Raja Raghuvanshi Murder Case: રાજા રઘુવંશીના મર્ડર બાદ સોનમે પહેલો ફોન તેના ભાઇને કર્યો અને કહ્યું કે મને....
Raja Raghuvanshi Murder Case: સોનમ રઘુવંશીએ પતિ રાજા રઘુવંશીની હત્યા કર્યા બાદ તેના પિતરાઈ ભાઈ ગોવિંદને ફોન કર્યો હતો. સોનમની ગાઝીપુરના એક ઢાબામાંથી ધરપકડ કરવામાં આવી હતી.
Raja Raghuvanshi Murder Case latest News: રાજા રઘુવંશીની હત્યા કર્યા પછી, સોનમ રઘુવંશીએ પહેલા તેના પરિવારને ફોન કર્યો. સોનમે તેના પિતરાઈ ભાઈ ગોવિંદને ફોન પર કહ્યું હતું કે, 'ભૈયા મને બચાવો.' સોનમ રઘુવંશીના પરિવારે આ દાવો કર્યો હતો. સોનમ રઘુવંશીની 9 જૂને ઉત્તર પ્રદેશના ગાઝીપુરમાં ધરપકડ કરવામાં આવી હતી. ઘણા દિવસોની શોધખોળ બાદ તે મળી આવી હતી. સોનમે સોમવારે સવારે ગાઝીપુરના ઢાબા પરથી પરિવારને ફોન કર્યો હતો.
આરોપી સોનમ રઘુવંશીના પિતા દેવી સિંહે જણાવ્યું હતું કે ગોવિંદે તેમને કહ્યું હતું કે સોનમ ઉત્તર પ્રદેશના ગાઝીપુરમાં એક હોટલમાં મળી આવી છે. તેમણે વધુમાં દાવો કર્યો હતો કે ગોવિંદે પોલીસને ફોન કરીને તેના વિશે જાણ કરી હતી અને તેને સુરક્ષિત કસ્ટડીમાં લેવા કહ્યું હતું.
સોનમ રઘુવંશી અને તેના પતિ રાજા રઘુવંશી 23 મેના રોજ મેઘાલયમાં તેમના હનીમૂન દરમિયાન ગૂમ થયા હતા. રાજાનો મૃતદેહ 2 જૂનના રોજ ખીણમાંથી મળી આવ્યો હતો, જ્યારે સોનમ ગૂમ હતી. સોનમની શોધખોળ શરૂ કરવામાં આવી હતી અને ગઈકાલે યુપીના ગાઝીપુરની એક હોટલમાંથી તેની ધરપકડ કરવામાં આવી હતી. તેના પર તેના પતિની હત્યા માટે લોકોને ભાડે રાખવાનો આરોપ છે. અત્યાર સુધીમાં ચાર લોકોની ધરપકડ કરવામાં આવી છે. સોનમના પ્રેમી રાજ કુશવાહનો પણ સમાવેશ થાય છે.
ધ ઇન્ડિયન એક્સપ્રેસ અનુસાર, સોનમના પિતા દેવી સિંહે કહ્યું, 'મને સવારે 5 વાગ્યે જગાડવામાં આવ્યો. ગોવિંદે મને કહ્યું, 'છોરી મિલ ગઈ હૈ, બહુત રોહ રહી થી'. તેણે કહ્યું, 'ભૈયા મને બચાવો'. તેને ઢાબાના સ્ટોર રૂમમાં રહેવાનું કહેવામાં આવ્યું. ત્યારબાદ ગોવિંદે પોલીસને ફોન કર્યો અને તેને કસ્ટડીમાં લેવામાં આવ્યો.'
સોનમના પિતાએ શું કહ્યું
સોનમના પિતા સિંહે કહ્યું કે બંનેએ એકબીજા સાથે વાત કર્યા પછી લગ્ન કરવાનો નિર્ણય લીધો હતો. તેમણે કહ્યું કે રાજા અને સોનમ બંનેએ લગ્ન પહેલા એકબીજાનો બાયોડેટા જોયો હતો. તેમણે એકબીજા સાથે વાત કરી અને પછી લગ્ન કરવાનો નિર્ણય લીધો. મને પોલીસના દાવા પર વિશ્વાસ નથી આવતો કે તેણે આ કર્યું. મારા સંતાન આવું કામ ન કરી શકે”
તે રડતી રડતી આવી અને ફોન માંગ્યો
રસ્તાની બાજુના ઢાબાના માલિક સાહિલ યાદવે દાવો કર્યો કે, સોનમ રડતી તેની દુકાન પર આવી અને પરિવારનો સંપર્ક કરવા માટે તેનો ફોન માંગ્યો. તેમણે કહ્યું કે તેમણે પોલીસને તેના વિશે જાણ કરી. સાહિલ યાદવના જણાવ્યા અનુસાર, 'રાત્રે લગભગ 1 વાગ્યાનો સમય હતો, જ્યારે તે દુકાન પર આવી અને રડતી હતી. તેણીએ કહ્યું કે તે ઘરે ફોન કરવા માંગતી હતી. મેં તેણીને મારો મોબાઇલ ફોન આપ્યો અને તેમને ફોન કર્યો. મેં તેણીને નજીકની ખુરશી પર બેસવા કહ્યું. મેં પોલીસને ફોન કર્યો, તેઓ આવ્યા અને તેમને લઈ ગયા. જ્યારે તે આવી ત્યારે તે એકલી હતી. મારા ફોનમાં તેના પરિવારનો નંબર છે.'
ઢાબા માલિકે સવારની પરિસ્થિતિ જણાવી
ઢાબા માલિકે સવારની પરિસ્થિતિ જણાવી, સોનમે કહ્યું હતું કે, તેના પતિની હત્યા કરવામાં આવી હતી જ્યારે તેને લૂંટવાનો પ્રયાસ કરવામાં આવી રહ્યો હતો. ત્યારે રાજા રઘુવંશી મને લોકોથી બચાવવાનો પ્રયાસ કરી રહ્યા હતા. 'તે એટલી જોરથી રડી રહી હતી કે, તે બરાબર બોલી શકતી ન હતી. તેણીએ પાણી માંગ્યું, અને મેં તેને પાણી આપ્યું. તે બરાબર બોલી શકતી ન હોવાથી, મેં તેની સાથે પણ વાત કરી. તેમણે ને તેની સુરક્ષા સુનિશ્ચિત કરવા માટે નજીકના પોલીસ સ્ટેશનનો સંપર્ક કરવા વિનંતી કરી. ઢાબા માલિકે કહ્યું કે, સોનમને યાદ નથી કે તે ઉત્તર પ્રદેશ કેવી રીતે પહોંચી.
ટોપ સ્ટોરી
ટ્રેન્ડિંગ સમાચાર
