Yellow Alert: અમદાવાદવાસીઓ ગરમીમાં શેકાવા રહો તૈયાર, જાહેર કરાયું યલો એલર્ટ; AMC એ લોકોને કરી આ અપીલ
Yellow Alert: ગરમીનો પારો મહત્તમ 41 ડીગ્રી સુધી જવાની શક્યતા છે, જેને લઈ એએમસીએ કામ વગર બહાર ન નીકળવાની સલાહ આપી છે.
Ahmedabad: અમદાવાદમાં છેલ્લા બે દિવસથી ગરમીનું પ્રમાણ વધ્યું છે. રાજ્યમાં વધતી ગરમી મામલે અમદાવાદ મ્યુનિસિપલ કોર્પોરેશન (AMC) એ યલો એલર્ટ આપ્યું છે. 11,12,13 અને 15 એપ્રિલના રોજ યલો એલર્ટ આપવામાં આવ્યું છે. ગરમીનો પારો મહત્તમ 41 ડીગ્રી સુધી જવાની શક્યતા છે, જેને લઈ એએમસીએ કામ વગર બહાર ન નીકળવાની સલાહ આપી છે. આરોગ્ય વિભાગની ટીમોને ગરમી સામે સંરક્ષણાત્મક પગલાં ભરવા આદેશ આપવામાં આવ્યો છે.
યલો એલર્ટ
હવામાન વિભાગ દ્વારા ખરાબ હવામાનની સ્થિતિ વિશે જણાવવા માટે યલો એલર્ટ જારી કરવામાં આવે છે. આ એક પ્રકારની એલાર્મ બેલ છે. જે સંકેત આપે છે કે વર્તમાન પરિસ્થિતિમાં કોઈ ખતરો નથી, પરંતુ ખતરનાક હવામાન ગમે ત્યારે તમારી સામે આવી શકે છે, તેના માટે તૈયાર રહો.
ઓરેન્જ એલર્ટ
ઓરેન્જ એલર્ટ યલો એલર્ટ કરતા એક ડગલું આગળ છે. મતલબ કે ખતરો આવી રહ્યો છે. હવે તમારે બેદરકાર ન રહેવું જોઈએ. આ પછી ગમે ત્યારે ખતરનાક હવામાન તમારી સામે આવી શકે છે. આવી સ્થિતિમાં, તે પરિસ્થિતિનો સામનો કરવા માટે તમારી જાતને તૈયાર કરો. જ્યારે ઓરેન્જ એલર્ટ જારી કરવામાં આવે છે, ત્યારે સંબંધિત અધિકારીઓને તૈયાર રહેવા માટે કહેવામાં આવે છે અને લોકોને આવતા-જતા સાવચેતી રાખવા માટે કહેવામાં આવે છે.
રેડ એલર્ટ
જ્યારે હવામાન ખૂબ જ ખરાબ છે અને તેના કારણે નુકસાન થવાની સંભાવના છે, ત્યારે હવામાન વિભાગ દ્વારા રેડ એલર્ટ જારી કરવામાં આવે છે. આ ખતરનાક હવામાનની નિશાની છે. લોકોને એલર્ટ કરવા માટે રેડ એલર્ટ જારી કરવામાં આવે છે કે હવે તમારે તમારી સુરક્ષાને ધ્યાનમાં રાખીને તમામ નિયમોનું પાલન કરવું જોઈએ. શિયાળામાં રેડ એલર્ટનો અર્થ ખતરનાક ઠંડીની સ્થિતિ છે, જ્યારે વરસાદની મોસમમાં રેડ એલર્ટનો અર્થ પૂર, તોફાન અથવા નુકસાનકારક વરસાદ થાય છે. રેડ એલર્ટ બાદ લોકોએ બેદરકારી ન રાખવી જોઈએ. આવી સ્થિતિમાં તે ઋતુના પ્રકોપથી બચવાની વ્યવસ્થા કરવી જોઈએ.
ગ્રીન એલર્ટ
તમે બધા ગ્રીન એલર્ટનો અર્થ સારી રીતે સમજી ગયા હશો. તેનો સીધો અર્થ એ છે કે હવામાન ખૂબ જ સ્વચ્છ છે અને ચિંતા કરવાની કોઈ વાત નથી. તમારી જાતને સુરક્ષિત માનો, હવામાન વિશે નચિંત રહો અને તમારું નિયમિત કામ કરો.
ટ્રેન્ડિંગ સમાચાર
ટોપ સ્ટોરી
