ઝડપથી ફેલાઇ રહ્યો છે Tomato Fever, જાણો શું છે લક્ષણો? આ લોકોને છે વધુ ખતરો

વિશ્વની સાથે સાથે ભારત પણ છેલ્લા કેટલાક સમયથી કોરોના મહામારી સામે લડી રહ્યું છે. કોરોના મહામારી પછી મંકીપોક્સે વિશ્વભરમાં ચિંતા વધારી છે અને હવે એક નવી બીમારીએ ચિંતા વધારી છે. હેન્ડ ફૂટ માઉથ ડિસીઝ (HFMD), જેને ટોમેટો ફ્લૂ તરીકે પણ ઓળખવામાં આવે છે

પ્રતિકાત્મક તસવીર

Tomato Fever In India: વિશ્વની સાથે સાથે ભારત પણ છેલ્લા કેટલાક સમયથી કોરોના મહામારી સામે લડી રહ્યું છે. કોરોના મહામારી પછી મંકીપોક્સે વિશ્વભરમાં ચિંતા વધારી છે અને હવે એક નવી બીમારીએ ચિંતા વધારી છે. હેન્ડ ફૂટ માઉથ ડિસીઝ (HFMD), જેને ટોમેટો ફ્લૂ તરીકે પણ ઓળખવામાં આવે છે, તે સ્વાસ્થ્ય નિષ્ણાતો માટે ચિંતાનો વિષય બની ગયો છે કારણ કે તે બાળકોમાં ઝડપથી ફેલાય છે. લાન્સેટ રેસ્પિરેટરી જર્નલમાં એક અભ્યાસ અનુસાર, કેરળમાં 6 મે 2022ના રોજ ટોમેટો ફ્લૂનો પ્રથમ કેસ નોંધાયો હતો અને અત્યાર સુધીમાં 82 કેસ નોંધાયા છે. આ તાવ એક થી પાંચ વર્ષની વયના બાળકો અને નબળા રોગપ્રતિકારક શક્તિ ધરાવતા પુખ્ત વયના લોકોને અસર કરે છે.

લાન્સેટના અભ્યાસ અનુસાર, જેમ કે આપણે COVID-19 ના ચોથી લહેરના સંભવિત ખતરા સામે લડી રહ્યા છીએ. ટોમેટો ફ્લૂ નામનો એક નવા વાયરસ ભારતમાં કેરળ રાજ્યમાં 5 વર્ષથી ઓછી ઉંમરના બાળકોમાં જોવા મળ્યો છે.  આ વાયરસના અત્યાર સુધીમાં 82 કેસ નોંધાયા છે." હવે આવી સ્થિતિમાં ટોમેટો ફ્લૂ શું છે અને તે કેવી રીતે ફેલાય છે? લક્ષણો શું છે અને તેનાથી કેવી રીતે બચી શકાય? એ જાણવું જરૂરી છે.

ટોમેટો ફ્લૂ શું છે?

 લાન્સેટના અભ્યાસ અનુસાર, ટોમેટો ફ્લૂના લક્ષણો કોવિડ-19 વાયરસ જેવા જ છે. પરંતુ આ વાયરસ SARS-CoV-2 સાથે સંબંધિત નથી, તે સંપૂર્ણપણે અલગ છે. ચિકનગુનિયા અથવા ડેન્ગ્યુ તાવ પછી બાળકોમાં ટોમેટો ફ્લૂ થઈ શકે છે. આ ફ્લૂનું નામ ટોમેટો ફ્લૂ છે કારણ કે તે આખા શરીરમાં લાલ અને પીડાદાયક ફોલ્લાઓનું કારણ બને છે. આ ફોલ્લાઓનું કદ ટોમેટો જેટલું પણ હોઈ શકે છે.

આ રિપોર્ટમાં કહેવામાં આવ્યું છે કે બાળકોમાં આ વાયરસનું જોખમ વધારે છે. ડૉક્ટરોએ ચેતવણી આપી છે કે પાંચ વર્ષથી ઓછી ઉંમરના બાળકો આ વાયરસથી વધુ પ્રભાવિત છે. ખાસ કરીને ટોમેટો ફ્લૂ, અત્યંત ચેપી હોવા છતાં જીવન માટે જોખમ ઊભું કરતો નથી.

શું છે લક્ષણો?

ટોમેટો ફ્લૂનો ભોગ બનેલા બાળકોમાં જોવા મળતા પ્રાથમિક લક્ષણો ચિકનગુનિયા અથવા ડેન્ગ્યુ તાવ જેવા જ હોય ​​છે. લક્ષણોમાં તાવ, ચકામા, સાંધામાં સોજો, ઉબકા, ઝાડા, ડિહાઇડ્રેશન, સાંધામાં તીવ્ર દુખાવોનો સમાવેશ થાય છે. અન્ય લક્ષણોમાં શરીરમાં દુખાવો, તાવ અને થાક છે જે કોવિડ-19 દર્દીઓને પણ અનુભવાય છે. કેટલાક કિસ્સાઓમાં દર્દીઓની ત્વચા પર ફોલ્લાઓનું કદ નોંધપાત્ર રીતે વધી ગયું હતું.

વૈજ્ઞાનિકો હજુ પણ ટોમેટો ફ્લૂનું ચોક્કસ કારણ શોધવા માટે સંશોધન કરી રહ્યા છે, પરંતુ હાલમાં તેને વાયરલ ચેપનું એક સ્વરૂપ માનવામાં આવે છે. કેટલાકે એવું પણ સૂચવ્યું છે કે તે ડેન્ગ્યુ અથવા ચિકનગુનિયાની આડઅસર હોઈ શકે છે. વૈજ્ઞાનિકોના મતે તેનો સ્ત્રોત વાઈરસ છે, પરંતુ તે ક્યા વાઈરસથી ફેલાઈ રહ્યો છે અથવા કયા વાઈરસ સાથે સંબંધિત છે તે અંગે હજુ સુધી કોઈ માહિતી સામે આવી નથી?

ટોમેટો ફ્લૂની સારવાર

ટોમેટો ફ્લૂથી બચવા ડોક્ટર્સે સ્વચ્છતા જાળવવાની ભલામણ કરી છે. જો બાળકોમાં ઉપર જણાવેલા લક્ષણો જોવા મળે તો તરત જ ડોક્ટર્સનો સંપર્ક કરવાની ભલામણ કરવામાં આવે છે. સાથે વધુ પાણુ પીવું જોઇએ.