અમદાવાદમાં AMTS-BRTS બસો દોડાવવા શું કરાઈ તૈયારી ? જાણો શાની જોવાઈ રહી છે રાહ? કેટલા વોર્ડમાં નહીં દોડે બસો ?

હવે અમદાવાદ કોર્પોરેશને પણ શહેરમાં AMTS અને BRTS બસો શરૂ કરવા રોડમેપ તૈયાર કરી રાખ્યો છે. ફક્ત સરકારની ગાઇડલાઇનની રાહ જોવાઇ રહી છે.

અમદાવાદઃ ગુજરાત સરકાર ગમે ત્યારે આજે લોકડાઉન-4ના નિયમો જાહેર કરી શકે છે. મુખ્યમંત્રી વિજય રૂપાણી ગઈ કાલે જ અનેક વેપાર-ધંધા તેમજ ટાન્સપોર્ટ શરૂ કરવાની જાહેરાત કરી ચૂક્યા છે. ત્યારે હવે અમદાવાદ કોર્પોરેશને પણ શહેરમાં AMTS અને BRTS બસો શરૂ કરવા રોડમેપ તૈયાર કરી રાખ્યો છે. ફક્ત સરકારની ગાઇડલાઇનની રાહ જોવાઇ રહી છે. લોકડાઉન-4ના અમલ માટે AMCએ તૈયારીઓ શરૂ કરી દીધી છે. સરકારની ગાઈડલાઈન જાહેર થયા બાદ તાત્કાલિક ધોરણે બસો દોડાવવાનો નિર્ણય અમલમાં મુકવામાં આવશે. રેડઝોન અને કન્ટેઇન્મેન્ટ ઝોન સિવાયના વિસ્તારોમાં છૂટછાટની શક્યતાઓ છે. રેડ ઝોન અને કન્ટેઇન્મેન્ટ ઝોનમાં બસો દોડાવવા અનુમતિ નહીં આપવામાં આવે તો 10 વોર્ડને અસર પડશે. ગુજરાતમાં ગાઈડલાઇન નક્કી કરવા માટે હાલ, CMની હાઈપાવર બેઠક શરૂ થઈ ગઈ છે. લૉકડાઉન-4 દરમિયાન ગુજરાતના નોન કંટેઇન્મેંટ એરિયામાં વધુ છૂટછાટ મળશે. જો કે,આ છૂટછાટ કેવી મળશે તે અંગે રાજ્ય સરકાર આજે જાહેરાત કરશે. લોકડાઉન-4 અંગે કેંદ્રની ગાઈડલાઈન્સ બાદ રાજય સરકારે રાજ્યમાં કંટેઇન્મેંટ અને નોન કંટેઇન્મેન્ટ ઝોનના આધારે છૂટછાટ આપવાનો નિર્ણય કર્યો છે. રાજ્યના કયા જિલ્લામાં કેવી છૂટછાટ આપવી તે અંગે મુખ્યમંત્રી રૂપાણી હાલ તમામ જિલ્લા કલેક્ટર, મ્યુનિસિપલ કમિશનર સાથે બેઠક કરી રહ્યા છે. બેઠક બાદ રાજ્ય સરકાર જ લોકડાઉન-4ના નવા નિયમોની જાહેરાત કરશે. જેનો અમલ આવતીકાલ સવારથી સમગ્ર રાજ્યમાં કરાશે. રાજ્ય સરકારે કંટેઇન્મેંટ ઝોન સિવાયના વિસ્તારોમાં સોશિયલ ડિસ્ટન્સ સાથે એસટી અને સીટી બસ શરૂ કરવાની વિચારણ હાથ ધરી છે. આ સેવા કઈ રીતે ચાલશે તે અંગેના નિયમો જાહેર કરાશે. રાજ્યમાં સાંજે 7 થી સવારે 7 સુધી કફર્યૂ યથાવત રહેશે. તેમાં સામાન્ય જનતાને કોઈ છૂટ ના આપવાનો નિર્ણય કરાયો છે. રાજ્ય સરકારે માસ્ક ના પહેરવા અને થૂંકવા બદલ સમગ્ર રાજયમાં 200 રૂપિયાનો કોમન દંડ નક્કી કર્યો છે.