અમદાવાદ પાસેનો આ પોશ વિસ્તાર કોરોનાનું નવું હોટ સ્પોટ, જાણો એક જ અઠવાડિયામાં નોંધાયા કેટલા કેસ ?

હવે અમદાવાદ પાસેના બોપલ-ઘુમા વિસ્તારમાં પણ કોરોનાનું સંક્રમણ વધી રહ્યું છે. છેલ્લા એક અઠવાડિયામાં 29 પોઝિટિવ કેસ નોંધાયા છે.

પ્રતિકાત્મક તસવીર.

અમદાવાદઃ શહેરમાં કોરોનાના કેસો સતત વધી રહ્યા છે, ત્યારે ગ્રામ્ય વિસ્તારોમાં પણ કોરોનાના કેસો સતત વધી રહ્યા છે. હવે અમદાવાદ પાસેના બોપલ-ઘુમા વિસ્તારમાં પણ કોરોનાનું સંક્રમણ વધી રહ્યું છે. છેલ્લા એક અઠવાડિયામાં 29 પોઝિટિવ કેસ નોંધાયા છે. દસક્રોઈ તાલુકામાં નોંધાયેલા 153 કેસમાંથી 50થી વધુ કેસ બોપલ- ઘુમામાં જ છે. બોપલમાં હાલ રોજ બે-ચાર કેસો આવી રહ્યા છે. આમ, બોપલ હવે કોરોનાનું નવું હોટ સ્પોટ બન્યું છે. રાજ્યમાં કોરોના વાયરસથી સંક્રમિત કુલ દર્દીઓની સંખ્યા 25 હજારને પાર પહોંચી ગઈ છે. છેલ્લા 24 કલાકમાં કોરોનાના 520 નવા કેસ નોંધાયા છે, જ્યારે વધુ 27 દર્દીઓનાં મોત થયા છે. રાજ્યમાં કુલ સંક્રમતિ દર્દીઓની સંખ્યા 25 હજાર 148એ પહોંચી છે. જ્યારે મૃત્યુઆંક 1561 પર પહોંચ્યો છે. આજે 348 દર્દીઓને સારવાર બાદ ડિસ્ચાર્જ કરવામાં આવ્યા છે તેની સાથે અત્યાર સુધી 17438 દર્દીઓ સ્વસ્થ થયા છે. ગઈ કાલે નોંધાયેલ કેસમાં અમદાવાદમાં 330, સુરતમાં 65, વડોદરામાં 44, ગાંધીનગર- 16, ભરુચ-7, જામનગર- 6, જુનાગઢ- 5, ભાવનગર 4, રાજકોટ 4, આણંદ-4, પાટણ-4, ખેડા 4, મહેસાણા 3, ગીર સોમનાથ 3, બનાસકાંઠા 2, અરવલ્લી 2, સુરેન્દ્રનગર 2, દેવભૂમિ દ્વારકા, 2, અમરેલી 2, મહીસાગર 1, સાબરકાંઠા 1, બોટાદ 1, દાહોદ 1, નવસારી 1, નર્મદા 1, મોરબી 1 અને અન્ય રાજ્યના 4 કેસ નોંધાયા છે.