Ahmedabad News: વાલી માટે લાલબતી સમાન કિસ્સો, 9 માસનો બાળક આ કારણે ગળી ગયો LED બલ્લ પછી...

અમદાવાદમાં વાલીઓ માટે ચેતવણીરૂપ એક કિસ્સો સામે આવ્યો છે. બાળક LED બલ્લ ગળી જતાં પરિવારજનો તાબડતોબ હોસ્પિટલ દોડી ગયા હતા

બલ્બ ગળી ગયા બાદ બાળકની કરાઇ સફળ સર્જરી

અમદાવાદ:  જો આપ બાળકોને રમકડા રમવા માટે આપો છો તો આ મામલે થોડી સાવધાની રાખવી જરૂરી છે. અમદાવાદમાં વાલીઓને માટે લાલબતી સમાન એક કિસ્સો સામે આવ્યો છે. અહીં બાળકને રમકડાનો મોબાઇલ રમવા માટે આપવામાં આવ્યો હતો. મોબાઇલ રમતા રમતા તૂટી ગયો અને તેની અંદરની એલઇડી લાઇટ બાળક ગળી ગયું.

જેના પગલે બાળકને શ્વાસ લેવામાં ખૂબ જ તકલીફ થવા લાગી. પરિવાર તાબડતોબ બાળકને લઇને હોસ્પિટલ પહોંચ્યાં. હોસ્પિટલમાં સમગ્ર ઘટનાની જાણકારી આપતા બાળકનો એક્સરે કરવામાં આવ્યો, X-Ray દરમિયાન બાળકના ફેફસામાં પિન આકારનો પદાર્થ દેખાતા બાળકની તાત્કાલિક  સર્જરી કરવામાં આવી હતી અને  સદનસીબે 9 માસના બાળકનો જીવ બચી ગયો. આ ઘટના વાલીઓ માટે ચેતવણી સમાન છે.                                                                                                                                                     

ઉલ્લેખિયન છે કે આ પરિવાર મધ્યપ્રદેશના રતલામનો છે. અમદાવાદના પ્રવાસ દરમિયાન આ ઘટના ઘટી હતી તેથી તેમની અમદાવાદ  સિવિલ હોસ્પિટલમાં તેમની સફળ સર્જરી કરાઇ હતી.                                                            

આ પણ વાંચો