Bank Holiday in August 2023: ઓગસ્ટમાં આટલા દિવસો બેંકો રહેશે બંધ, જરુરી કામ પતાવી લો, જુઓ લિસ્ટ
દર મહિનાની જેમ આ મહિનાની પણ રિઝર્વ બેંક ઓફ ઈન્ડિયાએ રજાઓની યાદી જાહેર કરી છે. નવા કેલેન્ડર મુજબ ઓગસ્ટ મહિનામાં બેંકોમાં 14 દિવસની રજા રહેશે.
Bank Holiday in August 2023: દર મહિનાની જેમ આ મહિનાની પણ રિઝર્વ બેંક ઓફ ઈન્ડિયાએ રજાઓની યાદી જાહેર કરી છે. નવા કેલેન્ડર મુજબ ઓગસ્ટ મહિનામાં બેંકોમાં 14 દિવસની રજા રહેશે. જેમાં રવિવાર તેમજ બીજા અને ચોથા શનિવારે બેંકો બંધ રહેશે. રિઝર્વ બેંક ઓફ ઈન્ડિયા (RBI)એ આ રજાઓને ત્રણ કેટેગરીમાં રાખી છે. આ રજાઓ અલગ-અલગ રાજ્યોમાં અલગ-અલગ દિવસે પડવાની છે.
રવિવાર અને શનિવાર સિવાય રજાઓ
શનિવાર અને રવિવાર સિવાય ઓગસ્ટ મહિનામાં લગભગ આઠ બેંક રજાઓ રહેશે. તેમાં ટેંડોંગ લો રમ ફાત, સ્વતંત્રતા દિવસ, પારસી નવું વર્ષ, શ્રીમંત શંકરદેવની તિથિ, ઓણમ, થિરુવોનમ, રક્ષા બંધન, રક્ષા બંધન/શ્રી નારાયણ ગુરુ જયંતિ/પંગ-લ્હાબસોલનો સમાવેશ થાય છે.
ઓગસ્ટ 2023 માં રજા ક્યારે આવશે
8 તેંદોંગ લો રમ ફાતના કારણે સિક્કિમમાં બેંકોમાં રજા રહેશે
15 ઓગસ્ટ ( સ્વતંત્રતા દિવસ) પર સમગ્ર ભારતમાં બેંકોમાં રજા રહેશે
16 ઓગસ્ટના દિવસે ( પારસી નવુ વર્ષ - શહંશાહી) ના કારણે બેલાપુર, મુંબઈ અને નાગપુરમાં બેંકોમાં રજા રહેશે
18 ઓગસ્ટના શ્રીમંત શંકરદેવની તિથિના કારણે ગુવાહાટીમાં બેંકોમાં રજા રહેશે
28 ઓગસ્ટના પ્રથમ ઓણમના દિવસે કોચ્ચિ અને તિરુવનંતપુરમમાં બેંકોમાં રજા રહેશે.
29 ઓગસ્ટના થિરુવોનમના દિવસે કોચ્ચિ અને તિરુવનંતપુરમમાં બેંકોમાં રજા
30 ઓગસ્ટના રક્ષાબંધનના દિવસે જયપુર અને શિમલામાં બેંકોમાં રજા
31 ઓગસ્ટ રક્ષાબંધનના કારણે દેહરાદૂન, ગંગટોક, કાનપુર, કોચ્ચિ, લખનઉ અને તિરુવનંતપુરમમાં બેંકોમાં રજા રહેશે.
અઠવાડિયામાં માત્ર 5 દિવસ કામ કરવાની માંગ
યુનાઈટેડ ફોરમ ઓફ બેંક યુનિયન્સ (UFBU) એ માંગ કરી છે કે બેંકો માટે કામકાજના દિવસો અઠવાડિયામાં માત્ર પાંચ દિવસ રાખવામાં આવે. આ સાથે કર્મચારીઓને 2 દિવસની સાપ્તાહિક રજા મળે છે. હાલમાં બેંક કર્મચારીઓને રવિવાર અને બીજા અને ચોથા શનિવારે રજા મળે છે.
ઓગસ્ટ મહિનામાં બેંકમાં ઘણી રજાઓ રહેશે. ઓગસ્ટમાં લાંબો વીકેન્ડ પણ આવી રહ્યો છે. સ્વતંત્રતા દિવસ દરમિયાન બેંક સતત 3 દિવસ બંધ રહેશે. માટે તમને ઓગસ્ટ મહિનામાં બેંકના કાર્યમાં કોઈ અડચણ ઊભી થાય નહીં તે માટે કેટલા દિવસ રજા રહેશે અને કેટલા દિવસ બેંક ચાલુ રહેશે તે જાણવું જરૂરી છે. અત્યારથી જ બેંકની રજાઓનું લિસ્ટ જાણી લો અને તે મુજબ પ્લાનિંગ કરો.
https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
