Anant Radhika Wedding: અનંત-રાધિકાના લગ્નથી મજબૂત થઈ બ્રાન્ડ રિલાયન્સ, લોકલ ઇકોનોમીને મળ્યો બૂસ્ટ
Anant Ambani Radhika Merchant Wedding: CAITના રિપોર્ટ અનુસાર, વિદેશમાં લગ્ન થવાથી દર વર્ષે આશરે 1 લાખ કરોડ રૂપિયા ભારતીયોના હાથમાંથી નીકળી જાય છે.
Anant Ambani Radhika Merchant Wedding: રિલાયન્સ ઈન્ડસ્ટ્રીઝના (Reliance Industries) માલિક મુકેશ અંબાણીના (Mukesh Ambani) નાના પુત્ર અનંત અંબાણીએ (Younger Son Anant Ambani) 12 જુલાઈના રોજ રાધિકા મર્ચન્ટ (Radhika Merchant) સાથે લગ્ન કર્યા હતા. આ લગ્ન માટેના કાર્યક્રમો લગભગ 6 મહિનાથી ચાલતા હતા. અંબાણી પરિવારે (Ambani Family) લગ્ન પહેલા બે પ્રી-વેડિંગ પ્રોગ્રામ પણ આયોજિત કર્યા હતા. આ કાર્યક્રમોમાં ભારત અને વિદેશના અનેક મહાનુભાવોએ ભાગ લીધો હતો.
આમાં બિઝનેસ (business), મનોરંજન (entertainment), રમતગમત (sports) અને રાજકારણ(politics)ની હસ્તીઓ પણ સામેલ હતી. વેપાર જગત માટે અનંત અને રાધિકાના લગ્નના ઘણા અર્થ હતા. આ લગ્ને રિલાયન્સ ઈન્ડસ્ટ્રીઝને સમગ્ર વિશ્વમાં એક બ્રાન્ડ તરીકે સ્થાપિત કરવામાં મહત્વની ભૂમિકા ભજવી છે.
ભારતમાં લગ્નથી સ્થાનિક અર્થતંત્રને ફાયદો થાય છે
નિષ્ણાતોના મતે, અન્ય અમીર લોકોથી વિપરીત, અંબાણી પરિવારે ભારતમાં લગ્નના કાર્યક્રમોનું આયોજન કર્યું હતું. આનાથી સ્થાનિક અર્થતંત્રને વેગ મળ્યો. આ ઉપરાંત, રિલાયન્સ ઇન્ડસ્ટ્રીઝનું બિઝનેસ ગ્રુપ તરીકે વિશ્વભરના લોકોમાં સન્માન પણ વધ્યું છે. ભારતના સૌથી અમીર વ્યક્તિના ઘરે થઈ રહેલા આ લગ્ન અને તેમાં હાજર રહેલા મહેમાનો પર સમગ્ર વિશ્વના મીડિયાની નજર હતી. આ લગ્નમાં જસ્ટિન બીબર અને રિહાના સહિત ઘણા ગ્લોબલ સુપરસ્ટાર્સ હાજર રહ્યા હતા.
અનંત અને રાધિકાના લગ્નના મોટા ભાગના પૈસા ભારતીયોના ખિસ્સામાં ગયા
બિઝનેસ ટુડેના અહેવાલ મુજબ, ઉદ્યોગ નિષ્ણાતોનું કહેવું છે કે ભારતમાં થતા લગ્નોને કારણે ઘણા સ્થાનિક કલાકારો અને ઉદ્યોગપતિઓને કામ મળ્યું છે. આનાથી સામાન્ય લોકોમાં બ્રાન્ડ રિલાયન્સની છબી વધુ મજબૂત થઈ છે. લગ્નમાં ખર્ચવામાં આવેલા મોટા ભાગના પૈસા ભારતીયોને ગયા. અનંત અને રાધિકાના લગ્નથી દેશના વેડિંગ ઈન્ડસ્ટ્રીને પણ ફાયદો થયો છે. નવી નોકરીઓનું સર્જન થયું, પ્રવૃત્તિઓ વધી અને લોકોના હાથમાં વધુ પૈસા પહોંચ્યા.
વિદેશમાં થતા લગ્નોને કારણે 1 લાખ કરોડ રૂપિયાની તકો જતી રહે છે.
કોન્ફેડરેશન ઓફ ઓલ ઈન્ડિયા ટ્રેડર્સ (CAIT) અનુસાર, દર વર્ષે લગભગ 5000 અમીર લોકો વિદેશી સ્થળોએ લગ્ન કરે છે. આ કારણે સ્થાનિક ઉદ્યોગપતિઓના હાથમાંથી દર વર્ષે અંદાજે રૂ. 1 લાખ કરોડની તકો જતી રહે છે. આ ઉપરાંત વિદેશમાં યોજાતા આ મોંઘા લગ્નોને કારણે સરકારી તિજોરીને ટેક્સ અને સેસમાં પણ નુકસાન થાય છે. લગ્નોમાં 80 ટકા ખર્ચ સામાન અને સેવાઓ પર થાય છે. એક અંદાજ મુજબ, વર્ષ 2024માં લગભગ 38 લાખ લગ્ન થશે, જેમાં લગભગ 4.74 લાખ કરોડ રૂપિયા ખર્ચ થવાની આશા છે.
ટ્રેન્ડિંગ સમાચાર
ટોપ સ્ટોરી
