સેમસંગે ભારતમાં લૉન્ચ કર્યો બુકની જેમ વળી શકે એવો ફૉલ્ડેબલ સ્માર્ટફોન, કિંમત જાણીને ઉડી જશે હોશ

ભારતમાં ગેલેક્સી ફોલ્ડની કિંમત 1,64,999 છે. આ ફોન એક જ વેરિયન્ટમાં લોન્ચ થયો છે. તેમાં 12GB રેમની સાથે 512GB ઈન્ટરનલ સ્ટોરેજ આપવામાં આવી છે.

નવી દિલ્હીઃ સેમસંગ ગેલેક્સી ફોલ્ડ ભારતમાં લોન્ચ થઈ ગયો છે.  ફેબ્રુઆરીમાં ગ્લોબલ લોન્ચિંગ બાગ સ્ક્રીન તૂટવાની સમસ્યાના કારણે વેચાણ સ્થગિત કરી દેવામાં આવ્યું હતું પરંતુ આ ખામીને દૂર કર્યા બાદ હવે ભારતમાં લોન્ચ કરવામાં આવ્યો છે. ભારતમાં ગેલેક્સી ફોલ્ડની કિંમત 1,64,999 છે. આ ફોન એક જ વેરિયન્ટમાં લોન્ચ થયો છે. તેમાં 12GB રેમની સાથે 512GB ઈન્ટરનલ સ્ટોરેજ આપવામાં આવી છે. ફોનની સૌથી મોટી ખાસિયત એ છે કે તેની ડિસ્પ્લે ફોલ્ડ કરી શકાય છે. અનફોલ્ડ કર્યા બાદ તેનો ટેબલેટની જેમ યૂઝ કરી શકાય છે. જોકે ફોલ્ડ થયા બાદ તે નાની સ્ક્રીનવાળો સ્માર્ટફોન લાગે છે. તે બ્લેક કલર વેરિયન્ટમાં જ મળશે. આ સ્માર્ટફોનમાં ટ્રિપલ રિયર કેમેરો પણ આપવામાં આવ્યો છે. આ ફોનને કંપનીએ Unpacked 2019 ઈવેન્ટમાં 1,980 ડોલર (આશરે 1,40,400 રૂપિયા) કિંમત સાથે રજૂ કર્યો હતો. ગેલેક્સી ફોલ્ડ માટે શુક્રવાર, 4 ઓક્ટોબરથી પ્રી બુકિંગ કરવામાં આવશે. જ્યારે તેનું વેચાણ 20 ઓક્ટોબરથી થશે. સેમસંગ ઈ-સોપ અને કંપનીના રિટેલ સ્ટોર્સમાંથી તેનું પ્રી બુકિંગ કરાવી શકાય છે. ફરી શકે તેવી ડિસ્પ્લેને બાદ કરતા અન્ય ફીચર્સ જૂના સ્માર્ટફોન જેવા જ છે.

આ સ્માર્ટફોન Android 9 Pie બેસ્ડ One UI પર ચાલે છે. સ્માર્ટફોનમાં ઓક્ટાકોર પ્રોસેસર આપવામાં આવ્યું છે. ઉપરાંત ટ્રિપલ રિયર કેમેરો પણ આપવામાં આવ્યો છે. એક લેંસમાં 16 મેગાપિક્સલ, બીજો 12 મેગાપિક્સલ અને ત્રીજો લેંસ પણ 12 મેગાપિક્સલનો છે. સેલ્ફી માટે તેમાં ડ્યુઅલ કેમેરા સેટઅપ આપવામાં આવ્યું છે. ગેલેક્સી ફોલ્ડમાં કનેક્ટિવિટી માટે USB Type C આપવામાં આવ્યું છે. જેમાં 4G LTE, GPS તથા બીજા સ્ટાન્ડર્ડ ફીચર્સ છે. આ સ્માર્ટફોનમાં અંડર ડિસ્પ્લે ફિંગર પ્રિંટ સ્કેનર આપવામાં આવ્યું છે. તેની બેટરી 4380 mAhની છે અને તેની સાથે વાયરલેસ ચાર્જિંગ સપોર્ટ પણ આપવામાં આવ્યું છે. અમરેલીઃ સાવરકુંડલાના ગ્રામ્ય વિસ્તારોમાં ધોધમાર વરસાદ, ખેડૂતોમાં ચિંતા  પંતને સાઉથ આફ્રિકા સામેની પ્રથમ ટેસ્ટમાંથી બહાર કરતાં જ કોહલીએ કહ્યું- સાહા છે વિશ્વનો સર્વશ્રેષ્ઠ વિકેટકિપર ગુજરાતમાં ભાજપે કયા નેતાને કર્યા સસ્પેન્ડ, કારણ જાણીને ચોંકી જશો India vs South Africa: કોહલી તોડી શકે છે સચિનનો મોટો વર્લ્ડ રેકોર્ડ, જાણો વિગતે