Ahmedabad: શાહીબાગમાં લગ્નના વરઘોડામાં યુવકોએ તલવારો લહેરાવી, પોલીસની કામગીરી પર ઉઠ્યા સવાલો, જુઓ દ્રશ્યો

અમદાવાદ સહિત રાજ્યમાં અત્યારે ચૂંટણીનો માહોલ છે, અને બીજીબાજુ લગ્નની સિઝન ચાલુ થઇ છે. આ બધાની વચ્ચે હવે અમદાવાદ શહેરમાંથી એક ચોંકાવનારો વીડિયો સામે આવ્યો છે

(તસવીર- એબીપી અસ્મિતા ન્યૂઝ)

Ahmedabad News: અમદાવાદ સહિત રાજ્યમાં અત્યારે ચૂંટણીનો માહોલ છે, અને બીજીબાજુ લગ્નની સિઝન ચાલુ થઇ છે. આ બધાની વચ્ચે હવે અમદાવાદ શહેરમાંથી એક ચોંકાવનારો વીડિયો સામે આવ્યો છે. ખરેખરમાં, શહેરના શાહીબાગ વિસ્તારમાં એક વરઘોડામાં યુવકો હથિયારો સાથે નાચતા- ડાન્સ કરી રહ્યાં હતા, આ વીડિયોથી પોલીસની કામગીરી પર સવાલો ઉઠ્યા છે. 

હાલમાં સોશ્યલ મીડિયા પર એક વીડિયો વાયરલ થઇ રહ્યો છે, જે અમદાવાદ શહેરનો છે, આ વીડિયોમાં જોઇ શકાય છે કે, લગ્નનો એક વરઘોડો રસ્તાં પર નીકળ્યો છે, જેમાં અમદાવાદમાં કાયદો અને વ્યવસ્થાના ધજાગરા ઉડી રહ્યો છે. હાલમાં જે વીડિયો વાયરલ થયો છે તે શહેરના શાહીબાગ વિસ્તારનો છે, અહીં લગ્નના વરઘોડામાં રાત્રિના સમયે કેટલાક યુવાનો હાથમાં તલવારો, ચપ્પૂ જેવા બીજા કેટલાક ઘાતક હથિયારો લઇને નીકળ્યા છે, એટલુ જ નહીં વરઘાડોમાં ડીજીના તાલે હવામાં હથિયારો પણ લહેરાવી રહ્યાં છે. કહેવાઇ રહ્યું છે કે, આ વીડિયો અમદાવાદના શાહીબાગ નજીકના અસારવા જંયતીલાલ ચુનીલાલની ચાલી પાસેનો છે.