.
5. નિયમિત વ્યાયામ કરો. શરીરનું વજન વધવા ન દો.
6. મેડિટેશન બ્રિથિંગ ટેકનિક અને યોગનો અભ્યાસ કરો.
7. સમય સમય ચેક અપ કરાવતા રહો.

હાર્ટને હેલ્ધી રાખવા આટલું કરો

1. હૃદય માટે હાનિકારક ખોરાકનું સેવન ન કરો.
2. વધારે મીઠા વાળી વસ્તુઓ ન ખાવી.
3. રિફાઇન્ડ સુગર અને કાર્બોહાઇડ્રેટ્સ લેવાનું ટાળો.
4. પ્રોસેસ્ડ ફૂડ ટાળો.
5. સેચુરેટેડ ફૂડનું સેવન ન કરો.               

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા  કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો