EDએ રાહુલ ગાંધીને નોટીસ ફટકારતા અમદાવાદમાં કોંગ્રેસના નેતાઓ ઉતર્યા રસ્તા પર

ઈડી દ્વારા રાહુલ ગાંધીને આજે હાજર થવાનું સમન્સ પાઠવવામાં આવ્યું છે. નેશનલ હેરાલ્ડ નામના ન્યૂઝ પેપર ની અંદર મની લોન્ડરિંગ થયો હોવાના આરોપ સાથે સમન્સ પાઠવવામાં આવતા કોંગ્રેસ આકરા પાણીએ છે.

કોંગ્રેસ નેતાઓનો વિરોધ

અમદાવાદ: ઈડી દ્વારા રાહુલ ગાંધીને આજે હાજર થવાનું સમન્સ પાઠવવામાં આવ્યું છે. મની લોન્ડરિંગના કેસમાં ઇડીએ આ સમન્સ પાઠવ્યું છે. નેશનલ હેરાલ્ડ નામના ન્યૂઝ પેપર ની અંદર મની લોન્ડરિંગ થયો હોવાના આરોપ સાથે સમન્સ પાઠવવામાં આવતા કોંગ્રેસ આકરા પાણીએ છે. જેથી આજે ગુજરાત સહિત સમગ્ર દેશમાં એડીની ઓફિસની બહાર વિરોધ પ્રદર્શન કરવામાં આવી રહ્યું છે. 

 

અમદાવાદમાં આજે મોટી સંખ્યામાં કોંગ્રેસના વરિષ્ઠ નેતાઓ અને કાર્યકરો પહોંચ્યા છે. જીએમડીસી ખાતે આવેલ આ હોલમાં જ સમગ્ર ગુજરાતમાંથી કોંગ્રેસના આગેવાનો અને કાર્યકરો એકત્રિત થશે અને ત્યાંથી પદયાત્રા સ્વરૂપે EDની ઓફિસ સુધી જશે અને ત્યાં ધરણા પ્રદર્શન કરવામાં આવશે. અમદાવાદમાં માનવ મંડળ સામે આવેલી ઓફિસે બહાર કોંગ્રેસના નેતાઓ દ્વારા વિરોધ  પ્રદર્શન કરવામાં આવશે. ED જ્યાં સુધી રાહુલ ગાંધીની પૂછપરછ કરશે ત્યાં સુધી કોંગ્રેસ ધરણા કરશે. હાલમાં પ્રદેશ પ્રમુખ જગદીશ ઠાકોર, ધારાસભ્ય અંબરિશ ડેર, વાવના ધારસભ્ય ગેની બેન, પુંજા બાઈ વંશ અને નેતા વિપક્ષ સુખરામ રાઠવા સહિતના નેતાઓ હાજર છે.

રાહુલ ગાંધીની પદયાત્રા અટકાવાઈ

નેશનલ હેરાલ્ડ કેસમાં કોંગ્રેસ નેતા રાહુલ ગાંધી પાર્ટીના નેતાઓ અને કાર્યકર્તાઓ સાથે દિલ્હીમાં એન્ફોર્સમેન્ટ ડિરેક્ટોરેટ ઓફિસ સમક્ષ હાજર થવા માટે કૂચ કરતા જોવા મળ્યા હતા, ત્યારબાદ હવે તેમને રોકી દેવામાં આવ્યા છે.

પ્રિયંકા ગાંધી રાહુલ ગાંધીના નિવાસસ્થાને પહોંચ્યા

નેશનલ હેરાલ્ડ કેસમાં કોંગ્રેસ નેતા રાહુલ ગાંધી હવેથી થોડા સમય પહેલા ED સમક્ષ હાજર થશે. દેખાવ પહેલા પ્રિયંકા ગાંધી રાહુલ ગાંધીના ઘરે પહોંચી ગયા છે. સૂત્રોના જણાવ્યા અનુસાર પ્રિયંકા રાહુલ સાથે ED ઓફિસ પણ જશે.

યે રાહુલ ગાંધી હૈ, ઝુકેગા નહી

રાહુલની તસવીર સાથેના આ પોસ્ટરમાં લખ્યું છે- યે રાહુલ ગાંધી હૈ, ઝુકેગા નહી. કોંગ્રેસ કાર્યાલયની બહાર વિરોધ પ્રદર્શનને કારણે કોંગ્રેસના ઘણા કાર્યકરો અને નેતાઓની અટકાયત પણ કરવામાં આવી છે.

રાહુલ ગાંધી અમારા રામઃ કોંગ્રેસ કાર્યકર્તા

કોંગ્રેસના કાર્યકર્તાએ રાહુલ ગાંધીને રામ ગણાવ્યા. ન્યૂઝ એજન્સી એએનઆઈના ટ્વિટ મુજબ, કોંગ્રેસના કાર્યકર્તાએ કહ્યું શાસક પક્ષનો રોલ રાવણનો છે. અમે તેમને કહેવા માંગીએ છીએ કે રાહુલ ગાંધી અમારા રામ છે અને અમે તેમની પૂજા કરીએ છીએ.

શાંતિપૂર્ણ વિરોધ રેલી કાઢવામાં ખોટું શું છે? - અશોક ગેહલોત

કોંગ્રેસના નેતા અને રાજસ્થાનના સીએમ અશોક ગેહલોતે કહ્યું કે, શાસક સરકાર દ્વારા કેન્દ્રીય એજન્સીઓના દુરુપયોગ સામે શાંતિપૂર્ણ વિરોધ માર્ચ કાઢવામાં ખોટું શું છે?

દિલ્હી પોલીસે રાહુલ ગાંધી સાથે કોંગ્રેસના નેતાઓ-કાર્યકરોની ED ઓફિસ સુધી કૂચ કરવાની મંજૂરી આપી નથી. કેન્દ્ર સરકાર પર તપાસ એજન્સીનો દુરુપયોગ કરવાનો આરોપ લગાવતા કોંગ્રેસે નિર્ણય લીધો હતો કે 13 જૂને એન્ફોર્સમેન્ટ ડિરેક્ટોરેટ (ED) સમક્ષ રાહુલ ગાંધીના પ્રોડક્શન દરમિયાન પાર્ટીના વરિષ્ઠ નેતાઓ અને સાંસદો ED ઓફિસની બહાર 'સત્યાગ્રહ' કરશે અને તપાસ એજન્સીના હેડક્વાર્ટર સુધી કૂચ કરશે.નેશનલ હેરાલ્ડ-એસોસિએટેડ જર્નલ્સ લિમિટેડ ડીલ સંબંધિત મની લોન્ડરિંગ કેસમાં કોંગ્રેસ અધ્યક્ષ સોનિયા ગાંધી અને પાર્ટીના નેતા રાહુલ ગાંધીને એન્ફોર્સમેન્ટ ડિરેક્ટોરેટ (ED) દ્વારા સમન્સના મુદ્દા પર કોંગ્રેસે દેશવ્યાપી સત્યાગ્રહની જાહેરાત કરી હતી.