![ABP Premium](https://cdn.abplive.com/imagebank/Premium-ad-Icon.png)
શેરબજારે ફરી રચ્યો ઈતિહાસ, BSE પર લિસ્ટેડ શેરોનું માર્કેટ કેપ પ્રથમ વખત 300 લાખ કરોડને પાર
BSE Market Cap: 20 માર્ચ, 2023 પછી માર્કેટમાં નવી તેજી શરૂ થઈ અને ત્રણ મહિનામાં BSE પર લિસ્ટેડ કંપનીઓના માર્કેટ કેપમાં રૂ. 45 લાખ કરોડનો વધારો થયો છે.
![શેરબજારે ફરી રચ્યો ઈતિહાસ, BSE પર લિસ્ટેડ શેરોનું માર્કેટ કેપ પ્રથમ વખત 300 લાખ કરોડને પાર BSE Market Cap: The stock market again created history, the market cap of stocks listed on BSE crossed Rs 300 lakh crore for the first time શેરબજારે ફરી રચ્યો ઈતિહાસ, BSE પર લિસ્ટેડ શેરોનું માર્કેટ કેપ પ્રથમ વખત 300 લાખ કરોડને પાર](https://feeds.abplive.com/onecms/images/uploaded-images/2023/07/01/dd27e44450121e2ce71f298503de72d51688200079484685_original.jpg?impolicy=abp_cdn&imwidth=1200&height=675)
BSE Market Cap At Record High: ભારતીય શેરબજારે બુધવારના ટ્રેડિંગ સેશનમાં ઈતિહાસ રચ્યો હતો. શેરબજારમાં લિસ્ટેડ કંપનીઓનું માર્કેટ કેપ પ્રથમ વખત રૂ. 300 લાખ કરોડને પાર કરી ગયું છે. BSE ડેટા અનુસાર, બુધવારે માર્કેટમાં ટ્રેડિંગ બંધ થતાં BSE પર લિસ્ટેડ કંપનીઓનું માર્કેટ કેપ રૂ. 300.127 લાખ કરોડ હતું. જ્યારે છેલ્લા ટ્રેડિંગ સેશનમાં માર્કેટ કેપ રૂ. 298.65 લાખ કરોડ હતું. એટલે કે આજના વેપારમાં રોકાણકારોની સંપત્તિમાં રૂ. 1.35 લાખ કરોડનો ઉછાળો જોવા મળ્યો છે.
3 મહિનામાં માર્કેટ કેપમાં 45 લાખ કરોડનો વધારો થયો છે
20 માર્ચે BSE પર લિસ્ટેડ કંપનીઓનું માર્કેટ કેપ રૂ. 255 લાખ કરોડની નજીક હતું. પરંતુ આ પછી સ્થાનિક અને વિદેશી રોકાણકારોના જંગી રોકાણને કારણે ભારતીય શેરબજારમાં નવી તેજી શરૂ થઈ. ત્યારથી, સેન્સેક્સમાં 8500 પોઈન્ટનો ઉછાળો આવ્યો છે, જ્યારે નિફ્ટીમાં લગભગ 2700 પોઈન્ટનો ઉછાળો આવ્યો છે. માર્કેટમાં આવેલી આ તેજીને કારણે રોકાણકારોની સંપત્તિમાં 45 લાખ કરોડનો વધારો થયો છે. BSE પર લિસ્ટેડ કંપનીઓનું માર્કેટ કેપ રૂ. 255 લાખ કરોડથી વધીને રૂ. 300 લાખ કરોડ થયું છે.
કયા ક્ષેત્રોમાં વૃદ્ધિ જોવા મળી હતી
બજારની આ સૌથી મોટી તેજીમાં ઘણા ક્ષેત્રોનો ફાળો છે. પરંતુ બેન્કિંગ સેક્ટરનો મોટો ફાળો રહ્યો છે. આ સમયગાળા દરમિયાન બેન્ક નિફ્ટીમાં 10.13 ટકાનો ઉછાળો જોવા મળ્યો છે. ITCની આગેવાની હેઠળના FMCG સેક્ટરના શેરોનો આ તેજીમાં મોટો ફાળો છે. છેલ્લા ત્રણ મહિનામાં નિફ્ટી એફએમસીજીમાં 16 ટકાનો વધારો થયો છે. રિયલ એસ્ટેટ સેક્ટરના શેરોમાં મોટી તેજી જોવા મળી છે. આ ત્રણ મહિનામાં રિયલ એસ્ટેટ સેક્ટરના ઇન્ડેક્સમાં 33 ટકાનો ઉછાળો જોવા મળ્યો છે. ડીએલએફ, ગોદરેજ પ્રોપર્ટીઝ જેવા શેરોમાં જબરદસ્ત વૃદ્ધિ જોવા મળી છે.
ઓટો સેક્ટરોએ પણ આ તેજીમાં મોટો ફાળો આપ્યો છે. ઓટો ઈન્ડેક્સમાં લગભગ 24 ટકાનો ઉછાળો આવ્યો છે. ફાર્મા સેક્ટરના ઇન્ડેક્સમાં પણ 13 ટકાનો વધારો જોવા મળ્યો છે. એનર્જી સેક્ટર ઇન્ડેક્સ 10 ટકા ચઢ્યો છે. આ સમયગાળા દરમિયાન મિડ-કેપ શેરોમાં ખરીદીને કારણે મિડ-કેપ ઈન્ડેક્સમાં 20 ટકાની નજીકનો ઉછાળો જોવા મળ્યો છે.
ફ્રીમાં દુનિયા ફરવી છે? આ 3 નોકરી એવી છે જેમાં તમને ટ્રાવેલિંગ સાથે રૂપિયા કમાવામી પણ મળશે તક
Join Our Official Telegram Channel: https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)