RBIએ કહ્યું આ છે દેશની સૌથી સુરક્ષિત બેંક, નહીં ડૂબે તમારા રૂપિયા, યાદીમાં એક સરકારી અને બે ખાનગી બેંકોના નામ

વર્ષ 2015 થી, આરબીઆઈ એવી બેંકોની યાદી બહાર પાડે છે જે દેશની નાણાકીય વ્યવસ્થા અને અર્થવ્યવસ્થા માટે ખૂબ જ મહત્વપૂર્ણ છે અને તેના પર નજીકથી નજર પણ રાખે છે.

પ્રતિકાત્મક તસવીર

Safest Bank In India: રિઝર્વ બેંકે દેશની સૌથી સુરક્ષિત અને ભરોસાપાત્ર બેંકોના નામ જાહેર કર્યા છે. આ બેંકો ગ્રાહક અને ભારતીય અર્થવ્યવસ્થા માટે એટલી મહત્વની છે કે જો આ બેંકોને કોઈ નુકશાન થશે તો તેનો માર સમગ્ર દેશને ભોગવવો પડશે. RBI એ ડોમેસ્ટિક સિસ્ટમલી ઈમ્પોર્ટન્ટ બેંક્સ (D-SIBs) 2022 ની યાદી બહાર પાડી છે, જેમાં એક સરકારી અને બે ખાનગી ક્ષેત્રની બેંકોના નામ સામેલ છે. વર્ષ 2022ની યાદીમાં પાછલા વર્ષ (2021)માં સામેલ બેંકોના નામ પણ છે.

રિઝર્વ બેંકે જણાવ્યું છે કે 2022ની આ યાદીમાં દેશની સૌથી મોટી સરકારી બેંક SBI ઉપરાંત ખાનગી ક્ષેત્રની એચડીએફસી (HDFC) અને આઈસીઆઈસીઆઈ બેંક (ICICI)ના નામ પણ સામેલ છે. આવા નામો સ્થાનિક પ્રણાલીગત રીતે મહત્વપૂર્ણ બેંકોની આ યાદીમાં સામેલ છે, જેમના ડૂબી જવા અથવા નિષ્ફળતા સમગ્ર નાણાકીય સિસ્ટમ પર ગંભીર અસર કરી શકે છે. આરબીઆઈ આવી બેંકો પર ખાસ નજર રાખે છે અને તેમના ડૂબવાનો ભાર સહન થઈ શકે એવો નથી.

આ બેંકો માટે કડક નિયમો

રિઝર્વ બેંક આ યાદીમાં આવનારી બેંકો પર કડક પગલાં લાગુ કરે છે. આવી બેંકોએ ટિયર-1 ઇક્વિટી તરીકે જોખમ વેઇટેડ એસેટનો અમુક હિસ્સો રાખવો જરૂરી છે. આરબીઆઈ અનુસાર, એસબીઆઈએ તેની જોખમ વેઈટેડ એસેટ્સના 0.60 ટકા ટિયર-1 ઈક્વિટી તરીકે રાખવાની જરૂર છે, જ્યારે એચડીએફસી અને આઈસીઆઈસીઆઈ બેંક માટે તે તેમની જોખમ વેઈટેડ એસેટ્સના 0.20 ટકા છે.

આ યાદી શા માટે મહત્વપૂર્ણ છે

વર્ષ 2015 થી, આરબીઆઈ એવી બેંકોની યાદી બહાર પાડે છે જે દેશની નાણાકીય વ્યવસ્થા અને અર્થવ્યવસ્થા માટે ખૂબ જ મહત્વપૂર્ણ છે અને તેના પર નજીકથી નજર પણ રાખે છે. દર વર્ષે ઓગસ્ટમાં, રિઝર્વ બેંક બેંકોને તેમની પહોંચ અને વ્યવસાય અનુસાર રેટિંગ આપે છે અને પછી સૌથી મહત્વપૂર્ણ બેંકોની યાદી તૈયાર કરે છે. આ યાદીમાં અત્યાર સુધી માત્ર ત્રણ બેંકોનો સમાવેશ કરવામાં આવ્યો છે. યાદીમાં સામેલ બેંકોના ડૂબી જવાનો ખતરો લઈ શકાય તેમ નથી અને જરૂર પડ્યે સરકાર તેમને મદદ કરવા પણ તૈયાર છે.

આરબીઆઈની આ યાદીમાં સામેલ બેંકોની પસંદગી માર્ચ 2022 સુધીની કામગીરીના આધારે કરવામાં આવી છે. વર્ષ 2015 અને 2016માં RBIએ આ યાદીમાં માત્ર SBI અને ICICI બેંકનો સમાવેશ કર્યો હતો. બાદમાં માર્ચ 2017 સુધીના ડેટાને જોતા HDFC બેંકને પણ સામેલ કરવામાં આવી છે. ગ્લોબલ રેટિંગ એજન્સી મૂડીઝે 2015માં જાહેર કરેલી પ્રથમ યાદીમાં માત્ર બે જ નામ હોવાના કારણે પ્રશ્નો ઉભા કર્યા હતા.