Double Decker Bus: ત્રણ દાયકા બાદ અમદાવાદમાં શરૂ થઇ ડબલ ડેકર એસી ઈ-બસ, શહેરમાં ક્યાં-ક્યાં દોડશે ને શું છે ફેસિલિટી ?

આજથી અમદાવાદીઓને વધુ એક મોટી સુવિધા મળી છે. આજથી અમદવાદમાં ડબલ ડેકર બસની શરૂઆત થઇ છે. આ સર્વિસને ત્રણ દાયકા બાદ શહેરમાં ફરી એકવાર શરૂ કરવામાં આવી છે

(તસવીર- સોશ્યલ મીડિયા પરથી)

Ahmedabad Double Decker Bus: આજથી અમદાવાદીઓને વધુ એક મોટી સુવિધા મળી છે. આજથી અમદવાદમાં ડબલ ડેકર બસની શરૂઆત થઇ છે. આ સર્વિસને ત્રણ દાયકા બાદ શહેરમાં ફરી એકવાર શરૂ કરવામાં આવી છે. આજથી હવે અમદાવાદના રસ્તાઓ પર એએમટીએસની ડબલ ડેકર એસી ઈ-બસ દોડતી દેખાશે. તાજેતરમાં વાઈબ્રન્ટ ગુજરાત સમિટમાં CM ભૂપેન્દ્ર પટેલે આ બસોનું લોકાર્પણ કર્યું હતુ. લંડનથી 5 AC ડબલ ડેકર બસ અમદાવાદમાં લાવવામાં આવી હતી. આ ડબલ ડેકર એસી બસ વાઈબ્રન્ટ ગુજરાત સમિટમાં આકર્ષણનું કેન્દ્ર બની હતી. જેના બાદ હવે આ બસને અમદાવાદમાં દોડાવાશે. જાણો આ નવી ડબલ ડેકર બસ વિશે....

આજે અમદાવદના મેયરના હસ્તે ડબલ ડેકર એસી ઈ-બસનું ફ્લેગઑફ કરાયું હતુ. આ પ્રસંગે એએમસીના પદાધિકરીઓ અને અધિકારીઓ ઉપસ્થિત રહ્યા હતા. લગભગ ત્રણ દાયકા બાદના લાંબાગાળા બાદ પ્રથમ ડબલડેકર બસની અમદાવાદમાં શરૂઆત થઈ છે. પ્રથમ રૂટ તરીકે વાસણાથી આશ્રમ રોડ થઇ આરટીઓ સુધી બસ દોડાવાશે. ખાસ વાત તો એ છે કે, આ ડબલ ડેકર બસમાં અમદાવાદ મ્યુનિસિપિલ ટ્રાન્સપોર્ટની તમામ પ્રકારની ટીકીટો તથા પાસ માન્ય રહેશે.  

ડબલ ડેકર એસી ઈ-બસની ખાસ વિશેષતાઓ - 
યુએસબી ચાર્જ, વાઈફાઈ
રિડીંગ લાઇટ અને કમ્ફર્ટ સીટ 
૬૩ પ્લસ ડ્રાઇવરની કેપીસીટી 
ચાર્જ થયા બાદ 250 કિમી ચાલશે 
દરરોજનું સંચાલન 200 કિમી કરાશે 
ચાર્જ સમય દોઢ કલાક થી ૩ કલાક લાગશે 
900 એમ એમ ફલોર હાઇટ 
4750 એમએમ હાઇટ 
9800 એમએમ લંબાઇ 
2600એમએમ પહોળાઇ

શું રહેશે ડબલ ડેકર એસી ઈ-બસનો રૂટ મેપ - 
ફતેહનગર, પાલડી, વા.સા.હોસ્પિટલ, સન્યાસ આશ્રમ, નટરાજ સિનેમા, ઇન્કમટેક્ષ ઓફિસ, ઉસ્માનપુરા, વાડજ ટર્મિનસ, સુભાષબ્રીજ સર્કલ (આર.ટી.ઓ), પાવરહાઉસ, ચિંતામણી સોસાયટી, ઓ.એન.જી.સી.ઓફિસ, પાર્શ્વનાથનગર, (વાડજ થી ગાંધી આશ્રમ સુધી બ્રિજનું કામ ચાલુ હોવાથી હાલ પુરતું વાસણા થી વાડજ - કુલ 7.16 કિલોમીટરનો રુટ રહેશે.