Stock Market LIVE Updates: સેન્સેક્સ 500 પોઈન્ટ તૂટ્યો, નિફ્ટી 17,700 ની નીચે, મેટલ, પાવર, ઓઈલ અને ગેસ શેરોમાં મંદી
આજે સેન્સેક્સમાં 208 પોઈન્ટના ઘટાડા બાદ ટ્રેડિંગ 59,402 પર ખુલ્યું હતું અને નિફ્ટીએ 17,723ના સ્તરે ટ્રેડિંગ શરૂ કર્યું હતું.
LIVE
Background
Stock Market LIVE Updates: શેરબજારમાં આજે ઘટાડો જોવા મળી રહ્યો છે અને સેન્સેક્સ-નિફ્ટી લાલ નિશાનમાં ટ્રેડ થઈ રહ્યા છે. સેન્સેક્સ અને નિફ્ટીમાં પ્રોફિટ-બુકિંગના કારણે આજે ઘટાડા વચ્ચે ટ્રેડિંગ થઈ રહ્યું છે.
કેવી રીતે ખુલ્યું બજાર
આજે સેન્સેક્સમાં 208 પોઈન્ટના ઘટાડા બાદ ટ્રેડિંગ 59,402 પર ખુલ્યું હતું અને નિફ્ટીએ 17,723ના સ્તરે ટ્રેડિંગ શરૂ કર્યું હતું.
સેન્સેક્સ ઘટનારા-વધનારા સ્ટોક
એચડીએફસી ટ્વિન્સ, મારુતિ, ટાઇટન, વિપ્રો, રિલાયન્સ, ટીસીએસ, કોટક બેંક અને ઇન્ફોસિસ સેન્સેક્સમાં ટોચના નુકસાનકર્તા હતા. દરમિયાન ડૉ. રેડ્ડીઝ, એશિયન પેઈન્ટ્સ, સન ફાર્મા, અને ટાટા સ્ટીલ ટોચના ગેનર હતા.
રૂચી સોયાના એફપીઓ લિસ્ટિંગ પહેલા શેરમાં 7% નો ઉછાળો
રૂચી સોયાના શેરમાં આજે 6.85%નો વધારો થયો છે. કંપનીના FPOનું લિસ્ટિંગ 8 એપ્રિલ, શુક્રવારના રોજ થવાનું છે. તે પહેલા શેર 7%ના વધારા સાથે રૂ. 804.50 પર ટ્રેડ થઈ રહ્યા હતા. રૂચી સોયાનો રૂ. 4300 કરોડનો FPO 24 માર્ચે ખુલ્યો હતો અને 28 માર્ચે બંધ થયો હતો. કંપનીની ઇશ્યૂ કિંમત 650 રૂપિયા નક્કી કરવામાં આવી છે. જોકે, 28 માર્ચે ઈસ્યુ બંધ થયાના થોડા કલાકો બાદ સેબીએ રોકાણકારોને ઈસ્યુમાંથી બહાર નીકળવા માટે 30 એપ્રિલ સુધીનો સમય આપ્યો હતો. આ પછી, લગભગ 97 લાખ બિડ પાછી ખેંચી લેવામાં આવી હતી. કંપનીએ તેના એન્કર રોકાણકારોને 1.98 કરોડ શેર જારી કરીને પહેલેથી જ રૂ. 1290 કરોડ એકત્ર કર્યા છે.
બજારમાં કડાકો વધ્યો
બજાર દિવસના નીચા સ્તરે કારોબાર કરી રહ્યું છે. સેન્સેક્સ ઉપલા સ્તરેથી લગભગ 380 પોઈન્ટ નીચે આવી ગયો છે. નિફ્ટી ઉપલા સ્તરથી લગભગ 110 પોઈન્ટ લપસી ગયો છે. બીજી તરફ, નિફ્ટી બેંક ઉપરથી લગભગ 450 પોઈન્ટ લપસી ગયો છે.
સેન્સેક્સમાં વધનારા-ઘટનારા સ્ટોક્સ (12-40 કલાકે)
સેક્ટરલ ઇન્ડેક્સ
સેક્ટરલ ઈન્ડેક્સની સ્થિતિ પર નજર કરીએ તો મીડિયા શેરોમાં 1.20 ટકા અને હેલ્થકેર સેક્ટરમાં 1.46 ટકાનો ઉછાળો છે. રિયલ્ટી 1.04 ટકાની વૃદ્ધિ નોંધાવી છે. IT શેર ઘટતા ઇન્ડેક્સમાં 1.01 ટકાનો ઘટાડો દર્શાવે છે.
નિફ્ટીની શું સ્થિતિ છે
નિફ્ટીના 50 શેરોમાંથી 23 શેરો આજે તેજી સાથે ટ્રેડ કરી રહ્યાં છે અને 27 શેરો ઘટાડાનાં લાલ નિશાન સાથે ટ્રેડ થઈ રહ્યાં છે. બેન્ક નિફ્ટીની વાત કરીએ તો 140.50 પોઈન્ટના ઘટાડા બાદ 37492 ના સ્તર પર લાલ નિશાનમાં ટ્રેડ થઈ રહ્યો છે.
ટ્રેન્ડિંગ સમાચાર
ટોપ સ્ટોરી
