Exercise Benefits: એકસરસાઇઝ ન કરતાં હો તો થઈ શકે છે આ 6 નુકસાન, જાણો વિગતે

Health Tips: વ્યક્તિ જીવનભર ફિટ રહેવા માંગે છે. આ માટે લોકો જીવનશૈલી સુધારવા, કસરત, ચાલવા સહિતના અન્ય ઉપાયો કરે છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Exercise Benefits For Body:   વ્યક્તિ જીવનભર ફિટ રહેવા માંગે છે. આ માટે લોકો જીવનશૈલી સુધારવા, કસરત, ચાલવા સહિતના અન્ય ઉપાયો કરે છે. જે લોકો તેમના રોજિંદા જીવનને સ્વસ્થ રાખે છે, તેઓ અન્ય લોકોની સરખામણીમાં ઘણી હદ સુધી સ્વસ્થ પણ રહે છે. તબીબોનું કહેવું છે કે કસરત કરવી સ્વાસ્થ્ય માટે ખૂબ જ ફાયદાકારક છે. પરંતુ જેઓ કસરત કરતા નથી, તેઓને ઘણા રોગો અને સમસ્યાઓનું જોખમ વધારે છે.

કસરત કરતા લોકોને આ શારીરિક સમસ્યાઓનો સામનો કરવો પડી શકે છે

1. દિવસભરનો થાક

જે લોકો કસરત કરતા નથી. તેઓ દિવસભર થાકેલા રહે છે. તેમને સારી ઊંઘ પણ નથી આવતી. તેનાથી ચીડિયાપણું સહિત અન્ય સમસ્યાઓ થઈ શકે છે. મન એકાગ્ર થઈ શકતું નથી.

2. સ્થૂળતા

વ્યાયામ ન કરવાનો સૌથી મોટો ગેરલાભ સ્થૂળતા છે. જે લોકો કસરત કરતા નથી અથવા કોઈપણ પ્રકારની શારીરિક પ્રવૃત્તિઓમાં ભાગ લેતા નથી તેમના શરીરમાં ખૂબ જ ઝડપથી ચરબી વધવા લાગે છે. વધારાની કેલરી શરીરમાં જમા થતાં આમ થાય છે.

3. હૃદય રોગનું જોખમ

શારીરિક પ્રવૃત્તિઓના અભાવે સ્થૂળતાની સાથે હૃદય રોગ થવાનો ખતરો પણ વધી જાય છે. ખરેખર, ચરબી વધવાથી લોહીમાં કોલેસ્ટ્રોલ વધે છે. આ કારણે કોરોનરી ધમનીઓમાં લોહીના પુરવઠામાં અવરોધ આવે છે પરિણામે. હાર્ટ એટેકનું જોખમ વધી જાય છે.

4. હાયપરટેન્શનની સમસ્યા

સામાન્ય રીતે જે લોકો કસરત, યોગ કરે છે તેમને હાઈ બ્લડપ્રેશરની સમસ્યા ઓછી જોવા મળે છે. જે લોકો ઓછી શારીરિક પ્રવૃત્તિ ઓછી કરે છે તેમને હાયપરટેન્શનનું જોખમ વધુ હોય છે.

5. હાડકાં નબળા પડવા

કસરત કરવાથી સ્નાયુઓ અને હાડકાં મજબૂત બને છે. જે લોકો કસરત કરતા નથી. તેમની માંસપેશીઓ નબળી પડી જાય છે. આ કારણે થોડી ઈજા થાય કે પડી જાય તો જ ફ્રેક્ચર થવાનું જોખમ રહે છે.

6. માનસિક વિકાર થવો

કસરતનો અભાવ મગજ પર સીધી અસર કરે છે. વ્યાયામ એન્ડોર્ફિન મુક્ત કરવાનું કામ કરે છે. આ સિવાય અન્ય ફીલ ગુડ કેમિકલ શરીરમાં બહાર આવે છે. આને કારણે, ચિંતા, હતાશા થવાનું જોખમ ઘણું ઓછું થઈ જાય છે.

Disclaimer: આ આર્ટિકલમાં બતાવેલી વિધિ, રીત અને સૂચનનો અમલ કરતાં પહેલા ડોક્ટર કે સંબંધિત નિષ્ણાતની સલાહ જરૂર લો.