હવે દરરોજ દવા ખાવામાંથી મળશે મુક્તિ, એક ઇન્જેક્શન અને છ મહિના માટે હાઇ બ્લડ પ્રેશરથી છૂટકારો

Single BP injection for 6 months: WHOના ડેટા અનુસાર વિશ્વભરમાં 1.28 અબજ લોકો હાઈ બ્લડ પ્રેશરનો શિકાર છે

પ્રતિકાત્મક તસવીર

Single BP injection for 6 months: WHOના ડેટા અનુસાર વિશ્વભરમાં 1.28 અબજ લોકો હાઈ બ્લડ પ્રેશરનો શિકાર છે. આમાંના મોટાભાગના લોકોનું બ્લડપ્રેશર દવા વગર ઠીક થતું નથી અને તેમને દરરોજ દવા લેવી પડે છે. પરંતુ હવે આવું કરવું પડશે નહીં. વૈજ્ઞાનિકોએ એક એવી દવાની શોધ કરી છે જેને જો આજે લેવામાં આવે તો 6 મહિના સુધી હાઈ બ્લડ પ્રેશરમાં રાહત મળશે. એટલે કે 6 મહિના સુધી બ્લડ પ્રેશર નોર્મલ રહેશે. જો કે, આ દવા એક ઈન્જેક્શન છે જે 6 મહિનામાં એક વખત લેવું પડશે. આ દવાનું નામ ઝિલેબેસિરન (zilebesiran) છે. આ દવા શરીરને એટલું સક્ષમ બનાવે છે કે લિવર એક એન્જીયોટેન્સિન નામનું રસાયણ ઉત્પન્ન કરવાથી રોકી શકે. એન્જીયોટેન્સિન એ એક એવું કેમિકલ છે જે રક્ત વાહિનીઓના સંકોચનને વધારે છે, જેનાથી બ્લડ પ્રેશર વધે છે. ઝિલેબેસિરન આ એન્જીયોટેન્સિનને રોકીને રક્ત વાહિનીઓના સંકોચનને ઘટાડશે, જે બ્લડ પ્રેશરને વધતા અટકાવશે.

જે લોકો પોતાની રોજની દવાઓ ભૂલી જાય છે તેમના માટે સારા સમાચાર

આ દવાની વિગતો અમેરિકન હાર્ટ એસોસિએશન સાયન્ટિફિક સેશન 2023માં રજૂ કરવામાં આવી છે. રિપોર્ટ અનુસાર, હાલમાં હાઈ બ્લડ પ્રેશરના દર્દીઓને દરરોજ દવા લેવી જરૂરી છે. આવી સ્થિતિમાં ઘણા લોકો એવા છે જેઓ દરરોજ દવાઓ લેવાનું ભૂલી જાય છે. તે તેમના માટે ખૂબ મુશ્કેલ બની જાય છે. જેના કારણે ગમે ત્યારે હ્રદય સંબંધિત સમસ્યાઓ થવાનું જોખમ વધી જાય છે. આજકાલ હાર્ટ અટેક કે કાર્ડિયાક અરેસ્ટના કેસો વધી રહ્યા છે ત્યારે દરેક વ્યક્તિએ પોતાનું બ્લડપ્રેશર ચેક કરાવવું જરૂરી છે પરંતુ લોકો તેમ કરતા નથી. હેલ્થલાઈનના સમાચારમાં ઈન્ટરવેન્શનલ કાર્ડિયોલોજિસ્ટ ડો. ચેંગ હાન ચેને કહ્યું કે વાસ્તવિકતા એ છે કે હાઈ બ્લડ પ્રેશરના મોટાભાગના દર્દીઓ દરરોજ ડૉક્ટર દ્વારા ભલામણ કરાયેલી દવાઓ લઈ શકતા નથી. આ સંદર્ભમાં આ ઈન્જેક્શન એક માઈલસ્ટોન સાબિત થશે.

આ રીતે ઝિલ્બેસિરન બ્લડ પ્રેશર ઘટાડશે

સંશોધનમાં ઝિલ્બેસિરન ઈન્જેક્શનની અસર 394 લોકો પર ચકાસવામાં આવી હતી. આ લોકોનું સિસ્ટોલિક બ્લડ પ્રેશર 135 થી 160 ની વચ્ચે રહ્યું. સિસ્ટોલિક બ્લડ પ્રેશર એટલે કે જ્યારે લોહી હૃદયના સંપર્કમાં આવે છે ત્યારે તે ધમનીઓ પર કેટલું દબાણ કરે છે. અભ્યાસમાં સામેલ લોકોનું સરેરાશ સિસ્ટોલિક બ્લડ પ્રેશર 142 mm Hg હતું. આ લોકોને દર 6 મહિનામાં 150 મિલિગ્રામથી 600 મિલિગ્રામ સુધીના ઈન્જેક્શન આપવામાં આવ્યા હતા. 6 મહિના પછી પરીક્ષણ દર્શાવે છે કે જેઓને ઇન્જેક્શન આપવામાં આવ્યા હતા તેઓમાં બ્લડ પ્રેશર નિયંત્રિત હતું. સ્ટેનફોર્ડ મેડિસિન ખાતે હાઈપરટેન્શન સેન્ટરના ડાયરેક્ટર ડૉ. વિવેક ભલ્લાએ જણાવ્યું હતું કે અભ્યાસમાં સાબિત થયું છે કે આ ઈન્જેક્શન 3 થી 6 મહિના સુધી ખૂબ જ અસરકારક રહે છે અને સિસ્ટોલિક બ્લડ પ્રેશર 20 ટકા ઘટાડે છે. આ ઈન્જેક્શન 3 કે 6 મહિનામાં એકવાર જરૂર પડશે. ટૂંક સમયમાં આ ઈન્જેક્શન કાયદાકીય પ્રક્રિયામાંથી પસાર થઈને બજારમાં આવશે.