Gujarat Election 2022: અમદાવાદની હોટલની અનોખી ઓફર, મતદાન કરેલી આંગળી બતાવો ને બિલ પર મેળવો અધધ છુટ

Gujarat Assembly Election 2022: અમદાવાદ એસપી રિંગરોડ પર આવેલી આંગન ગાર્ડન રેસ્ટોરંટે ખાસ ઓફર કરી છે. જે મુજબ મતદાન કરેલી આંગળી બતાવવા પર ફૂડ બિલ પર 25 % ની છુટ મળશે. આજે આને આવતીકાલ માટે ઓફર રહેશે.

મતદાન વખતે આંગળી પર સ્યાહીનું નિશાન કરાવતાં પીએમ મોદી

Source : PTI

Gujarat Election 2022:  ગુજરાત વિધાનસભા ચૂંટણીમાં આજે બીજા તબક્કાનું મતદાન યોજાઈ રહ્યું છે. બીજા તબક્કાના મતદાનમાં ઉત્તર ગુજરાત અને મધ્ય ગુજરાતના 14 જિલ્લાની 93 બેઠકોનો સમાવેશ થાય છે. બીજા તબક્કામાં 833 ઉમેદારો ચૂંટણી લડી રહ્યા છે.  સવારે 11 કલાક સુધીમાં સરેરશ 19.17 ટકા મતદાન થયું છે. લોકો મહત્તમ વોટિંગ કરે તે માટે અમદાવાદની એક રેસ્ટોરંટે ખાસ ઓફર આપી છે.

ક્યાં આવેલી છે રેસ્ટોરંટ

શહેરના એસપી રિંગરોડ પર આવેલી આંગન ગાર્ડન રેસ્ટોરંટે ખાસ ઓફર કરી છે. જે મુજબ મતદાન કરેલી આંગળી બતાવવા પર ફૂડ બિલ પર 25 % ની છુટ મળશે. આજે આને આવતીકાલ માટે ઓફર રહેશે.

આ પણ વાંચોઃ Gujarat Election: ગુજરાત ચૂંટણીમાં બીજા તબક્કાના આ છે VIP મતદારો, જુઓ તસવીરો

બીજા તબક્કામાં આજે આ બેઠકો પર થઈ રહ્યું છે મતદાન

• બનાસકાંઠા જિલ્લો : બેઠકોના નામ : વાવ, થરાદ, ધાનેરા, દાંતા (ST), વડગામ (SC), પાલનપુર, ડીસા, દિયોદર, કાંકરેજ
• પાટણ જિલ્લો : બેઠકોના નામ : રાધનપુર, ચાણસ્મા, પાટણ, સિદ્ધપુર
• મહેસાણા જિલ્લો : બેઠકો : ખેરાલુ, ઉંઝા, વિસનગર, બેચરાજી, કડી, મહેસાણા, વિજાપુર
• સાબરકાંઠા જિલ્લો : બેઠકોના નામ : હિંમતનગર, ઈડર, ખેડબ્રહ્મા (ST), પ્રાંતિજ
• અરવલ્લી જિલ્લો : બેઠકોના નામ : ભિલોડા (ST), મોડાસા, બાયડ
• ગાંધીનગર જિલ્લો : બેઠકો: દહેગામ, ગાંધીનગર દક્ષિણ, ગાંધીનગર ઉત્તર, માણસા, કલોલ
• અમદાવાદ જિલ્લો : બેઠકો: વિરમગામ, સાણંદ, ઘાટલોડિયા, વેજલપુર, વટવા, એલિસબ્રિજ, નારાણપુરા, નિકોલ, નરોડા, ઠક્કરબાપા નગર, બાપુનગર, અમરાઈવાડી, દરિયાપુર, જમાલપુર-ખાડિયા, મણિનગર, દાણીલીમડા, સાબરમતી, અસારવા, દસક્રોઈ, ધોળકા, ધંધુકા
• આણંદ જિલ્લો : બેઠકો : ખંભાત, બોરસદ, આંકલાવ, ઉમરેઠ, આણંદ, પેટલાદ, સોજિત્રા
• ખેડા જિલ્લો : બેઠકોના નામ : માતર, નડિયાદ, મહેમદાબાદ, મહુધા, ઠાસરા, કપડવંજ
• મહીસાગર જિલ્લો : બેઠકોના નામ : બાલાસિનોર, લુણાવાડા, સંતરામપુર
• પંચમહાલ જિલ્લો : બેઠકોના નામ :  શહેરા, મોરવાહડફ, ગોધરા, કાલોલ, હાલોલ
• દાહોદ જિલ્લો : બેઠકો : ફતેપુરા, ઝાલોદ, લીમખેડા, દાહોદ, ગરબાડા, દેવગઢ બારિયા
• વડોદરા જિલ્લો : બેઠકોના નામ : સાવલી, વાઘોડિયા, ડભોઈ, વડોદરા શહેર (SC), સયાજીગંજ, અકોટા, રાવપુરા, માંજલપુર, પાદરા, કરઝણ
• છોટાઉદેપુર જિલ્લો : બેઠકોના નામ: છોટાઉદેપુર, જેતપુર (ST)