Ahmedabad : 12 વર્ષની છોકરીને સાથે યુવકે માણ્યું શરીર સુખ, લઈને ભાગી ગયો પણ શું થયું કે, છોકરીને સ્ટેશને ઉતારી થયો ફરાર ?

શહેરના પશ્ચિમ વિસ્તારના 12 વર્ષની સગીરા લાપતા બની હતી. સગીરા ચાર દિવસે ઘરે પાછી ફરી તો ઘટસ્ફોટ થયો છે કે, પાડોશમાં રહેતો યુવક તેને ભગાડી ગયો હતો.

પ્રતિકાત્મક તસવીર.

અમદાવાદ : શહેરના પશ્ચિમ વિસ્તારના 12 વર્ષની સગીરા લાપતા બની હતી. સગીરા ચાર દિવસે ઘરે પાછી ફરી તો ઘટસ્ફોટ થયો છે કે, પાડોશમાં રહેતો યુવક તેને ભગાડી ગયો હતો. જોકે, સગીરાને માતાની યાદ આવતાં યુવક તેને અમદાવાદ રેલવે સ્ટેશને ઉતારી નાસી છૂટયો હતો. 

આ અંગેની વિગતો એવી છે કે, શહેરના પશ્ચિમ વિસ્તારમાં રહેતી 12 વર્ષની સગીરા ગત  15 ફેબ્રુઆરીએ સવારે આઠ વાગ્યે સ્કૂલે જવા નીકળ્યા પછી ગુમ થઈ હતી. સગીરાનો મોબાઈલ પણ સ્વિચ-ઓફ આવતો હતો. બે દિવસ પછી એટલે કે,  17મી ફેબ્રુઆરીએ સગીરાનો ફોન આવ્યો હતો અને કહ્યું હતું કે, હું લુધિયાણા પહોંચી છું અને મારે ઘરે આવવું છે.

બીજી તરફ, પોલીસ ફરિયાદ થઈ હોવાથી પોલીસની એક ટીમ તાત્કાલિક લુધિયાણા રવાના થઈ ગઈ હતી. જોકે, 18મીની રાતે દીકરી અમદાવાદ રેલવે સ્ટેશન હોવાની જાણ પરિવારને થઈ હતી. પરિવારજનો અને પોલીસ સગીરાને લાવ્યા હતા. પોલીસ તપાસમાં જાણવા મળ્યું હતું કે, સગીરાને ભોળવીને પાડોશમાં રહેતા પરપ્રાંતિય યુવકે પ્રેમનું નાટક કર્યું હતું. તેમજ સગીરા સાથે બે મહિના પહેલા શારીરિક સંબંધો પણ બાંધ્યા હતા. 

આ પછી વેલેન્ટાઈન ડેના બીજા દિવસે બન્ને ભાગી છૂટયા હતા. જોકે, સગીરાને માતા યાદ આવતાં રડવા લાગી હતી. સગીરા રડવા લાગતા કહેતો પ્રેમી કિશોરીને અમદાવાદ રેલવે સ્ટેશને ઉતારી નાસી છૂટયો હતો. પોલીસે નાસી છૂટેલા યુવકની શોધખોળ શરૂ કરી છે. 

Kutch Honey Trap : યુવતીના ચક્કરમાં ફસાયેલા યુવકનો તોડ કરી રહેલી નકલી પોલીસનો કેવી રીતે થયો પર્દાફાશ? જાણો મોટો ખુલાસો

