Gujarat Rains: અમદાવાદમાં પડશે છૂટોછવાયો વરસાદ, જાણો આગામી 5 દિવસ કેવું રહેશે હવામાન

Gujarat Monsoon: રાજ્યમાં વરસાદનું જોર વધવાની શક્યતા નથી અને મોટાભાગે હળવો અને કેટલાક ભાગમાં સામાન્ય વરસાદ રહેવાની સંભાવના છે

રાજ્યમાં છૂટાછવાયા સ્થળોએ હળવાથી મધ્યમ વરસાદની આાગાહી

Source : @IMDAHMEDABAD

Gujarat Mosoon: રાજ્યમાં છેલ્લા ઘણા દિવસોથી વરસાદે વિરામ લીધો છે અને સામાન્ય ઝાપટા અને છૂટાછવાયો વરસાદ સિવાય હાલ ચોમાસું સક્રિય નથી. આ દરમિયાન હવામાન વિભાગ દ્વારા રાજ્યમાં આગામી પાંચ દિવસ વરસાદની આગાહી કરવામાં આવી રહી છે. જે મુજબ ઉત્તર અને દક્ષિણ ગુજરાતમાં સામાન્ય, તો સૌરાષ્ટ્ર અને અમદાવાદમાં વરસી છૂટોછવાયો વરસાદ પડી શકે છે. હવામાન વિભાગે જણાવ્યું હતું કે વરસાદનું જોર વધશે નહી અને રાજ્યમાં આગામી પાંચ દિવસ હળવોથી મધ્યમ વરસાદ પડી શકે છે.

રાજ્યમાં હવામાન વિભાગે આગામી દિવસોમાં હવામાન કેવું રહેશે તે અંગે માહિતી આપતા જણાવ્યું હતુ કે વરસાદનું જોર વધવાની શક્યતા નથી અને મોટાભાગે હળવો અને કેટલાક ભાગમાં સામાન્ય વરસાદ રહેવાની સંભાવના છે. રાજ્યમાં છેલ્લા કેટલાક સમયથી વરસાદે વિરામ લીધો છે. હવામાન વિભાગની આગાહી મુજબહ આગામી પાંચ દિવસ સૌરાષ્ટ્ર , કચ્છમાં સામાન્યથી મધ્યમ વરસાદ વરસી શકે છે. આ સાથે જ અમદાવાદ અને ગાંધીનગરમાં પણ સામાન્ય વરસાદની આગાહી કરી છે.

pic.twitter.com/2upHju4dqn

— IMD Ahmedbad (@IMDAHMEDABAD) August 10, 2023

હવામાન વિભાગના ડાયરેક્ટર ડૉ. મનોરમા મોહંતીએ જણાવ્યુ કે 15મી ઓગસ્ટ સુધી હળવો વરસાદ રહેવાની સંભાવના છે આ ઉપરાંત વધુમાં જણાવતા કહ્યું હતું કે રાજ્યના દક્ષિણ ભાગમાં અપર લેવલ પર સર્ક્યુલેશન છે જેની અસર જોવા મળી રહી છે. જેનું લેવલ 500 મીલીબાર છે. આ કારણે રાજ્યમાં વરસાદ રહી શકે છે તેવી આગાહી કરવામાં આવી છે. આ સિવાય  આગામી પાંચ દિવસની આગાહીમાં માછીમારો માટે ચેતવણી માત્ર આવતીકાલ માટે આપવામાં આવી છે. જેમાં પણ ઉત્તર ગુજરાતના દરિયાકાંઠાના માટે ચેતવણી આપવામાં આવી છે.     

ઉત્તરાખંડમાં 48 કલાક રેડ એલર્ટ જાહેર કરવામાં આવ્યું છે. બે દિવસ ઉત્તરાખંડમાં ભારે વરસાદ પડી શકે છે. ઉત્તરાખંડમાં 8 ઈંચથી વધુ વરસાદ પડવાની સંભાવના હવામાન વિભાગ દ્વારા વ્યક્ત કરવામાં આવી છે. પડાહી રાજ્યોમાં ભારે વરસાદના કારણે ફરી મુશ્કેલી વધી છે. હિમાચલના મંડીમાં તોફાની વ્યાસ નદી તોફાની બની છે. બિહારમાં ગંગા સહીતની નદીએ ચિંતા વધારી છે. પહાડી રાજ્યમાં વરસાદે ચિંતા વધારી છે.

આ પણ વાંચોઃ