GST Collection: ઓક્ટોબરમાં ટેક્સની છપ્પરફાડ આવક, GST કલેક્શન 1.5 લાખ કરોડ રૂપિયાને પાર

GST લાગુ થયા પછી, આ બીજી વખત છે જ્યારે ગુડ્સ એન્ડ સર્વિસ ટેક્સ એક મહિનામાં 1.5 લાખ કરોડ રૂપિયાને વટાવી ગયો છે. GSTનો આ વધેલો આંકડો સરકાર માટે રાહતના સમાચાર છે.

પ્રતિકાત્મક તસવીર

GST Collection: દેશમાં ટેક્સ કલેક્શન મોરચે એક સારા સમાચાર આવ્યા છે કારણ કે ઓક્ટોબરમાં GST (ગુડ્સ એન્ડ સર્વિસ ટેક્સ) કલેક્શન રૂ. 1.5 લાખ કરોડને વટાવી ગયું છે. ઓક્ટોબરમાં જીએસટી કલેક્શન રૂ. 1,51,718 કરોડ રહ્યું છે. આ અત્યાર સુધીનું બીજું સૌથી વધુ GST કલેક્શન સાબિત થયું છે. અગાઉ, એપ્રિલ 2022 માં સૌથી વધુ GST કલેક્શન પ્રાપ્ત થયું હતું. ઓક્ટોબરમાં ગુડ્સ એન્ડ સર્વિસ ટેક્સ કલેક્શન (જીએસટી) 16.6 ટકા વધીને રૂ. 1.52 લાખ કરોડ થયું છે. GST કલેક્શન એપ્રિલમાં લગભગ રૂ. 1.68 લાખ કરોડના રેકોર્ડ ઉચ્ચ સ્તરે પહોંચ્યું હતું, જે ગયા વર્ષે ઓક્ટોબરમાં રૂ. 1.30 લાખ કરોડથી વધુ હતું.

જીએસટી કલેક્શન સતત 8મી વખત રૂ. 1.4 લાખ કરોડને પાર કરી ગયું છે

માસિક ધોરણે, આ સતત આઠમો મહિનો છે જ્યારે દેશમાં જીએસટી કલેક્શન રૂ. 1.4 લાખ કરોડને વટાવી ગયું છે. તે જ સમયે, GST લાગુ થયા પછી, આ બીજી વખત છે જ્યારે ગુડ્સ એન્ડ સર્વિસ ટેક્સ એક મહિનામાં 1.5 લાખ કરોડ રૂપિયાને વટાવી ગયો છે. GSTનો આ વધેલો આંકડો સરકાર માટે રાહતના સમાચાર છે.

GST કલેક્શન વિગતો

ઓક્ટોબરમાં જીએસટી કલેક્શન રૂ. 1,51,718 કરોડ હતું અને તેમાંથી સીજીએસટી રૂ. 26,039 કરોડ હતો. SGSTનું યોગદાન રૂ. 33,396 કરોડ છે અને IGSTનું યોગદાન રૂ. 81,778 કરોડ છે. જેમાં આયાત માલનો આંકડો 37,297 કરોડ રૂપિયા રહ્યો છે. તે જ સમયે, સેસ 10,505 કરોડ રૂપિયા છે, જેમાંથી 825 કરોડ રૂપિયા માલની આયાતમાંથી મેળવવામાં આવ્યા છે. આ અત્યાર સુધીનો બીજો સૌથી વધુ આંકડો છે.

👉 ₹1,51,718 crore gross GST revenue collected for October 2022

👉 2nd highest collection ever, next only to the collection in April 2022

👉 Monthly GST revenues more than ₹1.4 lakh crore for 8 months in a row

Read more ➡️ https://t.co/Bg6Qm1Rgua pic.twitter.com/4Fda1IlAk9

— Ministry of Finance (@FinMinIndia) November 1, 2022

ઈ-વે બિલ ડેટા

સપ્ટેમ્બર 2022માં 8.3 કરોડ ઈ-વે બિલ જનરેટ થયા છે, જે ઓગસ્ટના 7.7 કરોડ ઈ-વે બિલથી સારો વધારો ગણી શકાય. દેશમાં જીએસટી કલેક્શન મોરચે આ રાહતના સમાચાર છે.

GSTથી સરકારી તિજોરી ભરાઈ રહી છે

દેશમાં ગુડ્સ એન્ડ સર્વિસ ટેક્સ લાગુ થયા બાદ સરકારી તિજોરીમાં દર મહિને સારી એવી રકમ આવી રહી છે. GST રેવન્યુમાં વધારો એ સંકેત છે કે અર્થવ્યવસ્થા પાટા પર આવી રહી છે અને સરકાર GST થી સારી કમાણી કરી રહી છે.

મેન્યુફેક્ચરિંગ PMI ડેટા પણ આવ્યો

આજે દેશમાં મેન્યુફેક્ચરિંગ પીએમઆઈનો ડેટા પણ આવી ગયો છે, જે અંતર્ગત ઓક્ટોબરમાં મેન્યુફેક્ચરિંગ પ્રવૃત્તિઓમાં તેજી જોવા મળી છે. મેન્યુફેક્ચરિંગ પીએમઆઈ ઓક્ટોબરમાં 55.3 પર આવ્યો હતો, જે સપ્ટેમ્બરમાં 55.1 હતો. આ દર્શાવે છે કે ઓક્ટોબરમાં મેન્યુફેક્ચરિંગ એક્ટિવિટી વધી છે અને તેની અસર તહેવારોની સિઝન પર પણ પડી છે.