PM Mudra Loan: બિઝનેસ શરૂ કરવા માટે મળશે 10 લાખ રૂપિયા સુધીની લોન, સરકાર ગેરન્ટી પણ નહી માંગે, જાણો પ્રોસેસ

Pradhan Mantri Mudra Yojana: કેન્દ્ર સરકાર વિવિધ વર્ગો માટે અનેક પ્રકારની યોજનાઓ લઈને આવતી રહે છે

પ્રતિકાત્મક તસવીર

Source : Social Media

Pradhan Mantri Mudra Yojana: કેન્દ્ર સરકાર વિવિધ વર્ગો માટે અનેક પ્રકારની યોજનાઓ લઈને આવતી રહે છે. અમે તમને તેમાંથી એક યોજના વિશે માહિતી આપવા જઈ રહ્યા છીએ. લોકોને પોતાનો વ્યવસાય શરૂ કરવા માટે ઘણી વાર પૈસાની જરૂર પડે છે. આવી પરિસ્થિતિઓમાં લોકો બેન્કમાં જાય છે, પરંતુ કેટલીકવાર વધુ દસ્તાવેજોની જરૂરિયાતને કારણે આ મુશ્કેલ બની જાય છે. આવી સ્થિતિમાં દેશમાં બિઝનેસને પ્રોત્સાહન આપવા માટે કેન્દ્ર સરકારે પ્રધાનમંત્રી મુદ્રા યોજના શરૂ કરી છે. આ સ્કીમ મારફતે તમે કોઈપણ ગેરન્ટી વગર 10 લાખ રૂપિયા સુધીની લોન મેળવી શકો છો. જો તમે પણ તમારો પોતાનો બિઝનેસ શરૂ કરવાનું વિચારી રહ્યા છો તો તમે આ સ્કીમ માટે અરજી કરી શકો છો.

પ્રધાનમંત્રી મુદ્રા યોજના વિશે જાણો

કેન્દ્ર સરકારે આ યોજના વર્ષ 2015માં શરૂ કરી હતી. આ સ્કીમ હેઠળ સરકારે 50,000 રૂપિયાથી લઈને 10 લાખ રૂપિયા સુધીની લોન કોઈપણ ગેરન્ટી વગર આપવામાં આવે છે. આ લોનમાં તમારે કોઈપણ પ્રકારની પ્રોસેસિંગ ફી ચૂકવવાની જરૂર નથી. જાહેર ક્ષેત્રની બેન્કો ઉપરાંત, આ લોકો સહકારી બેન્કો, પ્રાદેશિક ગ્રામીણ બેન્કો (RRBs), નાની ફાઇનાન્સ બેન્કો અને NBFCs પાસેથી પણ આ લોન મેળવી શકે છે. આ લોનના વ્યાજ દર અલગ-અલગ બેન્કો દ્વારા અલગ-અલગ હોય છે. સામાન્ય રીતે બેન્કો આ લોન પર 10 થી 12 ટકા વ્યાજ વસૂલે છે.

મુદ્રા લોન ત્રણ પ્રકારની છે

PM મુદ્રા લોનના કુલ ત્રણ પ્રકાર છે. પ્રથમ કેટેગરી શિશુ લોન છે. આ હેઠળ જ્યારે તમે પ્રથમ વખત તમારો વ્યવસાય શરૂ કરો છો, ત્યારે સરકાર તમને 5 વર્ષ માટે કોઈપણ ગેરન્ટી વિના 50,000 રૂપિયા સુધીની લોન આપે છે. જે લોકો પહેલાથી જ વ્યવસાય કરે છે તેઓને તેમના વ્યવસાયને વિસ્તારવા માટે લોન પણ આપવામાં આવે છે. જો તમે 50,000 થી 5 લાખ રૂપિયા સુધીની લોન લો છો તો તે કિશોર લોનની કેટેગરીમાં આવે છે. તરુણ લોન કેટેગરી હેઠળ સરકાર બિઝનેસને વિસ્તારવા માટે 5 થી 10 લાખ રૂપિયા સુધીની લોન આપે છે.

યોજના માટે અરજી કરવાની પ્રક્રિયા અને દસ્તાવેજો

આ યોજનામાં કોઈપણ ભારતીય નાગરિક જેની ઉંમર 24 થી 70 વર્ષની વચ્ચે છે તે અરજી કરી શકે છે. લોન એપ્લિકેશન દ્વારા તમારે આધાર, પાન કાર્ડ, પાસપોર્ટ, સરનામાનો પુરાવો વગેરેની જરૂર પડશે. આ યોજના માટે અરજી કરવા માટે, mudra.org.in ની સત્તાવાર વેબસાઇટ પર જાવ અને ફોર્મ ડાઉનલોડ કરો. પછી ફોર્મમાં બધી માહિતી દાખલ કરો અને તેને તમારી નજીકની સરકારી અથવા ખાનગી બેન્કમાં સબમિટ કરો. બેન્ક તમામ દસ્તાવેજો જોયા પછી તમારી લોન મંજૂર કરશે.