હવે ઓનલાઇન શાકભાજી વેચશે ફ્લિપકાર્ટ, પાયલટ પ્રોજેક્ટ શરૂ

નોંધનીય છે કે અમેરિકન કંપની વોલમાર્ટ ફ્લિપકાર્ટ ખરીદી ચૂકી છે.

નવી દિલ્હીઃ ભારતીય ઇ-કોમર્સ કંપની ફ્લિપકાર્ટ હવે ભારતમાં શાકભાજી વેચવાની તૈયારીમાં છે. કંપનીએ વેજીટેબલની હોમ ડિલિવરી માટે પાયલટ પ્રોજેક્ટ શરૂ કર્યો છે. આ હેઠળ કંપની ફ્રેશ ફૂટ્સ અને શાકભાજી વેચશે. ઇકોનોમિક ટાઇમ્સના રિપોર્ટ અનુસાર, ફ્લિપકાર્ટ વેજીટેબલ ડિલિવરી માટે કંપની પોતાના માર્કેટ પ્લેસ પર વેન્ડર્સ સાથે પાર્ટનરશીપ કરશે. કંપની આ પાયલટ પ્રોજેક્ટ હૈદરાબાદમાં શરૂ કરશે.  નોંધનીય છે કે અમેરિકન કંપની વોલમાર્ટ ફ્લિપકાર્ટ ખરીદી ચૂકી છે. ફ્લિપકાર્ટના ઓફિશિયલને ટાંકીને રિપોર્ટમાં કહેવામાં આવ્યું છે કે લાયસન્સની એપ્લિકેશન પ્રોસેસમાં છે. કંપનીએ તાજેતરમાં  જ વેકૂલ ફ્રૂડ એન્ડ પ્રોડક્ટ્સ સાથે પાર્ટનરશીપ કરી છે. એમ પણ કહેવામાં આવ્યુ છે કે કંપની ફ્રેશ ફૂટ્સ અને વેજીટેબલ સ્પેસમાં સપ્લાય ચેઇન અને રેગ્યુલેટરી કમ્પ્લાઇન્સમાં જટિલતાના કારણે આ સેગમેન્ટમાં અત્યાર સુધી આવી નહોતી. નોંધનીય છે કે Amazon ભારતમાં પસંદગીના સ્થળો પર Amazon Fresh સર્વિસ હેઠળ ફ્રેશ ફૂટ્સ અને વેજીટેબલ્સ ડિલિવર કરે છે.