કચ્છઃ સુખપરના યુવકને હનિટ્રેપમાં ફસાવી તોડ કરવાના મામલે મોટો ધડાકો થયો છે. નકલી પોલીસ બની ઉગ્રવામાં આવેલ 12થી 16 લાખ રૂપિયાનો ભેદ ઉકેલાયો છે. સુખપરના યુવક પાસેથી નકલી પોલીસ બનીને 12થી16લાખ રૂપિયા પડાવવા મુદ્દે ભુજના શખ્સની ધરપકડ કરવામાં આવી છે. નકલી પોલીસ ગેંગનું ચોંકાવનારું કારનામું સામે આવ્યું છે. આ નકલી પોલીસનો ભેદ ત્યારે ખુલ્યો જ્યારે યુવક એલસીબીના ત્રણ કર્મીઓ અલ્ટોમાં આવીને રૂપિયા પડાવ્યા હોવાની ફરિયાદ કરવા લાંચ રૂશ્વત વિરોધી બ્યુરોમાં પહોંચ્યો હતો. છેલ્લા છ મહિનામાં આ ગેંગે યુવક પાસેથી 12 લાખ રૂપિયા પડાવી લીધા હતા. આ પછી પોલીસનું બોર્ડ મારી અલ્ટો કારમાં ત્રણ શખ્સોએ યુવકને મળવા બોલાવ્યો હતો. 

આ અંગે સૂત્રો પાસેથી મળતી વિગતો પ્રમાણે, આ ટોળકીએ એલસીબીના ત્રણ કર્મચારીોના નામે 16 લાખ રૂપિયાની માંગમી કરી હતી. બીજી તરફ આ ટોળકીથી ત્રાસેલો યુવક તેમનો ભાંડો ફોડવા માટે લાંચ રૂશ્વત વિરોધી બ્યુરોમાં પહોંચ્યો હતો અને નકલી પોલીસનો ભાંડો ફૂટતાં યુવક પણ ચોંકી ગયો હતો. નકલી પોલીસમાં એક યુવક પોલીસકર્મીનો ભત્રીજો હોવાનું પણ સૂત્રો પાસેથી જાણવા મળ્યું છે. 

સુખપરના યુવકને દુષ્કર્મના કેસમાં ફસાવી દેવાની ધમકી આપી તબક્કાવાર 12 જેટલી માતબર રકમ પડાવી લેવાના કિસ્સામાં માનકુવા પોલીસે ભુજના એક યુવકને ઝડપી પાડ્યો છે. સુખપરના યુવકને હની ટ્રેપ કરી ૮ જણની ગેંગે ૧૨ લાખ મેળવ્યાં ને પછી ૧૬ લાખ માંગ્યા હતા. દુષ્કર્મ કેસમાં ફસાવવાનો ડર બતાવી આરોપી ટોળકીએ પોલીસના નામે ઠગાઇ કરી હતી.

 આરોપીના રિમાન્ડ માટે કોર્ટમાં રજુ કરી એક દિવસના રિમાન્ડ મેળવ્યા છે. તેમજ તેની સાથેના સાગરીતો અંગે પોલીસે પુછપરછ હાથ ધરી છે. માનકુવા પોલીસે ભુજની રાવલવાડી ખાતે રહેતા પરેશ રમેશ ગોહિલ નામના યુવકને ઝડપી લીધો છે. આરોપીઓએ યુવકને માધાપર ખાતે એક યુવતીનો સંપર્ક કરાવ્યો હતો. અને પૂર્વ પ્લાન મુજબ દુષ્કર્મના કેસમાં ફસાવી દેવાની ધમકી આપી અને પોલીસની ખોટી ઓળખ આપીને મારકુટ કરી અલગ અલગ સમયે રૂપિયા 12 લાખ પડાવી લીધા હતા.

પોલીસે ચાર મહિલા અને 4 પૂરૂષો વિરૂધ ગુનો નોંધી તપાસ તેજ કરી હતી. માનકુવા પોલીસે ભુજની રાવલવાડી વિસ્તારમાં રહેતા પરેશ રમેશભાઇ ગોહિલની ધરપકડ કરી લીધી હતી. આરોપી સાથે ચીટીંગમાં રહેલા અન્ય સભ્યોની વિગતો જાણવા રિમાન્ડની માગણી સાથે ભુજ કોર્ટમાં રજુ કર્યો હતો. અદાલતે આરોપીના એક દિવસના રિમાન્ડ મંજુર કરતાં પોલીસે ઠગાઇના કેસમાં સંડોવાયેલા અન્ય આરોપીઓનો તાગ મેળવવા અને ઝડપી પાડવા માટે ચક્રોગતિમાન કર્યા છે.