FD Rates Increased: ICICI બેંકના ગ્રાહકો માટે સારા સમાચાર! બેંકે મોટી રકમની FD પર વ્યાજ દરમાં કર્યો વધારો, જાણો લેટેસ્ટ રેટ

બેંકની સત્તાવાર વેબસાઇટ પર આપવામાં આવેલી માહિતી અનુસાર, 2 થી 5 કરોડની FD ઉપરાંત 5 થી 500 કરોડ રૂપિયાની FD પર વ્યાજ દરમાં વધારો કરવામાં આવ્યો છે.

પ્રતિકાત્મક તસવીર

ICICI Bank FD Rates: ખાનગી ક્ષેત્રની મોટી બેંક ICICI બેંકે તેના ફિક્સ્ડ ડિપોઝિટ દરોના વ્યાજ દરોમાં ફરી એકવાર વધારો કરવાનો નિર્ણય કર્યો છે. છેલ્લા કેટલાક દિવસોમાં બેંકે તેના FDના દરમાં સતત વધારો કર્યો છે. રિઝર્વ બેંક (RBI) દ્વારા સતત ચોથી વખત રેપો રેટમાં વધારો કર્યા બાદ આ નિર્ણય લેવામાં આવ્યો છે. ICICI બેન્ક FD રેટ્સમાં તેની રૂ. 2 થી 5 કરોડની FD પર 25 બેસિસ પોઈન્ટ્સનો વધારો થયો છે. આ નવા દરો 4 ઓક્ટોબર 2022થી અમલમાં આવ્યા છે. જો તમે બેંકમાં મોટી ડિપોઝીટની FD કરવાનું વિચારી રહ્યા છો, તો અમે તમને જણાવીએ છીએ કે તમને કેટલું વળતર મળી શકે છે.

ICICI બેંક 2 થી 5 કરોડની FD પર આ વળતર આપી રહી છે-

બેંકની સત્તાવાર વેબસાઇટ પર આપવામાં આવેલી માહિતી અનુસાર, 2 થી 5 કરોડની FD ઉપરાંત 5 થી 500 કરોડ રૂપિયાની FD પર વ્યાજ દરમાં વધારો કરવામાં આવ્યો છે. બેંક સામાન્ય નાગરિકો અને વરિષ્ઠ નાગરિકો માટે 2 થી 5 કરોડ રૂપિયાની FD પર 3.75% થી 6.25% સુધીના વ્યાજ દરો ઓફર કરે છે. ચાલો તમને 2 થી 5 કરોડની FD પર મળતા વ્યાજ દર વિશે જણાવીએ-

• 7 થી 14 દિવસ - 3.75%
• 15 થી 29 દિવસ - 3.75%
• 30 થી 45 દિવસ - 3.90%
• 46 થી 60 દિવસ -4.25%
• 61 થી 90 દિવસ - 5.25%
• 91 થી 120 દિવસ - 5.50%
• 121 થી 150 દિવસ - 5.50%
• 151 થી 184 દિવસ - 5.50%
• 185 દિવસથી 210 દિવસ-5.75%
• 211 દિવસથી 270 દિવસ-6.00%
• 271 દિવસથી 289 દિવસ-6.00%
• 290 દિવસથી 1 વર્ષથી ઓછા - 6.00%
• 1 વર્ષ થી 389 દિવસ - 6.25%
• 390 દિવસથી 15 મહિના - 6.25%
• 15 મહિનાથી 18 મહિના - 6.25%
• 18 મહિનાથી 2 વર્ષ - 6.25%
• 2 થી 3 વર્ષ - 6.25%
• 3 થી 5 વર્ષ - 6.25%
• 5 થી 10 વર્ષ - 6.25%

2 કરોડથી ઓછીની FD પર સામાન્ય નાગરિકો માટે ઉપલબ્ધ વ્યાજ દરો-

• 7 થી 14 દિવસ - 3.00%
• 15 થી 29 દિવસ - 3.00%
• 30 થી 45 દિવસ - 3.50%
• 46 થી 60 દિવસ - 3.50%
• 61 થી 90 દિવસ - 3.50%
• 91 થી 120 દિવસ - 4.25%
• 121 થી 150 દિવસ -4.25%
• 151 થી 184 દિવસ -4.25%
• 185 દિવસથી 210 દિવસ-4.90%
• 211 દિવસથી 270 દિવસ-4.90%
• 271 દિવસથી 289 દિવસ-4.90%
• 290 દિવસથી 1 વર્ષથી ઓછા - 4.90%
• 1 વર્ષ થી 389 દિવસ - 5.70%
• 390 દિવસથી 15 મહિના -5.70%
• 15 મહિનાથી 18 મહિના -5.70%
• 18 મહિનાથી 2 વર્ષ -5.70%
• 2 થી 3 વર્ષ - 5.80%
• 3 થી 5 વર્ષ - 6.10%
• 5 થી 10 વર્ષ - 6.00%
• 5 ટેક્સ સેવર-6.10%

રિઝર્વ બેંકે સતત ચોથી વખત રેપો રેટમાં વધારો કર્યો છે

નોંધનીય છે કે દેશમાં વધી રહેલી મોંઘવારી પર લગામ લગાવવા માટે રિઝર્વ બેંક સતત મોટા પગલા લઈ રહી છે. કેન્દ્રીય બેંકે આ વર્ષે સતત ચોથી વખત રેપો રેટ વધારવાનો નિર્ણય કર્યો છે. હવે રેપો રેટ 5.90% પર પહોંચી ગયો છે. દેશમાં વધી રહેલી મોંઘવારી સરકાર અને આરબીઆઈ માટે પડકાર બની ગઈ છે. 30 સપ્ટેમ્બરે RBIની મોનેટરી પોલિસી કમિટીની બેઠકમાં એવો નિર્ણય લેવામાં આવ્યો છે કે રેપો રેટમાં સતત ચોથી વખત 0.50%નો વધારો કરવામાં આવશે.હવે રેપો રેટ 5.40% થી વધારીને 5.90% કરવામાં આવ્યો છે. RBIના આ નિર્ણયની સીધી અસર સામાન્ય લોકોની લોનની EMI અને જમા ખાતાના વ્યાજ દરો પર પડશે.