ક્યાં સમયે લેવો જોઈએ વિટામિન B12 નો ડોઝ ? જાણો લક્ષણ અને ફાયદા 

શરીરને સ્વસ્થ રાખવા માટે ઘણા પ્રકારના વિટામિન્સ અને મિનરલ્સની જરૂર પડે છે અને તેમાંથી એક વિટામિન B12 છે.

વિટામિન B12

Source : તસવીર સોશિયલ મીડિયા

Vitamin B12 Deficiency: શરીરને સ્વસ્થ રાખવા માટે ઘણા પ્રકારના વિટામિન્સ અને મિનરલ્સની જરૂર પડે છે અને તેમાંથી એક વિટામિન B12 છે. તમને જણાવી દઈએ કે વિટામિન B12 ને કોબાલામીન પણ કહેવામાં આવે છે. આ એકમાત્ર વિટામિન છે જેમાં કોબાલ્ટ મેટલ જોવા મળે છે. શરીરના સ્વાસ્થ્ય અને સંતુલિત કાર્ય માટે આ ખૂબ જ જરૂરી વિટામિન છે. તે પાણીમાં દ્રાવ્ય વિટામિન છે. શરીર તેને જાતે બનાવતું નથી, તેથી તે ખાવા-પીવામાંથી લેવું પડે છે. વિટામિન B12 ની ઉણપને કારણે શરીરને ઘણી સમસ્યાઓનો સામનો કરવો પડી શકે છે. જો તમે પણ વિટામીન B12 ની ઉણપ થી પરેશાન છો, તો તમારા માટે એ જાણવું ખૂબ જ જરૂરી છે કે તેને કયા સમયે લેવું ફાયદાકારક છે.

વિટામિન B12 નો ડોઝ લેવાનો યોગ્ય સમય સવારનો ગણાય છે. પરંતુ તમારે તમારા ડૉક્ટરની સલાહ લીધા પછી જ તેનો લેવો જોઈએ.

વિટામિન B12 ની ઉણપના લક્ષણો 

એનિમિયા
થાક
નબળાઈ
ઉબકા
ઉલટી અથવા ઝાડા

વિટામિન B12 ના ફાયદા

1. ઉર્જા-

સવારે વિટામિન B12 નો ડોઝ લેવાથી તમને દિવસભર એનર્જી મળે છે. જેના કારણે તમે આખો દિવસ ઉર્જાવાન રહેશો.

2. પાચન-

ખાલી પેટે વિટામિન B12 સપ્લિમેન્ટ્સ લેવાથી વિટામિનના શોષણમાં સુધારો થઈ શકે છે.

3. માનસિક સ્વાસ્થ્ય-

સવારે વિટામિન B12 ની માત્રા લેવાથી મગજના કાર્યને સુધારવામાં મદદ મળી શકે છે.

4. મૂડ સુધારવો-

વિટામિન B12 નું પૂરતું સ્તર મૂડને સુધારવામાં મદદ કરી શકે છે, જેના પરિણામે દિવસની સકારાત્મક શરૂઆત થાય છે.

5. લોહી-

સવારે વિટામિન B12 ની માત્રા લેવાથી લાલ રક્તકણોના નિર્માણમાં મદદ મળી શકે છે. 

વિટામિન B12 શા માટે મહત્વપૂર્ણ છે?

B12 જેવા આવશ્યક પોષક તત્વો શરીરમાં લાલ રક્તકણોના નિર્માણ અને રક્ષણ માટે ખૂબ જ મહત્વપૂર્ણ છે. જો તે શરીરમાં ઘટે છે, તો માથાનો દુખાવો, થાક, એનિમિયા અથવા અન્ય લક્ષણો વારંવાર દેખાય છે. મટન અથવા લાલ માંસ જેવા માંસાહારી ખોરાકમાં B12 વધુ હોય છે. શાકાહારીઓ ટોફુ, ચીઝ, દહીં, દૂધ, મગની દાળ ખાઇને બી12 મેળવી શકે છે.

Disclaimer- સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા, તમારે સંબંધિત નિષ્ણાતની સલાહ લેવી જોઈએ.