![ABP Premium](https://cdn.abplive.com/imagebank/Premium-ad-Icon.png)
Manekchowk Food: અમદાવાદીઓ માણેકચોકમાં ખાતા પહેલા સાવધાન, પિઝાની ગ્રેવી સહિત આ વસ્તુઓ સબ સ્ટાન્ડર્ડ નીકળી
Manekchowk Food Warning: બોમ્બે ગુલાલવાડી પાઉભાજી એન્ડ પિત્ઝા સેન્ટરમાંથી આરોગ્ય વિભાગે નમુના લીધા હતા.
![Manekchowk Food: અમદાવાદીઓ માણેકચોકમાં ખાતા પહેલા સાવધાન, પિઝાની ગ્રેવી સહિત આ વસ્તુઓ સબ સ્ટાન્ડર્ડ નીકળી amc raid manekchowk food inedible raids Manekchowk Food: અમદાવાદીઓ માણેકચોકમાં ખાતા પહેલા સાવધાન, પિઝાની ગ્રેવી સહિત આ વસ્તુઓ સબ સ્ટાન્ડર્ડ નીકળી](https://feeds.abplive.com/onecms/images/uploaded-images/2024/08/10/b1c260eec55bebf2ea0bc11f39769886172328750068175_original.jpg?impolicy=abp_cdn&imwidth=1200&height=675)
AMC Health Department Raid: અમદાવાદ મ્યુનિસિપલ કોર્પોરેશનના હેલ્થ વિભાગના ફૂડ ડિપાર્ટમેન્ટ દ્વારા શહેરમાં ખાદ્ય સુરક્ષા અને ગુણવત્તા જાળવવા માટે એક મહત્વપૂર્ણ અભિયાન ચલાવવામાં આવી રહ્યું છે. અધિક આરોગ્ય અધિકારી અને ડેઝિગ્નેટેડ ઓફિસર ડૉ. ભાવિન જોષીના માર્ગદર્શન હેઠળ, 4 ઓગસ્ટથી 10 ઓગસ્ટ 2024 દરમિયાન શહેરના વિવિધ ઝોન અને વોર્ડમાં ખાદ્ય ધંધાકીય એકમોની તપાસ કરવામાં આવી.
આ સમયગાળા દરમિયાન, કુલ 449 ખાદ્ય ધંધાકીય એકમોની તપાસ કરવામાં આવી, જેમાંથી 65 શંકાસ્પદ નમૂનાઓ લેવામાં આવ્યા. આમાં દૂધ અને દૂધની બનાવટો, મીઠાઈ, ફરાળી પ્રોડક્ટ્સ, બેકરી પ્રોડક્ટ્સ, મસાલા અને અન્ય ખાદ્ય પદાર્થોનો સમાવેશ થાય છે. આ નમૂનાઓને પબ્લિક હેલ્થ લેબોરેટરીમાં પૃથ્થકરણ માટે મોકલવામાં આવ્યા છે.
વિભાગે 141 નોટિસ જારી કરી, અંદાજે 356 કિલોગ્રામ/લીટર બિનઆરોગ્યપ્રદ ખાદ્ય પદાર્થોનો નાશ કર્યો, અને ₹2,97,000નો વહીવટી ચાર્જ વસૂલ કર્યો. આ ઉપરાંત, 692 લાયસન્સ/રજિસ્ટ્રેશન જારી કરવામાં આવ્યા, જેમાંથી ₹6,62,800ની ફી વસૂલ કરવામાં આવી.
વિશેષ કાર્યવાહીમાં, ગ્વાલિયા સ્વીટ્સ પ્રા. લિ.ને અસ્વચ્છ પરિસ્થિતિઓ અને નિયમોનું પાલન ન કરવા બદલ સીલ કરવામાં આવ્યું, જ્યારે શ્રીજી એન્ટરપ્રાઇઝ (વિલિયમ્સ પીઝા)ને આવા જ કારણોસર બંધ કરવામાં આવ્યું.
આવનારા દિવસોમાં, શ્રાવણ માસ નિમિત્તે વિભાગ ફરાળી ફૂડ પ્રોડક્ટ્સ, મીઠાઈ, અને તેને આનુષાંગિક કાચા માલના ધંધા સાથે સંકળાયેલ એકમો, તેમજ હોટલ/રેસ્ટોરન્ટ્સનું ઇન્સ્પેક્શન કરશે. લાયસન્સ/રજિસ્ટ્રેશન વગર ધંધો કરતા એકમો સામે કડક પગલાં લેવામાં આવશે.
આ અભિયાન દ્વારા AMC નાગરિકોના આરોગ્યની સુરક્ષા અને ખાદ્ય પદાર્થોની ગુણવત્તા સુનિશ્ચિત કરવા પ્રતિબદ્ધ છે.
આ યાદીમાં સુપ્રિમ ટ્રેડર્સ, બોમ્બે ગુલાલવાડી ભાંજીપાવ એન્ડ સેન્ડવીચ પીઝા સેન્ટર, શ્રી ઉમિયા પ્રોવિઝન સ્ટોર્સ, ધનલક્ષ્મી કિરાણા સ્ટાર્સ, કિર્તિ સ્વિટ એન્ડ માવાવાલા અને તેલનું ગોડાઉન નામના સ્થળોના નામનો સમાવેશ થાય છે. આ તમામ સ્થળોએથી મળેલી ખાદ્ય ચીજો અપ્રમાણિત જણાઈ આવી છે.
અમદાવાદ મ્યુનિસિપલ કોર્પોરેશનના ફુડ ડિપાર્ટમેન્ટની ટીમ દ્રારા આવનાર દિવસો દરમ્યાન જાહેર આરોગ્યના હીતમાં શ્રાવણ માસ નિમિતે આવનાર તહેવારોના અનુસંધાને ફરાળી ફુડ પ્રોડકટસ, મીઠાઈ તથા તેને આનુષાંગિક રો મટિરીયલના ધંધા સાથે સંકળાયેલા એકમો તેમજ અલગ અલગ વોર્ડ વાઈઝ ખાધ્ય પદાર્થનો ધંધો કરતા એકમો, મીઠાઈ, ફરસાણના ધંધાઓ, પાણીપુરી વાળી જગ્યા અને શહેરની તમામ હોટલ/રેસ્ટોરન્ટના ઈન્સ્પેકશનની કામગીરી કરવામાં આવશે તેમજ આવનાર દિવસોમાં લાયસન્સ / રજીસ્ટ્રેશન વગર ધંધો કરતા એકમોનું પણ સધન ચેકીંગ કરવામાં આવશે અને ચેકીંગ દરમ્યાન લાયસન્સ / રજીસ્ટ્રેશન વગર ધંધો કરતા એકમો જણાશે તો સીલ | બંધ સુધીના કડક પગલા ભરવામાં આવશે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)