Gujarat Election 2022 : ભાજપ-કોંગ્રેસમાં ચૂંટણીનો ધમધમાટ, બંને પાર્ટીઓમાં બેઠકોના દૌર શરૂ

ગુજરાત વિધાનસભાની ચૂંટણી હવે નજીક આવી રહી છે, ત્યારે ભાજપ અને કોંગ્રેસમાં ચૂંટણીને લઈને બેઠકોનો દૌર શરૂ થઈ ગયો છે. ગુજરાત પ્રદેશ પ્રમુખ સી.આર.પાટીલના નિવાસ સ્થાને આજે રાત્રે ડીનર ડિપ્લોમસી યોજાશે.

પ્રતિકાત્મક તસવીર.

અમદાવાદઃ ગુજરાત વિધાનસભાની ચૂંટણી હવે નજીક આવી રહી છે, ત્યારે ભાજપ અને કોંગ્રેસમાં ચૂંટણીને લઈને બેઠકોનો દૌર શરૂ થઈ ગયો છે. ગુજરાત પ્રદેશ પ્રમુખ સી.આર.પાટીલના નિવાસ સ્થાને આજે રાત્રે ડીનર ડિપ્લોમસી યોજાશે. ગુજરાત ભાજપના તમામ ધારાસભ્યોને પ્રદેશ અધ્યક્ષ સી આર પાટીલના ઘરે રાત્રી ભોજનનું આમંત્રણ અપાયું છે. ગાંધીનગર સ્થિત પ્રદેશ પ્રમુખ ના નિવાસસ્થાને રાત્રી ભોજન નું આયોજન. પ્રદેશ અધ્યક્ષ તરફ થી ભાજપના તમામ ધારાસભ્યોને આમંત્રણ અપાયું.

ધારાસભ્યો સહિત સંગઠન ના મુખ્ય હોદેદારોને પણ આમંત્રણ અપાયું છે. વિધાનસભા સત્રની કામગીરી, ચૂંટણીલક્ષી વ્યૂહ રચના સહિતના મુદ્દે ડિનર ડિપ્લોમસી દરમિયાન ચર્ચા થઈ શકે છે.

બીજી તરફ મીશન 2022 માટે કોંગ્રેસે બેઠકોનો દોર શરૂ કર્યો. નવા નિમાયેલા 3 સહપ્રભારી પહોંચ્યા અમદાવાદ. આજથી 3 દિવસ ચાલશે આગેવાનોની બેઠક. ત્રણ દિવસ રોજ 11 જિલ્લાના આગેવાનોની થશે બેઠક. પ્રભારી અને પ્રમુખની અધ્યક્ષતામાં યોજાશે બેઠક. બેઠકમાં નવા નિમાયેલા સહપ્રભારી પણ રહેશે હાજર. નવા નિમાયેલા ઉપપ્રમુખ અને મહામંત્રીઓ રહેશે હાજર બેઠકોમાં ચૂંટણી માટેની જવાબદારીઓ નક્કી થશે. આગામી દિવસોમાં કાર્યક્રમો અંગે જવાબદારી નક્કી થશે.

રાજકોટ:  નરેશ પટેલ રાજકારણમાં જોડાશે કે નહી તેને લઈને તમામ લોકો જાણવા માંગે છે. આજે રાજકોટમાં સરદાર પટેલ ભવન ખાતે નરેશભાઈ પટેલે પત્રકાર પરિષદ યોજી હતી.  નરેશભાઈ પટેલે મીડિયા સમક્ષ વાત કરતા  કહ્યું,   આપ બધાને દિલગીર વ્યક્ત કરુ છુ તમે લોકો સંપર્ક કરવાનો પ્રયત્ન કર્યો પરંતુ હું બહાર હતો.  આજે આપના પ્રશ્નોના જવાબ આપવા આપની સમક્ષ હાજર થયો છું. 

ખોડલધામના નરેશભાઈ પટેલે કહ્યું કે તમામ રાજકીય પક્ષના નેતાઓ સંપર્કમાં છે. એપ્રિલના ત્રીજા સપ્તાહ સુધીમાં રાજકારણમાં જોડાવા અંગે નિર્ણય કરશું, સમગ્ર ગુજરાતમાં ખોડલધામનું નેટવર્ક છે અને જિલ્લા અને તાલુકા લેવલે સમિતી છે તેમાં સર્વે ચાલી રહ્યો છે. 

નરેશભાઈ પટેલે કહ્યું કે પ્રશાંત કિશોર સાથે ખૂબ જૂનો સબંધ છે તેના લીધે મળવાનું થયું છે. નરેશ પટેલે પ્રશાંત કિશોર સાથે મુલાકાત કરી હોવાની વાત સ્વિકારી છે. નરેશ પટેલ પોતે રાજકારણમાં જોડાવવા ઈચ્છતા હોવાની વાત તેમણે મીડિયા સમક્ષ સ્વિકાર કરી છે. તેમણે કહ્યું રાજનીતિમાં જોડાવા અંગે સમાજમાં સર્વે કરાવી એપ્રિલમાં લેશે નિર્ણય.

નરેશભાઈ પટેલે કહ્યું કે,  ગુજરાતનાં તમામ ગામડાઓથી લઈને શહેર અને જીલ્લામાં વસતા દરેક સમાજના લોકોના અંગત પ્રતિભાવો એકઠા કરીને એક રીપોર્ટનું નિર્માણ કરશે જે રીપોર્ટ આવ્યા બાદ જ પોતે આખરી નિર્ણય લેશે. રાજકારણમાં જશે તો કઈ પાર્ટી સાથે જોડાશે તે પ્રશ્નનાં જવાબમાં ખોડલધામના નરેશ પટેલે જણાવ્યું કે, સર્વે સમિતિનાં રીપોર્ટ  બાદ  આ નિર્ણય લઇ શકાશે અને ત્યાં સુધી કંઈ પણ કહેવું મુશ્કેલ છે.