Belly fat: ધાણાનું પાણી આ રીતે પીશો તો ફટાફટ ઉતરશે વજન, જાણો અન્ય ફાયદા

Health Tips: ધાણાનું પાણી એક ડિટોક્સ ડ્રિન્ક છે. જેના સેવનથી વજન ઉતરવાની સાથે અનેક ફાયદા થાય છે. આ પાણીનું સેવન ખાસ કરીને પિત્તમાં રાહત આપનાર છે.

પ્રતીકાત્મક તસવીર ( ગૂગલમાંથી)

Source : google

Health Tips:  મોટાભાગના લોકો નથી જાણતા કે, આહાર સિવાય, ધાણાનો ઉપયોગ કરવાના ફાયદા પણ છે. શું તમે જાણો છો કે કોથમીરનો ઉપયોગ ઔષધી તરીકે પણ કરવામાં આવે છે અને તેનાથી ઘણી બીમારીઓથી બચી શકાય છે અથવા તેનો ઈલાજ પણ કરવામાં આવે છે. ચાલો જાણીએ ધાણાના પાણીના ફાયદા

:આજકાલ મોટાભાગના લોકો મેદસ્વીતાથી પરેશાન છે. સ્થૂળતા સામાન્યથી લઈને ગંભીર સુધીના અનેક રોગોનું કારણ પણ બને છે. આવી સ્થિતિમાં વજનને નિયંત્રણમાં રાખવું ખૂબ જ જરૂરી છે. વજન ઘટાડવા માટે લોકો શું કરે છે ડાયટિંગ કરે છે. હાર્ડ વર્ક આઉટ કરે છે. આ સ્થિતિમાં કેટલાક એવા પીણા છે, જે વેઇટ લોસ માટે કારગર છે. જો ખાલી પેટે આ પીણાનું સેવન કરવામાં આવે તો વેઇટ લોસમાં મદદ મળે છે.

 વેઈટ લોસ ડ્રિંક્સ

વજનને કંટ્રોલમાં રાખવા અથવા ઓછું કરવા માટે તમારે ઓછી કેલરીવાળો ખોરાક લેવો પડશે. વજન ઘટાડવાના આ પીણાં તમને વધારે કેલરી લેતા અટકાવશે. આ પીણાં દરરોજ ખાલી પેટ પીવાથી તમારું વજન પણ ધીમે ધીમે ઘટવા લાગે છે.

ધાણાનું પાણી

 ધાણાના બીજ ઘણા ઔષધીય ગુણોથી ભરપૂર હોય છે. ધાણાનું પાણી વજન ઘટાડવામાં પણ ફાયદાકારક છે. શરીરમાં જામેલી બધી ગંદકી પણ સરળતાથી નીકળી જાય છે. આ પાણી પીવાથી શરીર ડિટોક્સ થાય છે, ચરબી પણ બળી જાય છે. આ માટે રાત્રે એક ગ્લાસમાં કોથમીર નાખો. આ પાણીને સવારે ખાલી પેટ ગાળીને પી લો. તમને જણાવી દઈએ કે દરરોજ આ પાણીનું સેવન કરવાથી તમારું વજન ધીમે-ધીમે ઘટવા લાગે છે.

મેથીનું પાણી

મેથીનં પાણી પણ વેઇટ  લોસ  માટે કારગર છે. એક ગ્લાસ પાણીમાં એક ચમચી મેથીના દાણાને રાત્રે પલાળી દો અને સવારે તેને ગાળીને આ પાણીનુ ખાલી પેટ સેવન કરો.

જીરા પાણી

 જીરાનું પાણી વજન ઘટાડવા માટે ઘરગથ્થુ ઉપચાર તરીકે કામ કરે છે. જીરું પાણી મેટાબોલિઝમ સુધારે છે, જે વજન ઘટાડવામાં મદદ કરે છે. આ ઉપરાંત તે પાચન શક્તિને પણ મજબૂત બનાવે છે. જીરાનું પાણી પીવાથી શરીરમાં જમા થયેલા ઝેરી તત્વો પણ સરળતાથી બહાર નીકળી જાય છે. તમને જણાવી દઈએ કે વજન ઘટાડવા માટે એક પરફેક્ટ ડ્રિંક છે. આ માટે તમે દરરોજ રાત્રે એક ગ્લાસ પાણીમાં એક ચમચી જીરું પલાળી રાખો. સવારે ખાલી પેટ આ પાણીનું સેવન કરો.

Disclaimer: એબીપી અસ્મિતા ન્યૂઝ આ લેખમાં દર્શાવેલ પદ્ધતિઓ, અને દાવાઓની પુષ્ટિ કરતું નથી. આને માત્ર સૂચનો તરીકે લો. આવી કોઈપણ સારવાર/દવા/આહારને અનુસરતા પહેલા ડૉક્ટરની સલાહ અવશ્ય લો.