ગૌ પ્રેમીએ ગાયના વાછરડા માટે બનાવડાવ્યા ચાંદીના દાગીના, વીડિયો થયો વાયરલ

શોરૂમમાં જ નંદી અને માહલી નામની ગાયને લાવીને પૂજા સાથે શણગાર કરવામાં આવ્યો હતો. 

WhatsApp_Image_2021-03-10_at_507.03_PM

અમદાવાદના પ્રખ્યાત જ્વેલરી શો રૂમમાં ગાયના વાછરડાઓ માટે ચાંદીના દાગીના તૈયાર કરવામાં આવ્યા છે. અમદાવાદના ગૌ પ્રેમીએ ગાય અને વાછરડાને દોઢ કિલો વજનના ચાંદીના એક લાખની કિંમતના ઘરેણા  પહેરાવ્યાનો વીડિયો સોશિયલ મીડિયામાં વાયરલ થયો છે.

ખેતીમાં આધુનિક સાધનો આવિષ્કાર સાથે બળદથી થતી ખેતી ભુલાઈ રહી છે ત્યારે પ્રાકૃતિક ખેતી અંગે લોકોમાં જાગૃતિ લાવવા ગૌ પ્રેમી વિજય પરસાણાએ તેમની સાથે રહેતી ગાયની અને નંદીની પૂજા કરીને બંનેને ચાંદીના દાગીના ચઢાવ્યા હતા. શોરૂમમાં જ નંદી અને માહલી નામની ગાયને લાવીને પૂજા સાથે શણગાર કરવામાં આવ્યો હતો. 

મળતી માહિતી મુજબ અમદાવાદમાં આવેલા એ.બી. જ્વેલર્સ ખાતે ગૌ પ્રેમી વિજય પરસાણાએ તેમની સાથે રહેતી ગાય અને નંદીને લઈને આવ્યા હતા. બાદમાં ત્યાં તેમની પૂજા કરવામાં આવી અને શો રૂમ તરફથી બંનેને ચાંદીના આભૂષણોથી શણગારવામાં આવ્યા હતા.