મહેસાણાના પાટીદારને વિદેશ જવાની લાલચ પડી ભારે, ગુમાવ્યા 96 લાખ રૂપિયા, જાણો વિગતો

જ્યંતિભાઈને પોતાની સાથે ઠગાઈ થઈ હોવાનો અહેસાસ થયો હતો અને તેમણે આ અંગે લાંઘણજ પોલીસ મથકે પોતાની સાથે છેતરપિંડી આચરનાર અજાણ્યા શખસો સામે ફરિયાદ નોંધાવી હતી. જેના આધારે ગુનો દાખલ કરીને મહેસાણા એસઓજીના પીઆઈ જે.એસ.ચાવડાએ વધુ તપાસ હાથ ધરી છે.

આ ચોંકાવનારા કિસ્સા અંગે પોલીસ પાસેથી મળેલી વિગતો અનુસાર મહેસાણા તાલુકાના હાડવી ગામમાં પ્રાથમિક શાળાની પાછળ રહેતા જયંતિભાઈ કાનદાસ પટેલને આઠેક માસ અગાઉ અજાણ્યા નંબર પરથી ફોન આવ્યો હતો. ફનો કરનારે તેમને જણાવ્યું કે, તમને વોડાફોન કંપની તરફથી રૂપિયા 25 લાખની લોટરી લાગી છે.