![ABP Premium](https://cdn.abplive.com/imagebank/Premium-ad-Icon.png)
Fact Check: શું મોદી સરકાર વિદ્યાર્થીઓને ફ્રી આપી રહી છે લેપટોપ ? જાણો વાયરલ દાવાની હકીકત
એવો દાવો કરવામાં આવી રહ્યો છે કે વિદ્યાર્થીઓને પ્રોત્સાહિત કરવા માટે, વર્ષ 2023 માં, ભારત સરકાર મફત લેપટોપ વિતરણ યોજના લઈને આવી છે.
![Fact Check: શું મોદી સરકાર વિદ્યાર્થીઓને ફ્રી આપી રહી છે લેપટોપ ? જાણો વાયરલ દાવાની હકીકત Fact Check: Is the Modi government giving free laptops to students Know the facts of the viral claim Fact Check: શું મોદી સરકાર વિદ્યાર્થીઓને ફ્રી આપી રહી છે લેપટોપ ? જાણો વાયરલ દાવાની હકીકત](https://feeds.abplive.com/onecms/images/uploaded-images/2023/02/28/1d398651ed128892ed32d7a7a5903ca3167758083740881_original.jpg?impolicy=abp_cdn&imwidth=1200&height=675)
PIB Fact Check: ભારત સરકાર અને રાજ્ય સરકાર દેશમાં રહેતા દરેક વર્ગ માટે અનેક યોજનાઓ લઈને આવતી રહે છે. આ યોજનાઓનો હેતુ તમામ પ્રકારના લોકોને સરકારી યોજનાઓનો લાભ આપવાનો છે. આ ક્રમમાં સોશિયલ મીડિયા પર એક નોટિસ ઝડપથી વાયરલ થઈ રહી છે.
એવો દાવો કરવામાં આવી રહ્યો છે કે વિદ્યાર્થીઓને પ્રોત્સાહિત કરવા માટે, વર્ષ 2023 માં, ભારત સરકાર મફત લેપટોપ વિતરણ યોજના લઈને આવી છે. હવે આ વાયરલ દાવાની સત્યતા શું છે, અમે તમને તેના વિશે વિગતવાર માહિતી આપીશું.
સોશિયલ મીડિયા પર વાયરલ પોસ્ટ
સોશિયલ મીડિયા પર એક પોસ્ટ ફરતી થઈ છે. જે 20 ફેબ્રુઆરી 2023ના રોજ રાજધાની દિલ્હીથી જારી કરવામાં આવી છે. વાયરલ થઈ રહેલી આ નોટિસમાં લખવામાં આવ્યું છે કે ભારત સરકારે પ્રધાનમંત્રી ફ્રી લેપટોપ સ્કીમ 2023-24 શરૂ કરી છે. આ હેઠળ, ભારતના તમામ રાજ્યોના વિશેષ લાયકાત ધરાવતા વિદ્યાર્થીઓ પ્રધાનમંત્રી ફ્રી લેપટોપ યોજનાની વેબસાઇટ પર જઈને અરજી કરી શકે છે. તેમાં વેબસાઇટની લિંક પણ આપવામાં આવી છે જે www.pmflsgovt.in છે. નોટિસ હેઠળ ભારત સરકારના શાળા શિક્ષણ અને સાક્ષરતા વિભાગની સીલ પણ ચોંટેલી છે.
જાણો વાયરલ દાવાની સત્યતા
PIB દ્વારા આ વાયરલ પોસ્ટની હકીકત તપાસવામાં આવી છે અને કહેવામાં આવ્યું છે કે આ દાવો સંપૂર્ણપણે ખોટો છે. PIB ફેક્ટ ચેકે તેના સત્તાવાર ટ્વિટર હેન્ડલ પર નોટિસનો ફોટો શેર કર્યો છે.
ઉપરાંત, આ ટ્વિટના કેપ્શનમાં લખ્યું છે કે સોશિયલ મીડિયા પર એક નોટિસ ફરતી થઈ રહી છે જેમાં દાવો કરવામાં આવ્યો છે કે ભારત સરકાર પ્રધાનમંત્રી ફ્રી લેપટોપ યોજના 2023 હેઠળ યુવાનોને મફત લેપટોપ આપી રહી છે. આ નોટિસ નકલી છે. ભારત સરકારના શિક્ષણ મંત્રાલય દ્વારા આવી કોઈ યોજના ચલાવવામાં આવી રહી નથી.
Claim: The Government Of India is offering free laptops to youth under the Prime Minister Free Laptop Scheme 2023 #PIBFactCheck
— PIB Fact Check (@PIBFactCheck) May 28, 2023
▪️ The notice is #FAKE
▪️ No such scheme is being run by the @EduMinOfIndia, GOI pic.twitter.com/QEVq1OdybO
PIB ફેક્ટ ચેક શું છે?
નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)