Indian Railways: ચાર્ટ બન્યા પછી પણ મળશે ટ્રેનની કન્ફર્મ સીટ! ટ્રેન ઉપડવાના 30 મિનિટ પહેલા કરો આ કામ
Current reservation booking: રેલ્વેની આ સુવિધા એવા મુસાફરો માટે આશીર્વાદ સમાન છે જેમને અચાનક મુસાફરી કરવી પડે છે અથવા જેમના નામ વેઈટિંગ લિસ્ટમાં રહી ગયા છે.
Current reservation booking: ભારતમાં ટ્રેનની મુસાફરી સૌથી વધુ પસંદ કરવામાં આવે છે, પરંતુ ઘણીવાર છેલ્લી ઘડીએ ટિકિટ બુક કરાવતી વખતે 'વેઈટિંગ લિસ્ટ' (Waiting List) ની સમસ્યા નડે છે. જોકે, હવે તમારે ચિંતા કરવાની જરૂર નથી. ભારતીય રેલ્વે (Indian Railways) અને IRCTC ની એક ખાસ સુવિધા તમને ટ્રેન ઉપડવાના થોડા સમય પહેલા પણ 'કન્ફર્મ સીટ' (Confirmed Seat) અપાવી શકે છે. આ સુવિધાનું નામ છે 'કરંટ બુકિંગ', જેનો ઉપયોગ કરીને તમે ઈમરજન્સીમાં પણ આરામદાયક મુસાફરી કરી શકો છો.
શું છે 'કરંટ બુકિંગ' સુવિધા? (Current Booking Facility)
રેલ્વેની આ સુવિધા એવા મુસાફરો માટે આશીર્વાદ સમાન છે જેમને અચાનક મુસાફરી કરવી પડે છે અથવા જેમના નામ વેઈટિંગ લિસ્ટમાં રહી ગયા છે. સામાન્ય રીતે ટ્રેનનો ચાર્ટ તૈયાર થઈ ગયા પછી, જો કોઈ સીટ ખાલી રહે અથવા કોઈ મુસાફર છેલ્લી ઘડીએ પોતાની ટિકિટ કેન્સલ કરાવે, તો તે ખાલી સીટોને રેલ્વે 'કરંટ બુકિંગ' માટે ઉપલબ્ધ કરે છે. આ સુવિધા ફર્સ્ટ AC, સેકન્ડ AC, થર્ડ AC, થર્ડ ઈકોનોમી અને સ્લીપર ક્લાસ (Sleeper Class) એમ તમામ વર્ગો માટે ઉપલબ્ધ હોય છે.
ટિકિટ બુકિંગનો સમય: છેલ્લી 30 મિનિટ મહત્વની
આ સુવિધાનો લાભ લેવા માટે સમયનું ધ્યાન રાખવું ખૂબ જરૂરી છે. કરંટ બુકિંગની પ્રક્રિયા ટ્રેન ઉપડવાના અંદાજે 4 કલાક પહેલા શરૂ થાય છે અને ટ્રેનનો ફાઈનલ ચાર્ટ તૈયાર થાય ત્યાં સુધી ચાલુ રહે છે. સામાન્ય રીતે ટ્રેન ઉપડવાના 30 મિનિટ પહેલા ફાઈનલ ચાર્ટ બને છે. એટલે કે, જો નસીબ સાથ આપે તો ટ્રેન ઉપડવાના અડધો કલાક પહેલા પણ તમને કન્ફર્મ ટિકિટ મળી શકે છે.
મોબાઈલથી કેવી રીતે ચેક કરશો ખાલી સીટ? (IRCTC App Steps)
તમે ઘરે બેઠા તમારા મોબાઈલ દ્વારા પણ આ સુવિધાનો લાભ લઈ શકો છો:
સૌ પ્રથમ IRCTC ની એપ અથવા વેબસાઈટ ઓપન કરો.
ત્યાં 'Train' વિકલ્પ પર ક્લિક કરો અને ત્યારબાદ 'Chart Vacancy' સિલેક્ટ કરો.
હવે ટ્રેન નંબર (Train Number), તારીખ અને સ્ટેશનની વિગત નાખો.
તમને સ્ક્રીન પર દેખાશે કે કયા કોચમાં કેટલી સીટ ખાલી છે.
જો ત્યાં "Current Available" લખેલું દેખાય, તો તમે તે સીટ બુક કરી શકો છો.
આ ઉપરાંત, તમે રેલ્વે સ્ટેશન પર જઈને કરંટ રિઝર્વેશન કાઉન્ટર પરથી પણ ઓફલાઈન ટિકિટ મેળવી શકો છો.
ભાડું અને મળવાની શક્યતા
સૌથી સારી વાત એ છે કે કરંટ બુકિંગમાં તમારે કોઈ વધારાનો ચાર્જ (Extra Charge) ચૂકવવો પડતો નથી; તેનું ભાડું સામાન્ય ટિકિટ જેટલું જ હોય છે. તહેવારો કે પીક સીઝનમાં ભીડ વધુ હોવાથી સીટ મળવાની શક્યતા થોડી ઓછી હોય છે, પરંતુ સામાન્ય દિવસોમાં અથવા ઓછા ટ્રાફિકવાળા રૂટ પર આ ટ્રીક ખૂબ જ કારગર સાબિત થાય છે. જો ટ્રેન ઉપડી ગઈ હોય અને એપમાં સીટ ખાલી બતાવતી હોય, તો તમે ચાલુ ટ્રેનમાં TTE નો સંપર્ક કરીને પણ સીટ મેળવી શકો છો.
ટોપ સ્ટોરી
ટ્રેન્ડિંગ સમાચાર
