RBI Alert: ઓનલાઇન જૂના સિક્કા અને નોટ વેચવાનું વિચારી રહ્યા છો ? થઈ જાવ સાવધાન! છેતરપિંડીનો બની શકો છો ભોગ

RBI News: રિઝર્વ બેંક ઓફ ઇન્ડિયાએ લોકોને જાણકારી આપી છે કે કેટલાક સાયબર ગુનેગારો જૂની સિક્કાની નોટો ખરીદવા અને વેચવાના નામે આરબીઆઈના નામનો ઉપયોગ કરી રહ્યા છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે.

RBI Alert For Selling Old Coin or Note: વધતા જતા ડિજિટાઇઝેશનના યુગમાં આપણા બધાના જીવનમાં ઇન્ટરનેટની એક મોટી ભૂમિકા છે. આજકાલ લગભગ બધું જ ઇન્ટરનેટની મદદથી કરવામાં આવી રહ્યું છે. છેલ્લા કેટલાક દિવસોમાં જૂના સિક્કા અને કરન્સીના ઓનલાઈન વેચાણનો ટ્રેન્ડ ખૂબ જ ઝડપથી વધ્યો છે. આજકાલ લોકો જૂના સિક્કા અને નોટ ઓનલાઇન સરળતાથી વેચી શકે છે. જો કે સિક્કા અને નોટો વેચવાની આડમાં કેટલાક સાયબર ગુનેગારો તેનો ગેરલાભ ઉઠાવી રહ્યા છે.

રિઝર્વ બેંક ઓફ ઇન્ડિયાએ લોકોને જાણકારી આપી છે કે કેટલાક સાયબર ગુનેગારો જૂની સિક્કાની નોટો ખરીદવા અને વેચવાના નામે આરબીઆઈના નામનો ઉપયોગ કરી રહ્યા છે. આ મામલે કેન્દ્રીય બેંકે લોકોને ચેતવણી આપી છે. તો આવો જાણીએ આરબીઆઈએ આ વિશે શું કહ્યું છે-

આરબીઆઈએ લોકોને આપી આ જાણકારી

રિઝર્વ બેંક ઓફ ઇન્ડિયાએ આ મામલાને સંભાળતા લોકોને જાણકારી આપી છે કે જે લોકો આરબીઆઇના નામ પર ઓનલાઇન જૂના સિક્કા અને નોટ ખરીદી રહ્યા છે તે ફ્રોડ છે. આરબીઆઈના નામે આ લોકો વિવિધ પ્રકારના કમિશન અને ફીની ડિમાન્ડ કરે છે. આવી સ્થિતિમાં રિઝર્વ બેંકે કહ્યું છે કે તેની પાસે આવી કોઈ ઓનલાઇન અથવા ઓફલાઇન સિસ્ટમ નથી જેમાં જૂની નોટો અને સિક્કા વેચવામાં આવી રહ્યા છે. સાથે જ બેંક જૂની નોટો અને સિક્કા ખરીદવા માટે કોઈ પણ પ્રકારની ફી નથી લઈ રહી. આવી સ્થિતિમાં, લોકો આવા છેતરપિંડી કરનારાઓથી સાવચેત રહે.

આરબીઆઈએ આવી કોઈ ડીલ કરી નથી

રિઝર્વ બેંક ઓફ ઇન્ડિયાએ લોકોને જાણકારી આપી છે કે, કેન્દ્રીય બેંકે કોઇની સાથે આવી કોઇ ડીલ કરી નથી. સાથે જ બેંક કોઇની પાસે આવી કોઇ ફી કે કમીશન માંગતી નથી. બેંકે એ પણ ધ્યાન દોર્યું છે કે આરબીઆઈના નામે કોઈ પણ વ્યક્તિ અથવા સંસ્થા પાસે કમિશન ઓથોરિટી નથી. આ સાથે જ કેન્દ્રીય બેંકે એમ પણ કહ્યું છે કે લોકો આવા છેતરપિંડી કરનારાઓથી બચે અને કોઈની સાથે વિચાર્યા વગર પૈસા અને તમારી વ્યક્તિગત માહિતી શેર કરતા નથી.