Vitamin-D ની ઉણપ સ્વાસ્થ્ય પર પડી શકે ભારે, આ રીતે કરો ઓળખ 

આ વિટામિન આપણા શરીર માટે ખૂબ જ મહત્વપૂર્ણ છે, કારણ કે તે આપણા હાડકાં, સ્નાયુઓ, રોગપ્રતિકારક શક્તિ અને મગજ માટે જરૂરી છે.

તસવીર સોશિયલ મીડિયા

Source : તસવીર સોશિયલ મીડિયા

વિટામિન D સનશાઇન વિટામિન તરીકે પણ ઓળખવામાં આવે છે. કારણ કે તેનો મુખ્ય સ્ત્રોત સૂર્યપ્રકાશ છે. આ વિટામિન આપણા શરીર માટે ખૂબ જ મહત્વપૂર્ણ છે, કારણ કે તે આપણા હાડકાં, સ્નાયુઓ, રોગપ્રતિકારક શક્તિ અને મગજ માટે જરૂરી છે. તેથી સ્વસ્થ રહેવા માટે શરીરમાં વિટામિન Dની ઉણપથી બચવું જરૂરી છે. તેની ઉણપને કારણે સ્વાસ્થ્ય સંબંધિત ઘણી સમસ્યાઓ આપણને અસર કરવા લાગે છે. ચાલો જાણીએ વિટામિન ડીની ઉણપના લક્ષણો અને તેની ઉણપને કેવી રીતે પૂરી કરી શકાય.

વિટામિન D એ એક મહત્વપૂર્ણ ચરબી-દ્રાવ્ય વિટામિન છે, જે મુખ્યત્વે ત્યારે ઉત્પન્ન થાય છે જ્યારે આપણી ત્વચા સૂર્યપ્રકાશને શોષી લે છે અને ખાસ રાસાયણિક પ્રતિક્રિયા દ્વારા આ વિટામિન ઉત્પન્ન કરે છે. તે કેલ્શિયમ અને ફોસ્ફરસના શોષણમાં મદદ કરે છે, જે તંદુરસ્ત દાંત અને હાડકાંને જાળવવા માટે જરૂરી છે. આ ઉપરાંત, તે રોગપ્રતિકારક શક્તિને મજબૂત બનાવવામાં કોષોનું નિર્માણ કરવામાં, ડિપ્રેશન અને મૂડ સ્વિંગ જેવી સમસ્યાઓથી બચવામાં પણ મદદ કરે છે.

વિટામિન Dની ઉણપના લક્ષણો

હાડકામાં દુખાવો અને સ્નાયુઓમાં નબળાઈ.
સતત થાક અને નબળાઈ અનુભવવી.
મૂડ સ્વિંગ અને હતાશા.
વાળ ખરવા.
ઘા ઝડપથી રુઝાતો નથી.

વિટામિન અ કેવી રીતે વધારવું? 

દરરોજ સવારે સૂર્ય પ્રકાશમાં થોડો સમય પસાર કરો. તમારી ત્વચા કેટલું વિટામિન D બનાવે છે તે તમારી ત્વચાના રંગ અને તમે ક્યાં રહો છો તેના પર પણ આધાર રાખે છે. સૂર્યમાંથી ઉત્સર્જિત યુવીબી કિરણો તમારી ત્વચાને વિટામિન Dનું સંશ્લેષણ કરવામાં મદદ કરે છે. 

વિટામિન Dથી ભરપૂર ખોરાક લો, જેમ કે સૅલ્મોન, મેકરેલ, સારડીન, ઓમેગા-3 ફેટી એસિડથી ભરપૂર માછલી, ઇંડા.  જો તમને લાગે કે તમે તમારી જરૂરિયાતો પૂરી કરવામાં સક્ષમ નથી, તો તમે તમારા ડૉક્ટરની સલાહ લીધા પછી વિટામીન D સપ્લીમેન્ટ્સ લઈ શકો છો. તમારા વિટામિન Dના સ્તરની નિયમિત તપાસ કરાવતા રહો.  

વિટામિન ડી શરીરમાં કેલ્શિયમ તથા ફોસ્ફેટના સ્તરને નિયંત્રણમાં રાખે છે, જેનાથી હાડકાંઓનું સ્વાસ્થ્ય સારું રહે છે. વિટામિન ડીની ઊણપથી બાળકોને રિકેટ્સ થઈ શકે છે. આ બીમારીમાં બાળકોનાં હાડકાંનો વિકાસ પ્રભાવિત થાય છે. તેનાથી હાડકાં મુલાયમ તથા નબળાં થઈ જાય છે.