FD Interest Rates: 3 વર્ષની FD પર મળશે 8.30% સુધી વ્યાજ! જુઓ બેંકોનું લિસ્ટ

નિવૃત્તિ પછીની બચત પર વધુ નફો મેળવવા માંગો છો? આ સ્મોલ ફાઇનાન્સ બેંકો આપી રહી છે સૌથી વધુ વ્યાજ; રોકાણ કરતા પહેલા જાણી લો આ જરૂરી નિયમ.

3 year fd interest rates senior citizen bank list highest returns

Source : ai

Show Quick Read

Key points generated by AI, verified by newsroom

• વરિષ્ઠ નાગરિકો માટે બેંક FD સુરક્ષિત, ઊંચા વળતરનો વિકલ્પ છે.
• સ્મોલ ફાઇનાન્સ બેંકો 3-વર્ષીય FD પર 8.3% સુધીનું વ્યાજ આપે છે.
• DICGC ₹5 લાખ સુધીની થાપણોનો વીમો કવચ પૂરો પાડે છે.
• મોટી રકમ વિવિધ બેંકોમાં વહેંચીને સુરક્ષિત રાખવી જોઈએ.

fixed deposit interest rates: જો તમે પણ તાજેતરમાં નિવૃત્ત થયા છો અથવા સિનિયર સિટીઝન છો અને તમારી જીવનભરની મૂડી પર સુરક્ષિત અને ઊંચું વળતર ઈચ્છો છો, તો બેંકની ફિક્સ્ડ ડિપોઝિટ (FD) તમારા માટે બેસ્ટ વિકલ્પ સાબિત થઈ શકે છે. હાલમાં દેશની કેટલીક સ્મોલ ફાઇનાન્સ બેંકો 3 વર્ષની મુદતવાળી FD પર વરિષ્ઠ નાગરિકોને 8.3% સુધીનું માતબર વ્યાજ આપી રહી છે. આ ખાસ ઓફર 60 વર્ષ કે તેથી વધુ ઉંમર ધરાવતા નાગરિકો માટે અને 3 કરોડ રૂપિયા સુધીની ડિપોઝિટ પર લાગુ પડે છે.

નિવૃત્તિના નાણાં ક્યાં રોકવા?

સામાન્ય રીતે નિવૃત્તિ પછી લોકોના હાથમાં પ્રોવિડન્ટ ફંડ, ગ્રેચ્યુઈટી કે અન્ય બચતની એક મોટી રકમ આવતી હોય છે. આ ઉંમરે સૌથી મોટી ચિંતા એ હોય છે કે આ પૈસાનું એવું ક્યાં રોકાણ કરવું જ્યાં તે સુરક્ષિત પણ રહે અને તેમાંથી નિયમિત આવક પણ મળતી રહે. શેરબજારના જોખમથી દૂર રહેવા માંગતા લોકો માટે FD હંમેશા પસંદગીનો વિકલ્પ રહ્યો છે. પરંતુ, પોતાના પૈસા કોઈપણ બેંકમાં જમા કરતા પહેલા એ રિસર્ચ કરવું ખૂબ જ જરૂરી છે કે હાલમાં કઈ બેંક સૌથી આકર્ષક વ્યાજ દર આપી રહી છે.

આ પણ વાંચોઃ 1 ઓક્ટોબરથી FD ના નિયમોમાં થશે મોટો ફેરફાર: ગ્રાહકોને અસર કરશે? જાણો 5 ખાસ વાતો

આ બેંકો આપી રહી છે 8% થી વધુ વ્યાજ

જો આપણે સૌથી વધુ વ્યાજ આપતી બેંકોની વાત કરીએ, તો હાલમાં જાના (Jana) સ્મોલ ફાઇનાન્સ બેંક 3 વર્ષની FD પર વરિષ્ઠ નાગરિકોને 8.30 ટકા સાથે સૌથી વધુ વ્યાજ ઓફર કરી રહી છે. 29 જુલાઈ, 2026 ના લેટેસ્ટ ડેટા અનુસાર, અન્ય સ્મોલ ફાઇનાન્સ બેંકોના 3 વર્ષની FD ના વ્યાજ દરો નીચે મુજબ છે:

જાના સ્મોલ ફાઇનાન્સ બેંક: 8.30 ટકા

શિવાલિક સ્મોલ ફાઇનાન્સ બેંક: 8.00 ટકા

ઉત્કર્ષ સ્મોલ ફાઇનાન્સ બેંક: 8.00 ટકા

AU સ્મોલ ફાઇનાન્સ બેંક: 7.90 ટકા

ઉજ્જીવન સ્મોલ ફાઇનાન્સ બેંક: 7.75 ટકા

ઇક્વિટાસ સ્મોલ ફાઇનાન્સ બેંક: 7.60 ટકા

સ્લાઇસ સ્મોલ ફાઇનાન્સ બેંક: 7.50 ટકા

સૂર્યોદય સ્મોલ ફાઇનાન્સ બેંક: 7.40 ટકા

ESAF સ્મોલ ફાઇનાન્સ બેંક: 6.50 ટકા

રોકાણ કરતા પહેલા આ ખાસ નિયમ યાદ રાખજો

સ્મોલ ફાઇનાન્સ બેંકો ભલે સામાન્ય બેંકો કરતા વધુ વ્યાજની ઓફર આપતી હોય, પરંતુ તેમાં મોટી રકમ રોકતા પહેલા તમારે તેના જોખમોને પણ સમજી લેવા જોઈએ. રિઝર્વ બેંક ઓફ ઇન્ડિયા (RBI) ના નિયમ મુજબ, DICGC (ડિપોઝિટ ઇન્સ્યોરન્સ એન્ડ ક્રેડિટ ગેરંટી કોર્પોરેશન) દ્વારા કોઈપણ બેંકમાં ગ્રાહકની મહત્તમ 5 લાખ રૂપિયા સુધીની જ થાપણો વીમા કવચ હેઠળ સુરક્ષિત હોય છે (જેમાં તમારી મૂળ રકમ અને વ્યાજ બંનેનો સમાવેશ થઈ જાય છે).

આ પણ વાંચોઃ 5 લાખની FD પર 5 વર્ષમાં કેટલી કમાણી થશે? સમજો બેંકોના લેટેસ્ટ વ્યાજ દર અને ગણિત

તેથી, ફાઇનાન્શિયલ એક્સપર્ટ્સ સલાહ આપે છે કે જો તમારી પાસે રોકાણ કરવા માટે મોટી રકમ છે, તો લાલચમાં આવીને બધું જ એક બેંકમાં મૂકવાને બદલે તેને અલગ-અલગ બેંકોની FD માં વિભાજીત કરવું જોઈએ, જેથી તમારા પૈસા સંપૂર્ણપણે સુરક્ષિત રહે.