CNG Price Hike: મોંઘવારીનો ડબલ અટેક, પેટ્રોલ-ડીઝલ બાદ હવે CNGના ભાવમાં વધારો
મોંઘવારીનો ડબલ ડોઝ, પેટ્રોલ-ડીઝલના ભાવ વધારા બાદ હવે હવે સીએનજીના ભાવમાં વધારો થયો છે. અદાણી સીએનજીના ભાવમાં 2 રૂપિયાનો વધારો થયો છે. અદાણી સીએનજીનો નવો ભાવ 88.02 રૂપિયા થયો છે. 16 મેના રોજ પણ 2.25 રૂપિયાનો વધારો કરાયો હતો. 2026માં સીએનજીમાં 8.6 રૂપિયાનો વધારો થયો છે.
મોંઘવારી ઘટવાના કોઈ સંકેત દેખાતા નથી. પેટ્રોલ અને ડીઝલના વધતા ભાવોથી દરેક વ્યક્તિ ચિંતિત છે, ત્યારે CNG પણ સામાન્ય માણસના ખિસ્સા ખાલી કરી રહ્યું છે. CNGના ભાવ ફરી એકવાર વધ્યા છે. આજે દિલ્હીમાં CNG 2 રૂપિયા પ્રતિ કિલો મોંઘું થયું છે. ગઈકાલ સુધી CNGનો ભાવ 81.09 હતો, પરંતુ હવે 2 રૂપિયાના વધારા પછી, CNG દિલ્હીમાં 83.09 રૂપિયા પ્રતિ કિલોના ભાવે ઉપલબ્ધ થશે અન્ય શહેરના કિંમત વિશે જાણીએ..
કયાં શહેરમાં સીએનજીની શું છે કિંમત જાણીએ
દિલ્હી: ₹83.09 પ્રતિ કિલો
નોઈડા: ₹91.70 પ્રતિ કિલો
ગુડગાંવ (ગુરુગ્રામ): ₹84.12 પ્રતિ કિલો
ગાઝિયાબાદ: ₹102.90 પ્રતિ કિલો
ફરીદાબાદ: ₹90.30 પ્રતિ કિલો
મુંબઈ: ₹81.00 પ્રતિ કિલો
કોલકાતા: ₹93.50 પ્રતિ કિલો
ચેન્નાઈ: ₹91.50 પ્રતિ કિલો
બેંગ્લોર: ₹90.00 પ્રતિ કિલો
હૈદરાબાદ: ₹97.00 પ્રતિ કિલો
અમદાવાદ: ₹88.02 પ્રતિ કિલો
પુણે: ₹92.50 પ્રતિ કિલો
સોનીપત: ₹86.60 પ્રતિ કિલો
કરનાલ: ₹85.43 પ્રતિ કિલો
11 દિવસમાં ચોથી વખત સીએનજીના ભાવમાં વધારો
આજે 26 મેના રોજ ૨ રૂપિયાના વધારા પહેલા, 23 મે, શનિવારના રોજ સીએનજીના ભાવમાં પ્રતિ કિલો 1 રૂપિયાનો વધારો થયો હતો. શરૂઆતમાં કિંમત ₹80.૦9હતી, જે હવે વધીને ₹81.૦9 થઈ ગઈ છે. એ નોંધવું જોઈએ કે મે મહિનામાં અત્યાર સુધીમાં સીએનજીના ભાવ ચાર વખત વધ્યા છે.
મુંબઈમાં ભાવમાં કોઈ ફેરફાર થયો નથી?
મુંબઈમાં સીએનજીના ભાવ યથાવત છે. ગયા મહિને ભાવમાં ₹50૦નો વધારો થયો હતો, અને ત્યારથી, દર ₹81 પર યથાવત છે.
ગેસ કેમ વધુને વધુ મોંઘો થઈ રહ્યો છે?
આ સતત વધતા ભાવ પાછળના કારણોને સમજવું મહત્વપૂર્ણ છે. ગેસ વિતરણ કંપની ઇન્દ્રપ્રસ્થ ગેસ લિમિટેડ (IGL) એ આ ભાવ વધારા પાછળ વૈશ્વિક પરિબળોને કારણભૂત ગણાવ્યા છે. કંપનીના જણાવ્યા મુજબ, આંતરરાષ્ટ્રીય બજારમાં કુદરતી ગેસની કિંમતમાં નોંધપાત્ર વધારો થયો છે. વધુમાં, વિદેશી વિનિમય બજારમાં ભારતીય રૂપિયા સામે અમેરિકન ડોલરના મજબૂત થવાથી પરિસ્થિતિ જટિલ બની છે. જ્યારે ડોલર મજબૂત થાય છે, ત્યારે ગેસ આયાત કરવાનો ખર્ચ પણ વધે છે. આ આંતરરાષ્ટ્રીય દબાણની સીધી અસર સ્થાનિક બજારમાં છૂટક ભાવ પર પડી છે. આ જ કારણ છે કે કંપનીને તેના વધતા ખર્ચને સરભર કરવા માટે વારંવાર ભાવમાં સુધારો કરવાની ફરજ પડી રહી છે.
ટોપ સ્ટોરી
ટ્રેન્ડિંગ સમાચાર
