PPF રોકાણ માટે છે  શ્રેષ્ઠ વિકલ્પ, જાણો ટેક્સ છૂટનો લાભ  અને અન્ય ફાયદા વિશે

પબ્લિક પ્રોવિડન્ટ ફંડ (PPF)  નાની બચત યોજનાની સૌથી લોકપ્રિય રોકાણ માનવામાં આવે છે. પબ્લિક પ્રોવિડન્ટ ફંડ એટલે કે PPF સ્કીમ એ રોકાણ માટે એક શ્રેષ્ઠ વિકલ્પ છે.

પ્રતિકાત્મક તસવીર

પબ્લિક પ્રોવિડન્ટ ફંડ (PPF)  નાની બચત યોજનાની સૌથી લોકપ્રિય રોકાણ માનવામાં આવે છે. પબ્લિક પ્રોવિડન્ટ ફંડ એટલે કે PPF સ્કીમ એ રોકાણ માટે એક શ્રેષ્ઠ વિકલ્પ છે, જે ઘણા ફાયદા આપે છે. તમને ટેક્સ છૂટનો લાભ મળે છે. PPFમાં રોકાણ કરવા પર પૈસા ડૂબવાનું જોખમ નથી અને વળતરની ખાતરી મળે છે.

ખાતાધારક નજીકની પોસ્ટ ઓફિસમાં ખાતું ખોલાવી શકે

PPF નામાં રોકાણ કરવા માટે કોઈપણ ખાતાધારક નજીકની પોસ્ટ ઓફિસમાં ખાતું ખોલાવી શકે છે અને ઓછામાં ઓછા રૂ. 1000 અને વધુમાં વધુ રૂ. 1.5 લાખનું રોકાણ કરી શકે છે. PPF ખાતું 15 વર્ષમાં પરિપક્વ થાય છે અને હાલમાં રોકાણકારોને 7.1 ટકાના દરે વ્યાજ આપવામાં આવે છે, પરંતુ જો રોકાણકારને વચ્ચે નાણાંની જરૂર હોય તો તે આંશિક ઉપાડના નિયમ હેઠળ 40 ટકા ઉપાડી શકે છે.

80C હેઠળ કર મુક્તિનો લાભ મળે છે

PPF માં રોકાણ કરવામાં આવેલી  રકમને 80C હેઠળ કર મુક્તિનો લાભ મળે છે. આ યોજનાના રોકાણને E-E-E શ્રેણીમાં મૂકવામાં આવ્યું છે. તમારું રોકાણ, વ્યાજ અને પાકતી મુદતની રકમ ત્રણેય સંપૂર્ણપણે કરમુક્ત છે. જો યોગ્ય યોજના સાથે PPF ખાતામાં રોકાણ કરવામાં આવે તો રોકાણકાર કરોડપતિ બની શકે છે. 

પબ્લિક પ્રોવિડન્ટ ફંડ (PPF) એક સારી બચત યોજના છે. તેનો ઉપયોગ લાંબા સમય સુધી વધુ પૈસા જમા કરવા માટે થઈ શકે છે. જેમ અન્ય રોકાણ યોજનાઓમાં નુકસાન થઈ શકે છે, તેમ પીપીએફમાં પણ નુકસાન થઈ શકે છે. રોકાણકારે રોકાણ કરતા પહેલા આ જાણવું જોઈએ.

લાંબા ગાળા માટે રોકાણ કરવા માંગતા લોકો માટે સારું

PPF એકાઉન્ટ 15 વર્ષમાં પરિપક્વ થાય છે. લાંબા ગાળા માટે રોકાણ કરવા માંગતા લોકો માટે તે સારું છે. કોઈપણ પ્રકારના ટૂંકા ગાળાના રોકાણ માટે, અન્ય વિકલ્પો જોવાના રહેશે. તમે PPF ખાતામાં વધુમાં વધુ 1.5 લાખ રૂપિયા જમા કરાવી શકો છો. છેલ્લા ઘણા સમયથી સરકારે આ મર્યાદામાં વધારો કર્યો નથી. 

તમે PPF ખાતામાં સમય પહેલા રોકાણ કરવાનું બંધ કરી શકતા નથી. પીપીએફના નિયમો અનુસાર, ખાતું ખોલાવ્યાના વર્ષથી પાંચ વર્ષ પછી જ સમય પહેલા ઉપાડ કરી શકાય છે. 

ડિસ્ક્લેમર: અહીં આપેલી માહિતી માત્ર માહિતી માટે છે. અત્રે એ ઉલ્લેખ કરવો જરૂરી છે કે બજારમાં રોકાણ એ બજારના જોખમોને આધીન છે. રોકાણકાર તરીકે નાણાંનું રોકાણ કરતા પહેલા હંમેશા નિષ્ણાતની સલાહ લો. ABPLive.com વતી નાણાંનું રોકાણ કરવાની અહીંથી ક્યારેય સલાહ આપવામાં આવતી નથી.