Ahmedabad Rain: અમદાવાદમાં રવિવારની સાંજે વીજળીના કડાકા સાથે તૂટી પડ્યો વરસાદ, અનેક વિસ્તારો પાણી-પાણી

Ahmedabad heavy rain updates: વાતાવરણમાં ઠંડક પ્રસરી જતા અમદાવાદીઓએ ચા-ભજીયાની મોજ માણી, જાણો આગામી 2 દિવસની હવામાન વિભાગની આગાહી.

Ahmedabad Heavy Rain SG Highway Bopal Weather Update 2026

Source : ai

Show Quick Read

Key points generated by AI, verified by newsroom

• અમદાવાદમાં છેલ્લા ત્રણ દિવસથી સાંજે જોરદાર વરસાદ પડી રહ્યો છે.
• ગઈકાલે શહેરમાં સરેરાશ દોઢ ઇંચ વરસાદ, વાતાવરણમાં ઠંડક પ્રસરી છે.
• હવામાન વિભાગે આગામી બે દિવસ રાજ્યભરમાં વરસાદની આગાહી કરી છે.
• દક્ષિણ ગુજરાત, સૌરાષ્ટ્રમાં રેડ એલર્ટ; અમદાવાદમાં મધ્યમ વરસાદ રહેશે.

Ahmedabad heavy rain updates: અમદાવાદમાં છેલ્લા 3 દિવસથી એક નવો જ સિલસિલો શરૂ થયો છે. આખો દિવસ ઉકળાટ સહન કર્યા પછી, સાંજ પડતાં જ મેઘરાજા જોરદાર બેટિંગ કરવા મેદાને પડે છે. આજે રવિવારની સાંજે પણ આવું જ કંઈક જોવા મળ્યું. એસ.જી. હાઈવેથી લઈને બોપલ, શેલા અને થલતેજ સુધીના અનેક વિસ્તારોમાં અચાનક કાળાડિબાંગ વાદળો ઘેરાઈ આવ્યા અને ધોધમાર વરસાદ તૂટી પડ્યો. મકરબા, સરખેજ, આનંદનગર અને વસ્ત્રાપુરમાં પણ રસ્તાઓ પર પાણી ફરી વળતા ઓફિસેથી પરત ફરતા લોકો થોડા અટવાયા હતા. જોકે, લાંબા ઉકળાટમાંથી મળેલી ઠંડકને કારણે શહેરીજનોએ ચા-ભજિયાની જ્યાફત ઉડાવી આ આહલાદક સાંજની મોજ માણી હતી.

દોઢ ઈંચ વરસાદથી અમદાવાદમાં જળવાઈ ઠંડક

શહેરમાં વરસાદના આંકડા પર નજર કરીએ તો ગઈકાલે (4 જુલાઈ) સવારે 6:00 વાગ્યાથી આજે (5 જુલાઈ) સવારે 6:00 વાગ્યા સુધીમાં સિટીમાં સરેરાશ 39.15 મીમી (અંદાજે 1.54 ઈંચ) વરસાદ નોંધાયો છે. આ સાથે જ અમદાવાદનો સિઝનનો કુલ સરેરાશ વરસાદ 63.15 મીમી (2.49 ઈંચ) પર પહોંચી ગયો છે. મોટાભાગના વિસ્તારોમાં 2 ઈંચ કે તેથી વધુ વરસાદ ખાબકતા વાતાવરણમાં જબરદસ્ત ઠંડક પ્રસરી ગઈ છે.

બીજી તરફ વાસણા બેરેજની સ્થિતિ જોઈએ તો, AMC ના રિપોર્ટ અનુસાર હાલ બેરેજની સપાટી 132.50 ફૂટ (40.386 મીટર) પર છે. નદીમાં અત્યારે કોઈ નવો પ્રવાહ ન આવતો હોવાથી બેરેજના તમામ દરવાજા બંધ રાખવામાં આવ્યા છે અને માત્ર કેનાલ મારફતે 600 ક્યુસેક પાણી છોડવામાં આવી રહ્યું છે.

આ પણ વાંચોઃ આવતીકાલનું હવામાન: દેશના 15 રાજ્યોમાં આગામી 10 કલાકમાં ભારે વરસાદ અને વાવાઝોડાની આગાહી, IMD નું એલર્ટ

આગામી 2 દિવસ (5 અને 6 જુલાઈ) માટે મેઘરાજાનું એલર્ટ

હવામાન વિભાગના અનુમાન મુજબ 5 અને 6 જુલાઈએ રાજ્યભરમાં વરસાદી માહોલ બરાબરનો જામશે:

રેડ એલર્ટ (અત્યંત ભારે વરસાદ): દક્ષિણ ગુજરાત અને સૌરાષ્ટ્રના ડાંગ, નવસારી, વલસાડ, દમણ, દાદરા નગર હવેલી, અમરેલી, ભાવનગર અને ગીર સોમનાથમાં રેડ એલર્ટ સમાન અત્યંત ભારે વરસાદની ચેતવણી છે.

ભારેથી અતિભારે વરસાદ: છોટા ઉદેપુર, નર્મદા, ભરૂચ, સુરત, તાપી, રાજકોટ અને જૂનાગઢ જિલ્લામાં ભારેથી અતિભારે વરસાદ ખાબકી શકે છે.

ભારે વરસાદ: પંચમહાલ, મહીસાગર, વડોદરા અને પોરબંદરમાં વરસાદનું સારું એવું જોર રહેશે.

અમદાવાદ અને મધ્ય-ઉત્તર ગુજરાતમાં મધ્યમ વરસાદ: અમદાવાદ સહિત ઉત્તર અને મધ્ય ગુજરાતના બનાસકાંઠા, પાટણ, મહેસાણા, સાબરકાંઠા, ગાંધીનગર, ખેડા અને આણંદમાં 40 થી 50 કિમી પ્રતિ કલાકની ઝડપે પવન ફૂંકાશે અને ગાજવીજ સાથે હળવોથી મધ્યમ વરસાદ પડવાની શક્યતા છે.

આ પણ વાંચોઃ ગુજરાતમાં મેઘરાજાનું રૌદ્ર સ્વરૂપ: 2457 ગામોમાં વીજળી ડૂલ, 95 રસ્તાઓ બંધ, NDRF તૈનાત