ITR Filing: ફોર્મ 16 ની મદદથી ફાઈલ કરવુ છે ITR, જાણો કઈ વાતનુ રાખવુ પડશે ધ્યાન 

નાણાકીય વર્ષ 2023-24 અને આકારણી વર્ષ 2024-25 માટે આવકવેરા રિટર્ન ભરવાની પ્રક્રિયા શરૂ થઈ ગઈ છે. તમે 31 જુલાઈ 2024 સુધી દંડ વિના ITR ફાઇલ કરી શકો છો.

પ્રતિકાત્મક તસવીર

Form 16:  નાણાકીય વર્ષ 2023-24 અને આકારણી વર્ષ 2024-25 માટે આવકવેરા રિટર્ન ભરવાની પ્રક્રિયા શરૂ થઈ ગઈ છે. તમે 31 જુલાઈ 2024 સુધી દંડ વિના ITR ફાઇલ કરી શકો છો. પગારદાર વ્યક્તિ પાસે ITR ફાઈલ કરવા માટે ફોર્મ 16 હોવું જરૂરી છે. એમ્પ્લોયર દ્વારા ફોર્મ 16 જાહેર કરવામાં આવે છે. આના દ્વારા આવકવેરા રિટર્ન ભરવાનું ખૂબ જ  સરળ બની જાય છે.

15 જૂન સુધીમાં ફોર્મ 16 જાહેર કરવું જરૂરી છે

કંપની દ્વારા જારી કરાયેલા ફોર્મ-16માં કરદાતાઓની કુલ આવકની સાથે ચોખ્ખી આવક અને આવકમાંથી કપાત કરાયેલ TDS વિશેની માહિતી નોંધવામાં આવે છે. આવી સ્થિતિમાં, આ ફોર્મ દ્વારા આવકવેરા રિટર્ન ફાઇલ કરવું ખૂબ જ સરળ બની જાય છે. આવકવેરા વિભાગના નિયમો અનુસાર, દરેક કંપનીએ તેના કર્મચારીઓને 15 જૂન, 2024 સુધીમાં ફોર્મ-16 જાહેર કરવું જરૂરી છે. મોટાભાગની કંપનીઓએ તેમના કર્મચારીઓને ફોર્મ 16 જારી કર્યા છે. ફોર્મ-16માં કુલ બે ભાગ છે. ભાગ Aમાં ત્રિમાસિક ધોરણે આવક પર કર કપાતની માહિતી છે. ધ્યાનમાં રાખો કે કંપનીએ તમને ફોર્મ-16 ના બંને ભાગો જારી કર્યા હોવા જોઈએ. આ સાથે, બંને ભાગો પર TRACES લોગો હાજર હોવો જોઈએ જેથી તેની પ્રામાણિકતા સુનિશ્ચિત કરી શકાય.

જ્યારે ભાગ Bમાં તે નાણાકીય વર્ષમાં કંપની દ્વારા કરદાતાને મળેલા કુલ પગારનો હિસાબ હોય છે. આ સાથે તેમાં કપાત અને છૂટની માહિતી પણ નોંધવામાં આવી છે. આ પછી, તમે અહીંથી ચોખ્ખા પગારની ગણતરી કરીને તમારી ટેક્સ જવાબદારીની ગણતરી કરી શકો છો.

ફોર્મ 16 ને ફોર્મ 26AS સાથે મેચ કરો 

જો કંપની દ્વારા તમને ફોર્મ-16 જારી કરવામાં આવ્યું છે, તો સૌથી પહેલા તેને ફોર્મ 26AS સાથે મેચ કરવું જરૂરી છે. જો બંને વચ્ચે આપવામાં આવેલા આંકડાઓમાં કોઈ તફાવત હોય, તો તમારે તમારી કંપનીને તેની જાણ કરવી જોઈએ. આ પછી એમ્પ્લોયર TDS ડેટા તપાસશે અને તેને સુધારશે. જો તમે આમ ન કરો તો તમને પાછળથી આવકવેરાની નોટિસ પણ મળી શકે છે. જો ફોર્મ 16 માંની માહિતી ફોર્મ 26AS સાથે મેળ ખાતી હોય તો તમે આવકવેરા રિટર્ન ફાઇલ કરી શકો છો.  

Join Our Official Telegram Channel:
https://t.me/abpasmitaofficial