PM મુદ્રા યોજના હેઠળ આ કરવાથી 10 લાખ રૂપિયાની લોન મળશે ? જાણો મોદી સરકારે શું કહ્યું ?

વાયરલ થઈ રહેલા પત્રમાં દાવો કરવામાં આવી રહ્યો છે કે આ પત્ર પીએમ મુદ્રા યોજના સાથે સંબંધિત છે.

પ્રતિકાત્મક તસવીર

Viral Post:  ઈન્ટરનેટના વિસ્તરણ સાથે, જેમ જેમ સોશિયલ મીડિયા પર લોકોની પહોંચ વધી રહી છે, તેમ તેમ છેતરપિંડી કરવાની પદ્ધતિઓ પણ બદલાઈ રહી છે. દેશમાં લોકો છેતરપિંડી કરવા માટે અવનવા યુક્તિઓ અપનાવીને લોકોને પોતાનો શિકાર બનાવી રહ્યા છે. આ દરમિયાન પીએમ મુદ્રા યોજના સંબંધિત એક પત્ર પણ આ દિવસોમાં ખૂબ વાયરલ થઈ રહ્યો છે.

વાયરલ થઈ રહેલા પત્રમાં દાવો કરવામાં આવી રહ્યો છે કે આ પત્ર પીએમ મુદ્રા યોજના સાથે સંબંધિત છે. આ સ્વીકૃતિ પત્રમાં PM મુદ્રા યોજના હેઠળ 4500 રૂપિયા વેરિફિકેશન અને પ્રોસેસિંગ ફીની ચુકવણી પર 10 લાખ રૂપિયાની લોનનો દાવો કરવામાં આવી રહ્યો છે.

જો કે, PIB ફેક્ટ ચેકે તેની તપાસમાં આ પત્ર અને આ પત્રમાં કરવામાં આવેલા દાવાને નકલી ગણાવ્યો છે. PIB ફેક્ટ ચેક કહે છે કે આ પત્ર નકલી છે. નાણા મંત્રાલયે આવો કોઈ પત્ર જારી કર્યો નથી. લોન મંજૂરી સંબંધિત આ પત્ર નકલી છે.

An approval letter claims to grant a loan of ₹10,00,000 under the 𝐏𝐌 𝐌𝐮𝐝𝐫𝐚 𝐘𝐨𝐣𝐚𝐧𝐚 on the payment of ₹4,500 as verification & processing fees.
#PIBFactCheck

▶️This letter is #Fake.

▶️@FinMinIndia has not issued this letter.

— PIB Fact Check (@PIBFactCheck) February 18, 2022

શું છે પીએમ મુદ્રા યોજના?

તમને જણાવી દઈએ કે પીએમ મુદ્રા યોજના કેન્દ્ર સરકાર દ્વારા ચલાવવામાં આવતી એક યોજના છે. આ યોજના હેઠળ ગ્રામજનોને 50 હજાર રૂપિયાથી લઈને 10 લાખ રૂપિયા સુધીની લોન સરળતાથી આપવાની વ્યવસ્થા કરવામાં આવી છે. આ ઉપરાંત, આ યોજના હેઠળ લેવામાં આવતી લોન પરના વ્યાજ દરો પણ સસ્તા છે.