SME Stocks: શેર બજારના રોકાણકારો સાવધાન! SEBIએ કહ્યું- આ સ્ટોક્સમાં સમજી વિચારીને રોકાણ કરો

SEBI On SME Stocks: SME સેગમેન્ટની શરૂઆત 2012 માં સ્ટોક એક્સચેન્જ પર કરવામાં આવી હતી. SME શેરો દ્વારા આપવામાં આવેલા મજબૂત વળતરને કારણે રોકાણકારોનો આ શેરોમાં રોકાણ કરવાનો ઝોક વધ્યો છે.

સેબી

Source : PTI

SEBI Warning ON SME Stocks: સ્ટોક માર્કેટ રેગ્યુલેટર સિક્યોરિટી એક્સચેન્જ બોર્ડ ઓફ ઈન્ડિયા (SEBI) એ રોકાણકારોને એસએમઈ સ્ટોક્સ(SME Stocks)માં રોકાણ કરતી વખતે સાવચેતી રાખવા જણાવ્યું છે. સેબીએ રોકાણકારોને અનવેરિફાઈડ સોશિયલ મીડિયા પોસ્ટ (Unverified Social Media Posts) પર વિશ્વાસ ન કરવા અને ટીપ્સ અને અફવાઓના આધારે રોકાણ કરવાનું ટાળવાની સલાહ આપી છે. સેબીએ કહ્યું કે તેણે રોકાણકારોના હિતોને ધ્યાનમાં રાખીને આ એડવાઇઝરી જારી કરી છે.

સેબી  (Securities Exchange Borad Of India)એ 28 ઓગસ્ટ, 2024ના રોજ જારી કરાયેલ એડવાઈઝરીમાં જણાવ્યું હતું કે, તેના ધ્યાન પર આવ્યું છે કે એસએમઈ સેગમેન્ટના સ્ટોક એક્સચેન્જમાં કંપનીની લિસ્ટિંગ પછી, કેટલીક એસએમઈ કંપનીઓ અથવા તેમના પ્રમોટરો અતિશયોક્તિપૂર્ણ કામગીરી કરે છે. આવી કંપનીઓ અથવા તેમના પ્રમોટરો જાહેર જાહેરાતો કરતા જોવા મળ્યા છે જે તેમની કામગીરીનું હકારાત્મક ચિત્ર રજૂ કરે છે. આ ઘોષણાઓ પછી, બોનસ ઇશ્યુ(Bonus Issues), સ્ટોક સ્પ્લિટ્સ(Stock Splits), પ્રેફરન્શિયલ એલોટમેન્ટ્સ જેવી કોર્પોરેટ ક્રિયાઓ(Preferential Allotments)ની જાહેરાત કરવામાં આવે છે.

આવી જાહેરાતોથી રોકાણકારોમાં સકારાત્મક લાગણી પેદા થાય છે

સેબીના જણાવ્યા અનુસાર, આ જાહેરાતોથી રોકાણકારોમાં સકારાત્મક લાગણી પેદા થાય છે અને ત્યારબાદ તેઓ આ શેર ખરીદે છે. આવી બાબતો પ્રમોટરોને અવસર આપે છ કે તેઓ ઉંચી કિંમત પર હોલ્ડિંગને ઓફલોડ કરી શકે. સેબીએ કહ્યું કે, તાજેતરમાં તેણે વેબસાઇટ પર ઉપલબ્ધ એવી કંપનીઓ સામે આદેશ જારી કર્યા છે. સેબીએ જણાવ્યું હતું કે આ કંપનીઓની કાર્યશૈલી લગભગ ઉપર જણાવ્યા પ્રમાણે બરાબર છે.

સ્ટોક એક્સચેન્જનું SME પ્લેટફોર્મ વર્ષ 2012 માં શરૂ કરવામાં આવ્યું હતું

સેબીના જણાવ્યા અનુસાર, સ્ટોક એક્સચેન્જનું SME પ્લેટફોર્મ વર્ષ 2012 માં શરૂ કરવામાં આવ્યું હતું જેથી ઉભરતા વ્યવસાયો ભંડોળ એકત્ર કરી શકે. ત્યારથી, SME ઇશ્યૂ શરૂ કરવામાં આવી રહ્યા છે તેની સંખ્યામાં મોટો ઉછાળો આવ્યો છે અને આ SME ઇશ્યૂમાં રોકાણકારોની ભાગીદારી પણ વધી છે. છેલ્લા દાયકામાં, આ પ્લેટફોર્મ દ્વારા 14,000 કરોડ રૂપિયા એકત્ર કરવામાં આવ્યા છે, જેમાંથી 2023-24માં જ 6,000 કરોડ રૂપિયા એકત્ર કરવામાં આવ્યા છે. નોંધનીય છે કે, સેબી સમયે સમયે રોકાણકારોના હિતોને ધ્યાનમાં રાખીને આવી એડવાયઝરી જારી કરતું રહે છે.

આ પણ વાંચો...