Home Tips: માત્ર ખોરાકને પેક કરવાના કામમાં જ નથી આવતા સિલ્વર ફોઈલ, આ રીતે પણ તેનો ઉપયોગ કરી શકાય છે

Kitchen Tips: શું તમે પણ માત્ર સિલ્વર ફોઈલનો ઉપયોગ રોટલી ને પેક કરવા માટે કરો છો? તો આવો તમને તેના બીજા અન્ય ઉપયોગ વિશે પણ જણાવીએ.

સિલ્વર ફોઈલના ઉપયોગો (તસવીર-એબીપી લાઈવ)

દુનિયાના દરેક ઘરના રસોડામાં સિલ્વર ફોઈલ એક એવી વસ્તુ બની ગઈ છે, જેણે ખોરાક બનાવવાની અને સ્ટોર કરવાની રીત બદલી નાખી છે. ખાસ વાત એ છે કે એલ્યુમિનિયમથી બનેલુ આ પેપર સંપૂર્ણપણે સ્વાદહીન અને ગંધહીન હોય છે. આ જ કારણ છે કે તેનો ઉપયોગ ઘણા પ્રકારના કામ માટે કરી શકાય છે. શું તમે સિલ્વર પેપરનો ઉપયોગ ફક્ત રોટલી રાખવા માટે જ કરો છો, તો આ ખાસ સમાચાર તમારા માટે છે, કારણ કે સિલ્વર ફોઈલથી રસોડાના ઘણા કાર્યો પૂર્ણ કરવામાં મદદ મળી શકે છે. જો તમારા મનમાં પ્રશ્ન થાય કે આ કેવી રીતે? તો આ સંપૂર્ણ સમાચાર તમારા માટે જ છે. 

સિલ્વર ફોઇલ રસોઈમાં ઉપયોગી થશે
સિલ્વર ફોઇલનો ઉપયોગ રસોઈ માટે પણ કરી શકાય છે. તમારે ફક્ત રસોઈ શીટ્સને અને પેનને સિલ્વર પેપરથી આવરી લેવાની જરૂર છે. તેનાથી તમારા માટે વાસણો સાફ કરવામાં સરળતા રહેશે. ઉપરાંત, રસોઈ કરતી વખતે તમને એકસરખી ગરમી મળશે. ધારો કે તમારે કેક બનાવવી છે તો કેકના બેટરને સિલ્વર ફોઈલથી ઢાંકીને બેક કરો. આ સાથે તમારી કેક સારી અને ઝડપથી તૈયાર થઈ જશે.

સિલ્વર ફોઇલ ઓવનને સ્વચ્છ રાખવામાં પણ ઉપયોગી થશે
શું તમારે તમારા ઓવનને સાફ કરવા માટે ઘણા પ્રયત્નો કરવા પડે છે? જો તમારો જવાબ હા હોય તો સિલ્વર ફોઈલ તમને ઓવનને સાફ રાખવામાં મદદ કરી શકે છે. તમારે ફક્ત ઓવનના નીચેના રેક પર સિલ્વર ફોઇલ ફેલાવવાનું છે. જેના કારણે જો કોઈ વસ્તુ પડી જાય તો તે ફોઈલ પર જ રહેશે અને ઓવન સાફ કરવામાં સરળતા રહેશે. જો કે, તમારે ધ્યાનમાં રાખવું પડશે કે તમારે ઓવનના આખા તળિયાને તેનાથી ઢાંકવાની જરૂર નથી, નહીં તો હવાનો પ્રવાહ બંધ થઈ જશે.

કાતરને તીક્ષ્ણ રાખવામાં પણ મદદ કરશે સિલ્વર ફોઈલ
જો તમારા ઘરમાં રાખેલી કાતરની કિનારી ક્ષતિગ્રસ્ત થઈ ગઈ હોય તો તમે તેને સિલ્વર ફોઈલની મદદથી ધારદાર કરી શકો છો. આ માટે તમારે સિલ્વર ફોઈલની એક શીટ લેવી પડશે અને તેને ઘણી વખત ફોલ્ડ કરવી પડશે. હવે દરેક ફોલ્ડને ખરાબ ધાર વાડી કાતર વડે કાપો. તમારે આ પ્રક્રિયા ઘણી વખત કરવી પડશે. આ માટે તમે પહેલાથી વપરાયેલ સિલ્વર ફોઈલનો પણ ઉપયોગ કરી શકો છો. આ કાતરની ધારને શાર્પ કરશે અને તેને યોગ્ય રીતે કામ કરવામાં મદદ કરશે.